bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Numbers 2
Numbers 2
Quechuan (Tayta Diospa Wilakuynin) 2003
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Tsaypitanami Moisésta y Aarónta Tayta Dios kayno nirqan:
2
«Israel runakunaqa Tinkunantsi Toldu nawpankunapami bandërankunata aylunpa aylunpa ichitsipäkunqa. Tsaylachömi toldunkunata jiruruypa sharkatsipäkunqa.
3
«Inti jeqamunan lädupami bandëran ichitsishqan kaqcho Judá trïbu kaqkuna punta punta toldunkunata sharkatsipäkunqa. Paykunapa mandaqninmi kaykan Aminadabpa tsurin Naasón.
4
Tsay trïbu runakunata censar yupaptinmi karqan qanchis chunka chusku waranqa soqta pachak (74,600) runakuna.
5
«Paykunapa nawpanpanami Isacar trïbu kaqkuna toldunkunata sharkatsipäkunqa. Paykunapa mandaqninmi kaykan Zuarpa tsurin Natanael.
6
Tsay trïbu runakunata censar yupaptinmi karqan pitsqa chunka chusku waranqa chusku pachak (54,400) runakuna.
7
«Paykunapa nawpanpanami Zabulón trïbu runakunapis toldunkunata sharkatsipäkunqa. Paykunapa mandaqninmi kaykan Helónpa tsurin Eliab.
8
Tsay trïbu runakunata censar yupaptinmi karqan pitsqa chunka qanchis waranqa chusku pachak (57,400) runakuna.
9
«Tsaynöpami Judá trïbu kaq läducho kimsa trïbukuna kanqa. Tsay trïbukunami kaykan juk pachak pusaq chunka soqta waranqa chusku pachak (186,400) runakuna. Israel runakuna maypapis aywaptin paykunami puntanta aywapäkunqa.
10
«Sur kaq lädupami bandëran ichitsishqan kaqcho Rubén trïbu kaqkuna punta punta toldunkunata sharkatsipäkunqa. Paykunapa mandaqninmi kaykan Sedeurpa tsurin Elisur.
11
Tsay trïbu runakunata censar yupaptinmi karqan chusku chunka soqta waranqa pitsqa pachak (46,500) runakuna.
12
«Paykunapa nawpanpanami Simeón trïbu kaqkuna toldunkunata sharkatsipäkunqa. Paykunapa mandaqninmi kaykan Zurisadaipa tsurin Selumiel.
13
Tsay trïbu runakunata censar yupaptinmi karqan pitsqa chunka isqun waranqa kimsa pachak (59,300) runakuna.
14
«Paykunapa nawpanpanami Gad trïbupis toldunkunata sharkatsipäkunqa. Paykunapa mandaqninmi kaykan Reuelpa tsurin Eliasaf.
15
Tsay trïbu runakunata censar yupaptinmi karqan chusku chunka pitsqa waranqa soqta pachak pitsqa chunka (45,650) runakuna.
16
«Tsaynöpami Rubén trïbu kaq läducho kimsa trïbukuna kanqa. Tsay trïbukunami kaykan juk pachak pitsqa chunka juk waranqa chusku pachak pitsqa chunka (151,450) runakuna. Israel runakuna maypapis aywaptin paykunami kimsa trïbukunapa qepanta aywapäkunqa.
17
«Paykunapa qepalantanami levitakuna aywapäkunqa Tinkunantsi Tolduta apakurkur. Tsaynöpami levitakunapa puntanta soqta trïbukuna aywapäkunqa y soqta kaq trïbukunanami qepanta aywapäkunqa. Tsaynölami lapan trïbukuna patsakunanpaq churanakushqannöla bandëran aptashqa aywapäkunqa.
18
«Inti jeqanan lädupami bandëran ichitsishqan kaqcho Efraín trïbu kaqkuna punta punta toldunkunata sharkatsipäkunqa. Paykunapa mandaqninmi kaykan Amiudpa tsurin Elisama.
19
Tsay trïbu runakunata censar yupaptinmi karqan chusku chunka waranqa pitsqa pachak (40,500) runakuna.
20
«Paykunapa nawpanpanami Manasés trïbu kaqkuna toldunkunata sharkatsipäkunqa. Paykunapa mandaqninmi kaykan Pedasurpa tsurin Gamaliel.
21
Tsay trïbu runakunata censar yupaptinmi karqan kimsa chunka ishkay waranqa ishkay pachak (32,200) runakuna.
22
«Paykunapa nawpanpanami Benjamín trïbu kaqkunapis toldunkunata sharkatsipäkunqa. Paykunapa mandaqninmi kaykan Gedeonipa tsurin Abidán.
23
Tsay trïbu runakunata censar yupaptinmi karqan kimsa chunka pitsqa waranqa chusku pachak (35,400) runakuna.
24
«Tsaynöpami Efraín trïbu kaq läducho kimsa trïbukuna kanqa. Tsay trïbukunami kaykan juk pachak pusaq waranqa pachak (108,100) runakuna. Israel runakuna maypapis aywaptin paykunami soqta trïbukunapa qepanta aywapäkunqa.
25
«Norti kaq lädupami bandëran ichitsishqan kaqcho Dan trïbu kaqkuna punta punta toldunkunata sharkatsipäkunqa. Paykunapa mandaqninmi kaykan Amisadaipa tsurin Ahiezer.
26
Tsay trïbu runakunata censar yupaptinmi karqan soqta chunka ishkay waranqa qanchis pachak (62,700) runakuna.
27
«Paykunapa nawpanpanami Aser trïbu kaqkunapis toldunkunata sharkatsipäkunqa. Paykunapa mandaqninmi kaykan Ocránpa tsurin Pagiel.
28
Tsay trïbu runakunata censar yupaptinmi karqan chusku chunka juk waranqa pitsqa pachak (41,500) runakuna.
29
«Paykunapa nawpanpanami Neftalí trïbu kaqkunapis toldunkunata sharkatsipäkunqa. Paykunapa mandaqninmi kaykan Enánpa tsurin Ahira.
30
Tsay trïbu runakunata censar yupaptinmi karqan pitsqa chunka kimsa waranqa chusku pachak (53,400) runakuna.
31
«Tsaynöpami Dan trïbu kaq läducho kimsa trïbukuna kanqa. Tsay trïbukunami kaykan juk pachak pitsqa chunka qanchis waranqa soqta pachak (157,600) runakuna. Israel runakuna maypapis aywaptin paykunami wakin trïbukunapa qepanta bandëran aptashqa aywapäkunqa».
32
Israel runakunata aylunpa aylunpa censaptinmi karqan soqta pachak kimsa waranqa pitsqa pachak pitsqa chunka (603,550) runakuna.
33
Moisésta Tayta Dios nishqannölami levitakunataqa mana censarqantsu.
34
Moisésta Tayta Dios nishqankunataqa lapantami Israel runakuna rurapäkurqan. Tsaymi bandëran ichitsipäkushqan kaqcho aylunpa aylunpa y castanpa castanpa patsakur patsakur aywapäkurqan.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36