bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kirundi
/
Kirundi (Bibliya Yera 1951, 1967 (Burundi))
/
Psalms 119
Psalms 119
Kirundi (Bibliya Yera 1951, 1967 (Burundi))
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Hahirwa abagenda batunganye, Bakagendera mu vyagezwe vy’Uhoraho.
2
Hahirwa abitondera ivyo yihanikirije, Bakamurondeza umutima wose.
3
Mbere nta c’ukugabitanya bakora, Bagendera mu nzira ziwe.
4
Washinze amateka yawe Kugira ngo tuyitonderane umwete.
5
Icompa inzira zanje zigashikama Kugira ngo nitondere ivyo washinze.
6
Aho nzoshirira umutima ku mabgirizwa yawe yose Ni ho ntazomāramāra.
7
Nzogushimisha umutima utunganye Ni namara kwiga imanza zawe ziroranye zibereye.
8
Nzokwitondera ivyo washinze: Ntunte ngo mbe ruhebga.
9
Umusore azokwezesha inzira yiwe iki? Azoyezesha kuyitondera nk’ ukw ijambo ryawe rivuga.
10
Nakurondeje umutima wanje wose; Ntukunde ko mpusha ngo mve mu mabgirizwa yawe.
11
Nabītse ijambo ryawe mu mutima wanje Ngo noye kugucumurako.
12
Uhoraho, ur’ uwo gushemagizwa: Unyigishe ivyo washinze.
13
Namamaje n’iminwa yanje Imanza zose ziroranye z’ akanwa kawe.
14
Nanezererewe inzira y’ivyo wihanikirije Nk’uko nnezererwa ubutunzi bgose.
15
Nzokwiyumvira amateka washinze, Kandi nzoshira umutima ku nzira zawe.
16
Nzonezererwa ivyo washinze, Sinzokwibagira ijambo ryawe.
17
Ugirire neza umusavyi wawe, kugira ngo mbeho, Nanje nzokwitondera ijambo ryawe.
18
Hwezesha amaso yanje, Kugira ngo mbone ibitangaza vyo mu vyagezwe vyawe.
19
Nd’ inyambukīra mw isi: Ntumpishe amabgirizwa yawe.
20
Umutima wanje umenaguwe n’igihahamizi Ugirira imanza zawe ziroranye ibihe vyose.
21
Wahannye abibone, ari bo bivume, Bahusha bakava mu mabgirizwa yawe.
22
Unkūrekw agakēngērwe n’ umugayo; Kuko nitondeye ivyo wihanikirije.
23
Nah’ abahambaye bicaye bangīra imigabo, Umusavyi wawe niyumvira ivyo washinze.
24
Kand’ ivyo wihanikirije na vyo birampimbara, Ni vyo bajanama banje.
25
Umutima wanje wamatanye n’umukungugu; N’ungire muzima, nk’ukw ijambo ryawe ryavuze.
26
Nakwīgāniye inzira zanje, uranyishura: N’unyigishe ivyo washinze.
27
Untahuze inzira y’amateka washinze, Ni ho nzokwiyumvira ibikorwa vyawe bitangaje.
28
Umutima wanje ushongeshejwe n’umubabaro: Ndemesha, nk’ukw ijambo ryawe ryavuze.
29
Inzira y’ibinyoma n’ibe kure yanje: Umpere ubuntu ivyagezwe vyawe.
30
Mpisemw’ inzira yo kuba umwizigirwa: Nashize imanza zawe ziroranye imbere yanje.
31
Namatanye n’ivyo wihanikirije: Uhoraho, ntuntētereze.
32
Nzogenda niruka mu nzira y’amabgirizwa yawe Ah’ uzokwagurira umutima wanje.
33
Uhoraho, ndangira inzira y’ ivyo washinze: Nanje nzoyitondera gushitsa kw iherezo.
34
Umpe gutahura, nanje nzokwitondera ivyagezwe vyawe, Mbere nzovyitondera n’umutima wose.
35
Uncishe mu nzira y’amabgirizwa yawe, Kukw ari yo ampimbara.
36
Uhindurire umutima wanje ku vyo wihanikirije, Ariko si ku nyungu mbi.
