bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Samuel 19
1 Samuel 19
Romani Ursari 2018 (Biblia Ande Chib Romani)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
O Saul phenda pe chaveke e Jonataneke ta sa pe slugenge, te mundaren e Davide. A o Jonatan but volila e Davide,
2
ta llelo te phenel e Davideke: Mo dad o Saul mangel mundarel tut, goleke arak tut llik thiara ta achi pe iek than gurudino.
3
Me ka avav me dadea pase kai tu ka ave gurudino. Ka dav leke orba tutar, ta ka phenav chuke so phenel vou.
4
Ta o Jonatan dia orba lachi katar o David pe dadeke, ta phenda leke: O charo te na cherel o bilachipe e Davideke, soke vou ni cherda chuke ni iek ezgoda bilachi, ta vou si posteno tuia,
5
soke thoda po zivoto ande bari dar kana mundarda e filisteo ta o Del braduisarda e Israele. Tu dikhlan le ta veselisailan, ¿soke o charo ka mundarel iekhe llene orta sargo o David, samo gia?
6
Ta o Saul asunda so phenda o Jonatan, ta jala sovel: Jav sovel po Del o llundo, kai o David ni ka merel.
7
Ta o Jonatan ikharda e Davide ta phenda leke sa gala alava. Ta isto o Jonatan anda e Davide kai o Saul.
8
Mapalal pale saia o maripe ta o David likisto te marelpe e filisteonenchar, ta dobisarda len, ta cherda te nasen letar.
9
Ta o duo bilacho kai avela katar o Del avilo po Saul. Ta o Saul saia besindo ande po cher, ta ande leko va saia iek lansa kana o David basalela e arpa,
10
ta o Saul mangla te kafrol le po zido e lansaia, a o David naslo letar ta e lansa dia ando zido, ta o David naslo isto goia riat.
11
Ondaka o Saul bichalda boñikonen kai o cher e Davideko te dikhen le ta te mundaren le thiarinako. A e Mikal leki rromi, phenda leke: Te na arakhea tut gaia riat, thiara ka ave mulo.
12
Ta e Mikal cherda te fuliel o David katar iek penllerava, ta o David llelotar ta naslo.
13
Ta e Mikal lia iek slik a ta thoda la pe postelia. Thoda iek serand cherdo katar e morchi e busniengi, ta ucharda la e patavenchar.
14
Ta kana o Saul bichalda llenen te phanden e Davide, voi phenda lenge kai vou saia nasualo.
15
Ta o Saul pale bichalda llenen te roden e Davide, ta phenda lenge: ¡Te si kai vou si nasualo, ikanen le katar e postelia ta anen le karinga te mundarav le!
16
Ta kana e llene die ando cher, dikhle e slik a ta o serand cherdo katar e morchi e busniengi.
17
Ondaka o Saul phenda e Mikalake: ¿Soke kojadan man gia ta muklan te nasel mo dusmano? Ta e Mikal phenda leke: Me muklem le te nasel, soke vou jala sovel kai ka mundarel man te na mukava le te nasel.
18
Ta gia naslo o David, ta avilo kai o Samuel ande Rama ta o David phenda e Samueleke sa so cherdaia lea o Saul. Ta o David ta o Samuel lleletar te zivin ando Naiot.
19
Ta phende e Sauleke kai o David saia ando Naiot katar e Rama.
20
Ondaka o Saul bichalda llenen te anen e Davide. Ta kana e llene avile, dikhle nesave porauken kai poraukina ta von llana pala o Samuel. Ta o duo e Devleko avilo pe gala llene kai bichalda o Saul, ta i von thodepe te poraukin.
21
Kana llangla le o Saul, bichalda avere llenen, ta i von poraukisarde. Ta pale o Saul po trito drom bichalda avere llenen, ta i gola thodepe te poraukin.
22
Ondaka isto vou llelo ande Rama, ta kana avilo kai o baro bunari kai si ando Seku puchla kai si o Samuel ta o David, ta phende leke kai von si ando Naiot katar e Rama.
23
Ta o Saul llelo ando Naiot katar e Rama ta i o duo e Devleko avilo pe lete, ta profetisila, ta gia llelo angle llik kana avilo ando Naiot katar e Rama.
24
Ta i vou nangilo, ta poraukisarda sorro llive ta sorro riat angla o Samuel. Goleke sar kotar phenen gia: ¿I o Saul si maskar e poraukura?
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31