bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
John 13
John 13
Romani Ursari 2018 (Biblia Ande Chib Romani)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Achela cherricha llivesa te avel Paskua, ta o Jesus llanela kai aviloa leko llive te llaltar katar gava sueto kai po Dad. Vou volisarda pe disipulonen kai sea ando sueto ta volisarda len llik kai o son.
2
O llavolo thoda ando lio e Judaseko, chavo e Simonoko Iskariote, te phukavel e Jesuse,
3
a o Jesus llanela kai o Del thodaia sa e ezgode tala leke va ta kai o Del bichalda le ta kai saia te llaltar kai o Del,
4
ustilo katar e sinia, ikanda po gertachi ta phangla pe po maskar iek piskiri.
5
Mapalal thoda pai ande iek tepsia ta thoda te jalavel e disipulonenge porrne, ta te koslen len e piskirea.
6
Kana avilo kai o Simon Pedro te jalavel leke porrne, o Simon Pedro phenda leke: Gazda, ¿tu ka jalave me porrne?
7
O Jesus phenda leke: Akana ni achare so cherav, a mapalal ka achare.
8
O Pedro phenda leke: ¡Nikada ni ka mukau tut te jalave me porrne! O Jesus phenda leke: Te na jalavav len, ni ka ave katar murne llene.
9
O Simon Pedro phenda leke: ¡Te si gia, na jalau samo me porrne, jalau me va ta i mo soro!
10
O Jesus phenda leke: Ko si jalado trubul te jalavel samo pe porrne, soke si sa jalado. A tumen sen jalade, a inai saurre jalade.
11
Ta phenda: Inai jalade saurre, soke llanela ko saia te phukavel le.
12
Mapalal kana jalada lenge porrne, pale lia po gertachi, beslo pale pe sinia ta phenda lenge: ¿Llanen so si gua kai cherdem?
13
Tumen ikharen man Kovachi ta Gazda. Sukar phenen, soke gua sem.
14
A me, o Kovachi ta o Gazda, jaladem tumare porrne, goleke i tumen si te jalaven tumare porrne iek avereke.
15
Me cherdem gava, te cheren le i tumen.
16
Chachimaia phenav tumenge kai o esluga inai mai baro neko leko gazda, ni o bichaldo mai baro goletar kai bichalda le.
17
Te acharen gala ezgode, blagosime ka aven te cherenalen.
18
Ni phenau le pala sa tumende. Me llanav ka esvirisardem. A si te cherdol so si pisime: Gua kai jal manchar marrno, vazdinailo pe mande.
19
Phenav le tumenge akana, gia kana ka avelpe gaia ezgoda, te pachan kai me sem.
20
Chachimaia phenav tumenge kai kogo ka lel gole kai bichalav, man lel. Ta kogo lel man, lel gole kai bichalda man.
21
Kana o Jesus phenda lenge gala orbe, tristosailo duotar ta phenda lenge bristomaia: Chachimaia phenav tumenge kai iek tumendar ka phukavel man.
22
Ondaka e disipulura thode te dikhen iek pe aver, ta ni llanena katar savo lleno dela orba.
23
Iek lendar, gole kai o Jesus volila but, saia inzardo pasa o Jesus kana von jana,
24
galeke o Simon Pedro cherda te puchel katar savo lleno dela orba.
25
Vou, kai inzola pasa o Jesus, puchla le: Gazda, ¿ko si gua lleno?
26
O Jesus phenda leke: Gole kai me ka dav o marrno chingo, gua si. Ta chingarda o marrno ta diale kai o Judas, chavo Simonoko Iskariote.
27
Ta kana jala o marrno, o llavolo dia ande leko lio. Ondaka o Jesus phenda leke: So si te chere, cher le mai oma.
28
A niko lendar kai besena pe sinia ni acharda soke phendaia gava.
29
Soke o Judas inllarela e love, nesave mislina kai o Jesus phendaia leke te chinel fiso kai trubula len e Paskuake, o te del vareso e chorren.
30
Kana o Judas jala, llelotar, ta pelia e riat.
31
Kana o Judas llelotar, o Jesus phenda: Akana o Chavo e Manuseko si blagosime, ta o blagosipe e Devleko sikadol ande le.
32
A te sikavel o Chavo e Manuseko e Devleko blagosipe, i o Del ka sikavel e Chaveko blagosipe ta ka cherel le oma.
33
Chavalen, ni ka avav tumenchar but vreme. Tumen ka roden man, A isto gua kai phendem e judionenge, phenaule akana tumenge: Tumen, nasti llan kote kai me ka llau.
34
Iek nevo zakono dav tumen: Te volin tumen iek avere. Isto gia sar me voliv tumen, volisaren tumen, iek avere.
35
Cheres gava, saurre ka llanen kai tumen sen me disipulura, te volisarden iek avere.
36
O Simon Pedro puchla e Jesuse: Gazda, ¿kai lla? Kote kai me llau nasti lla pala mande akana. Mapalal ka lla pala mande.
37
O Pedro phenda leke: Gazda, ¿soke nasti llau pala tute akana? ¡Mo zivoto ka dav pala tute!
38
O Jesus phenda leke: ¿De istina cho zivoto dea pala mande? Chachimaia phenav chuke: Ni ka basel o basno, a tu ka phene trin droma kai ni pinllare man.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21