37
Ukebukishe amaso yanje, noye kurāba ibitagira ikimazi; Ungirire muzima mu nzira zawe.
38
Ushimangirire umusavyi wawe ijambo ryawe Ryasezeraniwe abakwubaha.
39
Unkūrekw agakēngērwe nama ntinya, Kukw imanza zawe ari nziza.
40
Nahahamiye amateka washinze: Ungire muzima kubg’ ukugororoka kwaw
41
Imbabazi zawe ni zinshikeko, Uhoraho we, Ni zo gakiza kawe, nk’ukw ijambo ryawe rivuga.
42
Ni ho nzobona ico nishura ūntutse, Kuko nizigira ijambo ryawe.
43
Kandi ntukūre rwose ijambo ry’ukuri mu kanwa kanje: Kuko namye nizigira imanza zawe.
44
Na ntaryo nzokwama nitondera ivyagezwe vyawe, Ibihe bitazoshira.
45
Kandi nzogendana umwidegemvyo, Kuko nama ndondera amateka washinze.
46
Nzovugira imbere y’abami ivyo wihanikirije, Simmāramāre.
47
Kandi nzohimbarwa n’amabgirizwa yawe, Kukw ari yo nkunda.
48
Nzotarikira amaboko amabgirizwa yawe, kukw ari yo nkunda; Kandi nzokwiyumvira ivyo washinze.
49
Wibuke ijambo wasezeraniye umusavyi wawe, Kuko wanyijigije.
50
Iki ni co kimmara umubabaro mu marushwa yanje, N’ukw ijambo ryawe ryangize muzima.
51
Abibone bantwengera cane mw ijigo, Ariko simpuba ngo mve mu vyagezwe vyawe.
52
Uhoraho, mpora nibuka imanza zawe za kera, Nkiremesha.
53
Ubushangashirwe buramfashe, Mbutewe n’abanyakibi bareka ivyagezwe vyawe.
54
Ivyo washinze vyambereye indirimbo Mu nzu y’uburāro bganje.
55
Uhoraho, nama nibuka izina ryawe mw ijoro, Nkitondera ivyagezwe vyawe.
56
Iki ni co nahawe, N’ukwitondera amateka washinze.
57
Uhoraho ni we mugabane wanje: Navuze yuko nzokwitondera amajambo yawe.
58
Ngukomeshereje ibobo umutima wanje wose kugira ng’ untunge: Ungirire ikigongwe, nk’ukw ijambo ryawe rivuga.
59
Ndiyumvira inzira zanje, Ngahindurira ibirenge vyanje ku vyo wihanikirije,
60
Nkanyaruka, sintebe Kwitondera amabgirizwa yawe.
61
Imigozi y’abanyakibi yanyizingiriyeko, Ariko sinibagiye ivyagezwe vyawe.
62
Mu gicugu nama mvyuka kugira ngo ngushimire Imanza zawe zigororotse.
63
Ngendana n’abakwubaha bose, N’abitondera amateka washinze.
64
Uhoraho, isi yuzuye imbabazi zawe: N’unyigishe ivyo washinze.
65
Uhoraho, wagiriye neza umusavyi wawe, Nk’ukw ijambo ryawe rivuga.
66
N’unyigishe guhitamwo neza no kumenya ubgenge; Kuko nizeye amabgirizwa yawe.
67
Ntarababazwa narazimira; Ariko noneho nitondera ijambo ryawe.
68
Uri mwiza, kand’ ugira neza; Unyigishe ivyo washinze.
69
Abibone bandemeye ikinyoma, Ariko jeho nzokwitondera amateka washinze n’umutima wanje wose.
70
Imitima yabo iyagayaga nk’ ibinure: Ariko jeho mpimbarwa n’ ivyagezwe vyawe.
71
Kubabazwa kwangiriye ikimazi, Kugira ngo nige ivyo washinze.
72
Ivyagezwe vyo mu kanwa kawe vyambereye Agasumbajana k’amafeza n’ amazahabu.
73
Intoke zawe ni zo zandemye, ni zo zambumvye: Umpe ubgenge kugira ngo nige amabgirizwa yawe.
