bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Matthew 15
Matthew 15
Romani Ursari 2018 (Biblia Ande Chib Romani)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
1
Ondaka avile pasa o Jesus nesave fariseura ta i kovacha e zakonoke kai avilea katar o Jerusalem te puchen le:
2
¿Soke che disipulura phagen so sikade amen e purane? ¿Soke von ni jalaven pe e va mai anglal te jan marrno?
3
O Jesus phenda lenge: ¿A soke i tumen phagen o alav e Devleko pala tumare zakonura?
4
Soke o Del phenda De liubao che dade ta i che da, a ko dela armaia pe dade o pe da trubul te merel.
5
A tumen phenen kai iek manus sai phenel pe dadeke o pe dake: Nasti pomoziu tut, soke sa so si man phendem kai ka daule e Devleke.
6
Ta vareko te phenela gala alava, inai soke te del liubao pe dade o pe da. Gia i tumen phagen o alav e Devleko pala tumare zakonura.
7
Manusa kojamne sen, sukar dia orba o profeta o Isaias kana phenda tumendar gia:
8
Gava foro del man liubao pe alavenchar, a lengo lio si dur mandar.
9
Samo gia den man liubao, soke so tumen sikaven si zakonura manusenge.
10
Ondaka o Jesus ikharda e llenen ta phenda lenge: Asunen ta acharen:
11
E manuse ni meliarel so del ande leko mui, so meliarel le si so likel katar leko mui.
12
Ondaka avile pasa le leke disipulura ta phende leke: ¿Llane tu kai e fariseura jolaile kana asunde gala alava?
13
O Jesus phenda lenge: Suako zeledina kai mo dad ni thoda pe phuv te bariol ka avel ikandi zilenchar.
14
Muken len, von si korre ta inllaren averen korren. A iek korro te inllarel avere korre e dui ka peren ande varesavi jar.
15
O Pedro phenda leke: Phen amenge so phenel gaia paramichi.
16
O Jesus phenda lenge: ¿Ni tumen ni acharen?
17
¿Ni acharen kai sa so del ando mui llal ando lli ta pale likel katar e esnaga?
18
A so likel katar o mui likel andral katar o lio, gua si so meliarel e manuse.
19
Soke katar o lio liken e bilache mislura, o mundaripe, o kurvaluko, o choripe, o kojaipe, ta i kana kusen e Devle.
20
Gala si e ezgode kai meliaren e manuse, a te jaia bi te jalavea che va gia sar phenel o zakono katar o jaladipe gua ni meliarel e manuse.
21
Kana o Jesus likisto kotar, llelotar ande phuv katar o Tiro ta katar o Sidon.
22
Ondaka iek diskinia katar o Kanaan kai likistia katar goia phuv, thoda te urkil ta phenela leke: ¡Gazda, Chavo e Davideko, te avel chuke zalba mandar! ¡Iek llavolo cherel me chorra te nakhel bari patnia!
23
A o Jesus ni phenda lake ni iek alav. Ondaka, avile pasa le leke disipulura ta mangle letar ta phende: Tradela, soke avel pala amende ta urkil.
24
O Jesus phenda lenge: Me sem bichaldo samo pala e bakre jasarde katar e Israeleko foro.
25
Ondaka voi avili thodape changenchar angla le, ta phenda leke: ¡Gazda pomozisar man!
26
O Jesus phenda: Inai sukar te lelpe o marrno katar e chaurre ta te chudelpe e llukelorrenge.
27
Voi phenda leke: Ea, Gazda, a llik e llukelorra jan katar e kotora kai peren katar o stali lenge gazdengo.
28
Ondaka o Jesus phenda lake: ¡Diskinia, baro si cho pachape! Te cherdol chuke sar tu mange. Ta laki chorri sastili ande goia doba.
29
Nakhlo o Jesus kotar ta llelotar pasa e mora katar e Galilea, likisto po burdo ta kote beslo.
30
Ta avilo but sueto pasa le. Ta anena pea bangen, korren, nemaven, chinde porrnenge, ta but ios nasualen. Thode len kai e porrne e Jesuseke, ta vou sastardalen,
31
goleke sa o sueto chudilape kana dikhela kai e manusa kai nasti dena orba, dena orba, kai e llene kai sea chinde lenge porrne sastona, e bange phirena, a e korre dikhena ta blagosina e Israeleke Devle.
32
O Jesus ikharda pe disipulonen, ta phenda lenge: Si mange zao katar gala llene, soke cherel trin llive kai si manchar ta inai len so te jan. Ta ni kamam te bichalav len bokhale kai pe chera, sai baldinpe e dromea.
33
Ondaka leke disipulura phende leke: ¿Katar ka ikana amen pe gachin marrne kate po pusto te da te jal gachine llenen?
34
O Jesus puchla len: ¿Pe gachin marrne si tumen? Von phende: Efta ta nesave machorre.
35
Ondaka o Jesus phenda e llenenge te besen pe phuv,
36
lia ande pe va e efta marrne ta i e mache, dia fala e Devle, phagla len ta dia pe disipulonen, a e disipulura die e sueto.
37
Saurre jale ta chalile, ta katar e kotora kai achile, pherde efta kotariche.
38
Gola kai jale sea preko star milie murusa bi te llindol e diskinien ta ni e minonen.
39
Ondaka kana phenda e suetoke te llaltar, likisto ande llimia ta llelo ande phuv katar e Magdala.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28