bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
John 19
John 19
Romani Ursari 2018 (Biblia Ande Chib Romani)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
1
Ondaka o Pilato lia e Jesuse ta phenda te chalaven le e bichoia.
2
E boñikura cherde iek korona karrnengi ta thodela pe leko soro ta i thode pe lete iek chiti lolo.
3
Ta phenena leke: ¡Ioi Charo e judionengo! Ta chalavena le po mui.
4
O Pilato pale avilo ta phenda lenge: Dikhen, anav le avri te dikhen kai ni iek dos ni malavav pe lete.
5
Ondaka avilo o Jesus ta pe lete saia e korona karrnengi ta o chiti lolo. Ta o Pilato phenda lenge: ¡Etalo kate o lleno!
6
Kana dikhle le e mai preche popura ta e llene kai arakhena o cher e Devleko thode te urkin: ¡Krustisar le! ¡Krustisar le! O Pilato phenda lenge: Len le ta krustosaren le tumen, me ni malavav ni iek dos pe lete.
7
Von phende leke: Amen si iek zakono ta prema so phenel gua zakono vou si te merel, soke cherda isto vou pe Chavo e Devleko.
8
Kana o Pilato asunda gava, darailo ios mai but.
9
Pale dia ando than e krisako ta puchla e Jesuse: ¿Katar san tu? A o Jesus ni phenda leke niso.
10
O Pilato phenda leke: ¿Sar, niso ni ka phene? ¿Ni llane kai si man zor te krustosarav tut ta i te mukliarav tut?
11
Ondaka o Jesus phenda leke: Ni iek zor ni avilaia tut te na diaia la chuke o Del. Gua kai dia man tute mai baro bilachipe cherda.
12
Sar kotar o Pilato mangela te mukliarel e Jesuse, a e judiura urkisarde: ¡Te mukliardan le inai san e Sesareko amal! ¡Kogo cherelpe charo si dusmano e Sesareko!
13
Kana o Pilato asunda gava inllarda avri e Jesuse ta besalda le pe stolicha e krisaki po than kai ikhardola Enlosado, gua si ando ebreo Gabata.
14
Saia e desudui e lliveseke ando llive kana lacharena e Paskua. Ondaka o Pilato phenda e judionenge: ¡Etalo kate tumaro charo!
15
A von urkisarde: ¡Avri! ¡Avri! ¡Krustosar le! O Pilato puchla len: ¿Mangen te krustosarav tumare Charo? A e mai preche katar e popura phende leke: ¡Inai amen ni iek charo samo o Sesar!
16
Ondaka o Pilato dia lende e Jesuse te krustosaren le. Ta lie le ta inllarde le.
17
O Jesus lia po krusto ta llelotar kai o than kai ikhardola Kokalengo than, ando ebreo Golgota.
18
Kote krustosarde le ta lea duien ios, suako iek pe iek rig a o Jesus po maskaral.
19
O Pilato pisisarda: Jesus Nazareteko, Charo e judionengo ta bichalda te thoven le po krusto.
20
But katar e judiura chitisarde gava soke o than kai krustosarde e Jesuse achela pasa o foro ta, saia pisime ando ebreo latin ta griego.
21
Goleke e mai preche popura phende e Pilatoke: Na pisisar: ‘Charo e judionengo’, pisisar: ‘Gua kai phenda me sem o Charo e judionengo’.
22
O Pilato phenda lenge: So pisisardem, mukaule pisime.
23
Kana e boñikura krustosarde e Jesuse, lie leke patave ta fulade len pe star kotora, iek kotor suakone boñikoke. Ta i lie leko fistano, A soke o fistano saia iek chiti bisuvdo,
24
e boñikura phende maskar pete: Na pharrava le, chela amen pe lete te dikha ko ka lel le peke. Gia cherdilo so saia pisime: Fulade peke me patave, ta cheldepe pe mo fistano. Ta gia cherde le e boñikura.
25
Pasa o krusto e Jesuseko sea leki dei, leke daki phei e Maria rromi katar o Kleofas, ta i e Maria Magdalena.
26
Kana o Jesus dikhla pe da ta pasa la o disipulo kai vou volila but, phenda pe dake: Chei, etalo kote cho chavo.
27
Mapalal phenda e disipuloke: Etali kote chi dei. Sar kotar, gua disipulo lia la ande po cher.
28
Mapalal kana o Jesus llangla kai sa saia cherdo ta i te cherdol so saia pisime phenda: Trusalo sem.
29
Kote saia iek taso pherdo vinagre. Ondaka von chingarde iek pamuko ando vinagre, thode le pe iek isopo ta ande le pasa leko mui.
30
O Jesus pila o vinagre, ta phenda: Cherdo si. Ta perada po soro, ta mulo.
31
E judiura lacharena e Paskua goleke ni kamena te achen e snage po krusto ando sabado, soke gua sabado saia but preche, goleke molisaile e Pilatoke te phagel lenge porrne ta te ikanen len kotar.
32
Ondaka e boñikura avile ta phagle e porrne iekheke ta i goleke kai saia krustome lea.
33
Ta kana avile kai o Jesus dikhle le mulo. Goleke ni phagle leke porrne.
34
A iek boñiko ranisarda le pe iek rig katar leke pasuare ta isto kote likisto pai ta rat
35
Gua kai phenel gava si iek kai dikhla so phenel, a so phenel si chachipe. A vou llanel kai phenel o chachipe, te pachan i tumen.
36
Soke gala ezgode nakhle gia te sai cherdol so si ando Pisipe kai phenel: Ni ka phagon leke kokala
37
Ta i o Pisipe phenel gia: Ka dikhen pe gua kai ranisarde le.
38
Mapalal katar sa gala ezgode o Jose katar e Arimatea molisailo e Pilatoke te mukel le te inllarel e Jesuseki esnaga, gua cherda le po chorial soke darala katar e judiura. O Jose saia disipulo e Jesuseko. O Pilato mukla le ta o Jose avilo ta inllarda e Jesuseki esnaga.
39
Ta i o Nikodemo gua kai aviloa kai o Jesus iek riat, avilo ta anda pea meriso, mirra ta aloe, po tranda kile.
40
Ondaka o Jose ta i o Nikodemo lie e Jesuseki esnaga ta ulisardele ande iek chiti e merisoia gia sar e judiura prajon e llenen kai meren lenge.
41
Po than kai krustosarde e Jesuse saia iek vostano ta ando vostano iek limori nevo kai ni thodea nika.
42
Kote thode e Jesuseki esnaga soke gua limori saia pase ta i soke lacharena e Paskua.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21