74
Abakwubaha bazondāba banezerwe; Kuko nizigiye ijambo ryawe.
75
Uhoraho, ndazi yukw imanza zawe ar’ izigororotse, Kandi yuko kuba umunyakuri ari kwo kwaguteye kumbabaza.
76
Ndakwinginze, imbabazi zawe zimmare umubabaro, Nk’ukw ijambo ryawe riri wasezeraniye umusavyi wawe.
77
Kugira neza kwawe kunshikeko, kugira ngo mbeho: Kukw ivyagezwe vyawe ari vyo munezero wanje.
78
Abībone ni bamāramāre, kuko bandementanirije ibinyoma: Ariko jeho nzokwiyumvira amateka washinze.
79
Abakwubaha bampindukirire, Kugira ngo bamenye ivyo wihanikirije.
80
Umutima wanje utungane mu vyo washinze, Noye kuzomāramāra.
81
Umutima wanje udendebuwe no kwifuza agakiza kawe: Ariko nizigira ijambo ryawe.
82
Amaso yanje akobowe no kwifuza ijambo ryawe, Nkibaza nti Mbeg’ uzommara umubabaro ryari?
83
Kuko mpindutse nk’umukuza w’urusato umanitswe ku mwotsi; Ariko sinibagira ivyo washinze.
84
Mbeg’ imisi y’ubugingo bg’ umusavyi wawe n’ingahe? Abampama uzobacirakw iteka ryari?
85
Abībone, badakurikira ivyagezwe vyawe, Banyimbiye ivyobo.
86
Amabgirizwa yawe yose n’ay’ ukwizigirwa: Bampamisha ibinyoma; n’ untabare.
87
Bari bashigaje gatoya bakandandura mw isi: Ariko sinareka amateka washinze.
88
Ungire muzima, nk’ukw imbabazi zawe ziri, Kugira ngo nitondere ivyo akanwa kawe kihanikirije.
89
Ijambo ryawe ryama rihamye mw ijuru Gushitsa ibihe bidashira, Uhoraho.
90
Ukwizigirwa kwawe kwamaho gushitsa ibihe vyose; Washinze isi, igumaho.
91
Imanza zawe ni zo zituma uyu musi vyose biriho: Kuko vyose ar’ abasavyi bawe.
92
Iyaba ivyagezwe vyawe atari vyo munezero wanje Ico gihe mba nararandukiye mu marushwa yanje.
93
Sinzokwigera nibagira amateka washinze, Kukw ari yo wangirishije muzima.
94
Nd’ uwawe, nkiza; Kuko nama ndondera amateka washinze.
95
Abanyakibi banderekeye kundandura: Ariko jeho nzoshira umutima ku vyo wihanikirije.
96
Nabonye yuk’ uguhingurwa kwose gufise aho kugarukira; Arikw amabgirizwa yawe arāgutse cane.
97
Ewe kuntu nkunda ivyagezwe vyawe! Ni vyo ndimbūra bukarinda bgīra.
98
Amabgirizwa yawe atuma ndusha abansi banje ubgenge; Kuko na ntaryo yamana nanje.
99
Mfise ubgenge buruta ubg’ abigisha banje bose; Kukw ivyo wihanikirije ari vyo ndimbūra.
100
Ndusha abatāma ubgenge, Kuko nitondeye amateka washinze.
101
Nabujije ibirenge vyanje inzira mbi yose, Kugira ngo nitondere ijambo ryawe.
102
Sinzotirimuka mu manza zawe ziroranye, Kukw ari wewe wanyigishije.
103
Ewe kuntu amajambo yawe angēngēra mu māgāge! Arusha ubūki gusōsa mu kanwa kanje.
104
Amateka washinze ni yo andonkesha ubgenge, Ni co gituma nanka inzira z’ibinyoma zose.
105
Ijambo ryawe n’itara rimurikira ibirenge vyanje, N’umuco umurikira mu nzira yanje.
106
Nararahiye ndarengwa Yuko nzokwitondera imanza zawe zigororotse.
107
Ndababazwa cane: Uhoraho, ungire muzima, nk’ukw ijambo ryawe ryavuze.
