1 Thessalonians 5

Romani Ursari 2018 (Biblia Ande Chib Romani)

← Chapter 4 Jump to:

1Phlalalen, inai soke te pisi tumenge niso katar o vreme, ni kana si te aven gala ezgode.

2Tumen llanen kai o llive kana o Gazda ka irilpe ka avel kana niko ni uzdil pe, sargo iek chorano kai avel orachaia.

3Kana e llene ka phenen: Sa si esmiro ta inai soke te dara, ondaka ka avel pe lende oma e zatrania, sargo kana aven e dukha pe diskinia kai si khamni, ta nasti ka nasen.

4Goleke tumen phlalalen, inai sen ando truniariko te chudin tumen kana ka avel sargo kana avel iek chorano.

5Saurre sen e villeloke ta e lliveseke.

6Inai sam katar e riat ni katar o truniariko, goleke trubul te na sova sargo ogola llene, morabi te acha llungade ta te ava traze.

7Gola kai soven, soven orachaia, ta gola kai maton, maton orachaia.

8A amen kai sam e lliveseke, morabi te ava traze. Trubul te arakha amen, ta o pachape ta o volipe te avel pe amende sargo iek kora sastruni, ta o pachape kai ka ava braduime te avel pe amaro soro sargo iek challi sastruni.

9Soke o Del ni chinada amenge e patnia, o Del chinada amenge te resa kai o braduipe pala amaro Gazda o Kristo.

10O Jesukristo mulo pala amende, ta gia te achilam llungade o te soutam ande lindri e merimaki, te zivi lea.

11Goleke, den tumen zor iek avere, isto gia sar cheren le.

12Phlalalen, manga tumendar te avel tumen liubao e llenenchar kai radin maskar tumende, golenchar kai gazdarin ande ezgode e Gazdake ta kai den pe tumende te sikaven tumen.

13Trubul te volin len but, pala o rado kai cheren. Zivin ande pas iek averea.

14Ta i manga tumendar phlalalen, te den pe llene kai ni kamen te radin, te den vlaga gole llenen kai inai vrene, te pomozin golen kai inai len zor ta te avel tumen vreme saurrenchar.

15Thoven sama te na pochinel niko avereke o bilachipe e bilachimaia. Morabi te cheren o lachipe suako llive maskar tumende ta i saurrenchar.

16Morabi te aven vesele suako llive.

17Molintumen sorro llive.

18Den fala e Devle pala sa so del tumen, vou mangel tumendar goia ezgoda soke pachan ando Kristo Jesus.

19Na mundaren e iag katar o Santo Duo.

20Na mislin kai e porouke ni mol len but.

21Zumaven ta len so si mai lacho.

22Durion katar suako bilachipe.

23Isto o Del, o Del katar e pas te cherel tumen sante chachimaia ta te arakhel tumari esnaga ta tumaro duo te na avel ando bilachipe, kana ka avel o Gazda o Jesukristo.

24Gua kai ikharel tumen si chacho, ta ka cherel sa gala ezgode.

25Phlalalen, molintumen i pala amende.

26Den salami ta iek chumidipe santo saurren.

27Mangav tumendar ando anav e Gazdako te chitin gava lil sa e phlalenge.

28Amaro Gazda o Jesukristo te del po volipe saurren.

← Chapter 4 Jump to: