bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Numbers 26
Numbers 26
Quechuan (Tayta Diospa Wilakuynin) 2003
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Tsaypitanami Moisésta y cüra Aarónpa tsurin Eleazarta Tayta Dios kayno nirqan:
2
«Ishkay chunka (20) watayuqpita janaman lapan Israel runakunata aylunpa aylunpa censapäkuy. Tsay runakunaqa guërraman aywapäkunanpaq kalpanchönami karkaykan».
3
Tsay witsanmi Israel runakuna Jericó tsimpan y Jordán mayu nawpan Moab pampacho karkaykarqan. Censananpaq Tayta Dios niptinmi Israel mayinkunata Moisés y Eleazar kayno nirqan:
4
« Tayta Dios nishqannöla ishkay chunka (20) watayuqpita janaman lapayki censakäriy». Egiptupita yarqamuq Israel runakunapa aylunkuna mayqan kashqanpis kaychömi qelqaraykan:
5
Israelpa mayor kaq tsurin Rubénpita miraqkuna karqan Enoc aylu runakuna, Falú aylu runakuna,
6
Hezrón aylu runakuna y Carmi aylu runakuna.
7
Rubénpita miraqkunata censaptinmi karqan chusku chunka kimsa waranqa qanchis pachak kimsa chunka (43,730) runakuna.
8
Falúpa tsurinmi karqan Eliab.
9
Eliabpa tsurinkuna karqan Nemuel, Datán y Abiram. Datán y Abiramqa mayor runakunami karqan. Paykunami Coréwan juntakaykur Moiséspa, Aarónpa y Tayta Diospa contran sharkapäkurqan.
10
Tsayno contran sharkuptinmi patsa kichakar Datánta, Abiramta y Coréta ultakurkurqan. Nirkurnami ishkay pachak pitsqa chunka (250) qatiraqninkunatapis nina rupar usharqan. Tsay runakunaqa wanurqan wakin Israel runakunapis rikakärinanpaqmi.
11
Corépa tsurinkunami itsanqa kawaykar quëdarqan.
12
Simeónpita miraqkuna karqan Nemuel aylu runakuna, Jamín aylu runakuna, Jaquín aylu runakuna,
13
Zera aylu runakuna y Saúl aylu runakuna.
14
Simeónpita miraqkunata censaptinmi karqan ishkay chunka ishkay waranqa ishkay pachak (22,200) runakuna.
15
Gadpita miraqkuna karqan Zefón aylu runakuna, Hagui aylu runakuna, Suni aylu runakuna,
16
Ozni aylu runakuna, Eri aylu runakuna,
17
Arod aylu runakuna y Areli aylu runakuna.
18
Gadpita miraqkunata censaptinmi karqan chusku chunka waranqa pitsqa pachak (40,500) runakuna.
19
Judápa tsurinkuna Er y Onán tsuriynaq kaykar Canaáncho wanuptinmi aylunkuna mana karqantsu.
20
Tsaymi Judápita miraqkuna karqan Sela aylu runakuna, Fares aylu runakuna y Zera aylu runakuna.
21
Farespita miraqkuna karqan Hezrón aylu runakuna y Hamul aylu runakuna.
22
Judápita miraqkunata censaptinmi karqan qanchis chunka soqta waranqa pitsqa pachak (76,500) runakuna.
23
Isacarpita miraqkuna karqan Tola aylu runakuna, Fúa aylu runakuna,
24
Jasub aylu runakuna y Simrón aylu runakuna.
25
Isacarpita miraqkunata censaptinmi karqan soqta chunka chusku waranqa kimsa pachak (64,300) runakuna.
26
Zabulónpita miraqkuna karqan Sered aylu runakuna, Elón aylu runakuna y Jahleel aylu runakuna.
27
Zabulónpita miraqkunata censaptinmi karqan soqta chunka waranqa pitsqa pachak (60,500) runakuna.
28
Josépita miraqkuna karqan Manasés trïbu runakuna y Efraín trïbu runakuna.
29
Manaséspita miraqkuna karqan Maquir aylu runakuna y Galaad aylu runakuna. Galaadqa Maquirpa tsurinmi karqan.
30
Galaadpita miraqkuna karqan Jezer aylu runakuna, Helec aylu runakuna,
31
Asriel aylu runakuna, Siquem aylu runakuna,
32
Semida aylu runakuna y Hefer aylu runakuna.
33
Heferpa tsurin Zelofehadpa manami olqu tsurinkuna karqantsu, sinöqa warmilami tsurinkuna karqan. Tsay warmi tsurinkunapa jutinkunami karqan Maala, Noa, Hogla, Milca y Tirsa.
34
Manaséspita miraqkunata censaptinmi karqan pitsqa chunka ishkay waranqa qanchis pachak (52,700) runakuna.
35
Efraínpita miraqkuna karqan Sutela aylu runakuna, Bequer aylu runakuna y Tahán aylu runakuna.
36
Sutelapita miraqkuna karqan Erán aylu runakuna.
37
Efraínpita miraqkunata censaptinmi karqan kimsa chunka ishkay waranqa pitsqa pachak (32,500) runakuna. Tsaynömi Josépita miraqkuna aylunpa aylunpa karqan.
38
Benjamínpita miraqkuna karqan Bela aylu runakuna, Asbel aylu runakuna, Ahiram aylu runakuna,
39
Sufam aylu runakuna y Hufam aylu runakuna.
40
Belapa tsurinkuna karqan Ard y Naamán. Paykunapitami mirarqan Ard aylu runakuna y Naamán aylu runakuna.
41
Benjamínpita miraq runakunata censaptinmi karqan chusku chunka pitsqa waranqa soqta pachak (45,600) runakuna.
42
Danpita miraqkunami karqan Súham aylu runakuna.
43
Súhampita miraq runakunata censaptinmi karqan soqta chunka chusku waranqa chusku pachak (64,400) runakuna.
44
Aserpita miraqkunami karqan Imna aylu runakuna, Isúi aylu runakuna y Bería aylu runakuna.
45
Beríapita miraqkuna karqan Heber aylu runakuna y Malquiel aylu runakuna.
46
Aserpa warmi tsurinpa jutinmi karqan Sera.
47
Aserpita miraq runakunata censaptinmi karqan pitsqa chunka kimsa waranqa chusku pachak (53,400) runakuna.
48
Neftalípita miraqkuna karqan Jahzeel aylu runakuna, Guni aylu runakuna,
49
Jezer aylu runakuna y Silem aylu runakuna.
50
Neftalípita miraq runakunata censaptinmi karqan chusku chunka pitsqa waranqa chusku pachak (45,400) runakuna.
51
Censayta usharkur yupaptinmi Israel runakuna karqan soqta pachak juk waranqa qanchis pachak kimsa chunka (601,730) runakuna.
52
Tsaypitanami Moisésta Tayta Dios kayno nirqan:
53
«Censarkur cada trïbucho ayka runakuna kashqanman tupu chakrata aypunki herencian kananpaq.
54
Atska runakuna kaptin jatunta chakrata aypunki. Walka runakuna kaptinqa takshalata aypunki. Censarkur ayka runakuna kashqanman tupu cada trïbuta aypunki.
55
Chakrakunataqa suertita jitaypa aypunki. Cada runa chakrata chaskinqa mayqan trïbumanpis taytan pertenecishqancho.
56
Suertita jitaypa tsayno aypunki trïbucho atska runakuna kaptinpis o walka runakuna kaptinpis».
57
Levitakunata censarqa Gersón aylu runakunata, Coat aylu runakunata y Merari aylu runakunatami censarqan.
58
Tsaynöpis tsay aylukunacho karqan Libni aylu runakuna, Hebrón aylu runakuna, Mahli aylu runakuna, Musi aylu runakuna y Coré aylu runakuna. Coatpa tsurinmi karqan Amram.
59
Amrampa warminmi karqan Jocabed. Jocabedpis Leví trïbumi karqan. Payqa Egiptuchömi yurirqan. Amrampa y Jocabedpa wamrankunami karqan Aarón, Moisés y María.
60
Aarónpa tsurinkunami karqan Nadab, Abiú, Eleazar y Itamar.
61
Nadab y Abiúqa wanurqan Tayta Diospa nawpancho lutala inciensuwan qoshtatsishqanpitami.
62
Levitakuna chakrata mana chaskinanpaq nishqa kaptinmi Israel mayinkunata censarkurraq paykunata censarqan. Tsaymi levitakunata juk killayuqpita janaman censaptin karqan ishkay chunka kimsa waranqa (23,000) runakuna.
63
Jericó tsimpan y Jordán mayu nawpan Moab pampacho kaykarmi Israel mayinkunata Moisés y cüra Eleazar censarqan.
64
Moab pampacho censakuq runakuna manami mayqanpis censashqaraqtsu karqan Moisés y Aarón Sinaí chunyaq jirkacho Israel runakunata unay censaptin.
65
Sinaí jirkacho censashqan runakunaqa lapanpis Tayta Dios nishqannölami chunyaq jirkacho wanur ushakarqan. Tsaymi mayqanpis mana karqantsu qepa kaq censupaqqa. Jefonipa tsurin Caleb y Nunpa tsurin Josuélami kawaykar quëdarqan.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36