James 4

Romani Ursari 2018 (Biblia Ande Chib Romani)

← Chapter 3 Jump to: Chapter 5 →

1¿Mangen te llanen soke maskar tumende si joli? ¡Soke tumen ni gazdarin po bilachipe kai si ande tumende!

2Tumen mangen te len fiso, ta ni resen te len le, goleke tumen joliaon kana avere si maren tumen ta ni len so mangen, soke ni mangenle e Devletar.

3A te mangen letar ni len so mangen, soke mangen samo o bilachipe kai si tumenge drago.

4Tumen cheren o kurvaluko. ¿Ni llanen tumen kai kana sen amal e suetoia ondaka sen dusmanura e Devleke? Vareko te mangel te avel amal e suetoia, cherdol dusmano e Devleko.

5Goleke ando Pisipe phenel: o Del volil but e duo kai thoda pe amende

6A amen volil ios mai but, goleke ando Pisipe phenel: E Devleke inai drago e llene kai falinpe, ta del po volipe e llenen kai si proste

7Goleke tumen morabi te kanden e Devle. Ta o llavolo ka nasel tumendar.

8Aven pasa o Del, ta vou ka avel pasa tumende. ¡Jalaven tumare va, tumen kai sen duie misloke! ¡Chiston tumaro lio, tumen kai mangen te volin e Devle ta i e sueto!

9¡Tristosaon, roven ta kukin! ¡Tumaro asape te cherdol rovipe ta tumari veselia tristope!

10Morabi te avel tumenge lallao angla o Del, ta vou ka blagosil tumen.

11Phlalalen, na den orba bilachi katar aver llene. Vareko te del bilachi orba katar po phlal ta krisil le, gua si sargo te del bilachi orba katar o zakono, ta sargo te krisil e zakono. A te krisi e zakono, tu ni chere so phenel o zakono, ta chere tut sargo iek krisari.

12Samo iek si gua kai dia o zakono ta isto vou si gua kai chinel e kris, ta samo vou sai braduil ta sai dosarel; a tu, ¿ko san te krisi che phlale?

13Akana asunen tumen, gola kai phenen gia: Allive o thiara ka lla kai fisavo foro, kote ka acha burs llive, ka radi ta ka la love,

14¡A ni llanen so ka avelpe tumende thiara! tumaro zivoto si sargo e tufina kai likel iek cherricha vreme ta mapalal llaltar.

15So morabi te phenen si: Te kamela o Del ka zivi ta ka chera so manga.

16A tumen samo falin tumen; ta o falipe inai sukar.

17Suako lleno kai llanel te cherel o lachipe ta ni cherel le, cherel o bilachipe.

← Chapter 3 Jump to: Chapter 5 →