bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Samuel 26
1 Samuel 26
Romani Ursari 2018 (Biblia Ande Chib Romani)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
E llene katar o Zif llele ande Gabaa te dikhen e Saule, ta phende leke: O David gurudol ando burdo katar e Jakila, pasa o pusto pe rig kai pherel o kham.
2
Ondaka o Saul ta trin milie katar leke mai lache boñikura llele po pusto katar o Zif te roden e Davide.
3
Ta o Saul loglo po burdo katar e Jakila kai si pasa o pusto. A o David saia po pusto, ta acharda kai o Saul rodela le,
4
ta bichalda llenen te dikhen po chorial kai saia o Saul.
5
Ta o David llelo po than kai saia o Saul, ta dikhla kai sovena o Saul ta o Abner chavo e Nereko, kai saia o mai glamno maskar e boñikura. Ta o Saul sovela, ta leke llene loglea truial letar.
6
Ondaka o David puchla e Ajimele o jitita, ta e Abisaie chavo katar o Saruia, phlal e Joabeko: ¿Ko mangel te llal manchar ando pero kai si o Saul? Ta o Abisai phenda: Me ka llav tuia.
7
O David ta o Abisai llele orachaia. Ta o Saul sovela ando pero ta leki lansa saia thodi pasa leko soro. Ta o Abner ta e boñikura sea inzarde truial katar o Saul.
8
Ondaka o Abisai phenda e Davideke: O Del dia tut allive che dusmanen ande che va. Muk man te mundarav le e lansaia ta ka kafrov le ande phuv samo ando iek dab.
9
A o David phenda leke: ¡Na mundar le! Soke kogo vazdela po va po lleno kai si esvirime e Devletar, ni ka achel bi dosako.
10
Ta o David phenda: Ando anav e Devleko phenav chuke kai te na lia leko zivoto o Del, o te merela, o te mundarena le po maripe,
11
te na del o Del te mundarav e charo kai vou esvirisarda. Goleke, le e lansa kai si pasa le, ta o bure paieko, ta aide.
12
Ta o David lia e lansa ta o bure paieko kai sea pasa o Saul, ta lleletar. Niko ni dikhla len, soke o Del cherda sa te aven but lindrale ta sovena.
13
Ta o David nakhlo po ogoia rig ta thodape upral po burdo, dur katar o Saul ta leke llene.
14
Ondaka o David urkisarda pe llene, po Abner ta pe boñikonenge, ta phenda lenge: ¡Abner, phen mange! Ta o Abner puchla le: ¿Ko san tu kai urki po charo?
15
Ta o David phenda e Abnereke: ¿Ni san tu iek murus? ¿Ko si sargo tu ando Israel? ¿Soke ni arakhlan e charo, cho gazda? Soke iek katar o foro dia andre ando pero te mundarel che charo.
16
Inai sukar so cherdan. Ando anav e Devleko phenav le chuke kai tumen morabi te meren, soke ni arakhlen tumare charo. Dik akana kaitali leki lansa ta o bure paieko kai sea pasa le.
17
Kana o Saul pinllarda o avazi e Davideko, phenda ando baro avazi: ¿Inai cho avazi, chaurrea David? Ta o David phenda leke: Ea, mo avazi si, mo charo ta mo gazda.
18
¿Gazda, soke rode che sluga? ¿So cherda cho sluga? ¿Savo bilachipe cherdem?
19
Me moliv man chuke, asun e alava katar cho sluga. Te si kai o Del thoda tut te murzi pe ma, te lel e ofrenda. A te si kai e llene cherde tut te murzi pe ma, prokete te aven e Devletar, soke chudie man te ziviu avri katar e phuv kai dia amen o Del ta phende mange te blagosiv avere delen.
20
Te na chordol mo rat pe phuv angla o Del, soke o charo e Israeleko likisto te rodel iek pisom, sargo o lleno kai rodel pe burdura iek chirikli kai ikharen la perdis.
21
Ondaka o Saul phenda: ¡David, chaurrea, llanav kai cherdem o bilachipe! ¡Cherdem iek bari ezgoda dili! Irisao kai ni ka cherav chuke niso, soke allive sikadan man kai dian liubao me zivoto.
22
Ta o David phenda leke: Etali kate chi lansa mo charo. Te avel iek katar e sluge te lel la,
23
ta o Del te pochinel suakone lleneke prema so cherda, soke allive o Del thoda tut ande me va, a me ni kamlem te vazdav mo va pe tu kai san o esvirime e Devleko.
24
Ta isto gia sar allive diem liubao che zivoto, isto gia te avel mo zivoto angla e akha e Devleke ta te braduil man katar suako briga.
25
Ta o Saul phenda e Davideke: ¡Blagosime e Devletar te ave tu David, chavo murno! ¡Tu ka chere bare ezgode ta ka llal chuke but sukar! Ondaka o David llelotar pe po drom ta o Saul irisalailo chere.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31