108
Uhoraho ndakwinginze, wemere amashikanwa y’akanwa kanje azanywe n’ urukundo, Kand’ unyigishe imanza zawe ziroranye.
109
Ubugingo bganje buri ku maregerege imisi yose, Ariko sinibagira ivyagezwe vyawe.
110
Abanyakibi banteze umutego; Ariko sinahushije ngo mve mu mateka washinze.
111
Ivyo wihanikirije navyākiriye ngo bibe umwandu wanje w’ibihe bidashira, Kukw ari vyo kanyamuneza k’umutima wanje.
112
Nshize umutima wanje ku gushitsa ivyo washinze Ibihe vyose, gushitsa no kw iherezo.
113
Nanka ab’ imitima ibiri; Arikw ivyagezwe vyawe ndabikunda.
114
Ni wewe bgihisho bganje n’inkinzo yanje, Nizigira ijambo ryawe.
115
Mva i ruhande, mwa nkozi z’ibibi mwe, Kugira ngo nitondere amabgirizwa y’Imana yanje.
116
Umbere ubgishimikizo, nk’ ukw ijambo ryawe ryavuze, kugira ngo mbeho, Noye kuzotēterezwa n’ivyizigiro vyanje.
117
Undamire, nzoba ndarusimvye, Nze name ntumbera ivyo washinze.
118
Wakēngereye abahushagirika bose bakava mu vyo washinze: Kuk’ ubugunge bgabo ata co bubamariye.
119
Ukūrah’ abanyakibi bose bo mw isi nk’inkamba ku cuma: Ni co gituma nkunda ivyo wihanikirije.
120
Umubiri wanje uhindishwa agashitsi no kugutinya; Kandi ntinya imanza zawe.
121
Nakoze ibigororotse n’ibiroranye: Ntundekerane abampahaza.
122
Wishinge k’uzogirira neza umusavyi wawe: Abībone ntibaze bampahaze.
123
Amaso yanje akobowe no kwifuza agakiza kawe, N’ijambo ryawe rigororotse.
124
Ugirire umusavyi wawe ibihwanye n’imbabazi zawe, Kand’ unyigishe ivyo washinze.
125
Nd’ umusavyi wawe: umpe ubgenge, Kugira ngo mmenye ivyo wihanikirije.
126
Harageze k’Uhoraho agira ico akora, Kuko bahinduye ubusa ivyagezwe vyiwe.
127
Ni co gituma nkunda amabgirizwa yawe, Nkayarutisha izahabu, mbere naho yoba izahabu iramuye.
128
Ni co gituma niyumvira yukw amateka washinze yose atunganye; Kandi nanka inzira yose y’ibinyoma.
129
Ivyo wihanikirije n’ibitangaza: Ni co gituma umutima wanje uvyitondera.
130
Guhishurirwa amajambo yawe kuzana umuco, Guha abatungu ubgenge.
131
Nāsamitse akanwa, ndahuzagizwa, Kuko nifuza amabgirizwa yawe.
132
Unkebuke, ungirire ikigongwe, Nk’uk’ umenyereye kukigirira abakunda izina ryawe.
133
Gumiriza intambuko zanje mw ijambo ryawe; Ntihagire ikigabitanyo na kimwe kinganza.
134
Uncungure, unkūre mu gahahazo k’abantu, Kugira ngo nitondere amateka washinze.
135
Umurikishirize umusavyi wawe mu nyonga hawe: Unyigishe ivyo washinze.
136
Amaso yanje asendanisha inzūzi z’amazi, Kuko batitondera ivyagezwe vyawe.
137
Ur’ umugororotsi, Uhoraho we, Imanza zawe ziragororotse.
138
Ivyo wihanikirije wabigeresheje ukugororoka N’ukwizigirwa kw’ukuri.
139
Ishaka ryanje rirandanduye Kukw abarwanizi banje bibagiye amajambo yawe.
140
Ijambo ryawe n’icuma kiramuye; Ni co gituma umusavyi wawe arikunda.
141
Nd’ uwo hasi, ndagayitse, Ariko sinibagira amateka washinze.
142
Ukugororoka kwawe n’ukugororoka kw’ibihe bidashira: Ivyagezwe vyawe n’ukuri.
143
Amarushwa n’intuntu biranshitseko: Yamara, amabgirizwa yawe ni yo munezero wanje.
144
Ivyo wihanikirije n’ivyo kugororoka ibihe bidashira: Umpe ubgenge mbone kubaho.
145
Ntakambishije umutima wose; unyishure Uhoraho we: Nzokwitondera ivyo washinze.
146
Ndagutakambiye, nkiza, Kugira ngo nitondere ivyo wihanikirije.
147
Umutwenzi utaratambika naratakamvye: Amajambo yawe ni yo nizigiye.
148
Abateramyi batarakūranwa mu bishingo vyabo mba ndi maso, Kugira ngo ndimbūre ijambo ryawe.
149
Ni wumve ijwi ryanje, ukw imbabazi zawe zingana: Ungire muzima, Uhoraho we, nk’ukw imanza zawe zashinze.
150
Abōmekanye n’ukugabitanya barēgereje, Ariko bari kure y’ivyagezwe vyawe.
151
Wewe Uhoraho, uri hafi: Amabgirizwa yawe yose n’ ay’ ukuri.
152
Uhereye kera namenyeshejwe n’ivyo wihanikirije Yuko washizeh’ itanguriro ryavyo kugeza ibihe bidashira.
153
Shira umutima ku marushwa yanje, undokore; Kuko ntibagira ivyagezwe vyawe.
154
Umbūranire, uncungure: Ungire muzima, nk’ukw ijambo ryawe ryavuze.
155
Agakiza kari kure y’abanyakibi, Kuko batarondera ivyo washinze.
156
Uhoraho, imbabazi zawe zirakomeye, Ungire muzima, nk’ukw imanza zawe zashinze.
157
Abampīga n’abandwanya ni benshi, Ariko simpuba ngo mve mu vyo wihanikirije.
158
Nabonye abava mw isezerano, ndashavura: Kuko batitondera ijambo ryawe.
159
Rāba ingene nkunda amateka washinze: Uhoraho, ungire muzima, nk’ukw imbabazi zawe ziri.
160
Ijambo ryawe ryose ripoperanirijwe mu kuri; Imanza zawe zigororotse iyo ziva zikagera zamah’ ibihe bidashira.
161
Abahambaye bampamiye ubusa; Arik’ umutima wanje wubaha amajambo yawe.
162
Nnezererwa ijambo ryawe Nk’ūronse inyagano nyinshi.
163
Nanka ibinyoma, mvyanka urunuka: Arikw ivyagezwe vyawe ndabikunda.
164
Uko bukeye ngushima ibihetangabo ndwi, Ngushimira imanza zawe zigororotse.
165
Abakunda ivyagezwe vyawe bagira amahoro menshi; Nta kibatsitaza bafise.
166
Uhoraho, ndishimiye agakiza kawe, Kandi nkora ivyo amabgirizwa yawe avuga.
167
Umutima wanje witondeye ivyo wihanikirije, Kandi ndabikunda bihebuje.
168
Nitondeye amateka washinze n’ivyo wihanikirije: Kukw inzira zanje zose zir’ imbere yawe.
169
Uhoraho, ugutakamba kwanje ni kwīgire hafi imbere yawe; Umpe ubgenge, nk’ukw ijambo ryawe ryavuze.
170
Ukwinginga kwanje ni gushike imbere yawe; Undokore, nk’ukw ijambo ryawe ryavuze.
171
Iminwa yanje ivuge ishimwe, Kuk’ unyigisha ivyo washinze.
172
Ururimi rwanje ni ruririmbe ijambo ryawe, Kukw amabgirizwa yawe yose ar’ ay’ ukugororoka.
173
Ukuboko kwawe kwame kugabirije kuntabara, Kuko natoranije amateka washinze.
174
Uhoraho, nifuje agakiza kawe, Kand’ ivyagezwe vyawe ni vyo bimpimbara.
175
Ubugingo bganje ni bubeho, kugira ngo bugushime: Imanza zawe zintabare.
176
Narahuvye nk’intama izimiye: rondera umusavyi wawe, Kuko ntibagira amabgirizwa yawe.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150