bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Matthew 24
Matthew 24
Romani Ursari 2018 (Biblia Ande Chib Romani)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
O Jesus likisto katar o cher e Devleko ta kana llalatar, avile pasa le e disipulura te sikaven leke o cher e Devleko.
2
Vou phenda lenge: ¿Dikhen sa gava? Chachimaia phenav tumenge kai ni ka achel kate barr po barr kai ni ka avel peradino.
3
Mapalal lleletar po burdo e Maslinkengo. O Jesus beslo ta e disipulura avile pasa le ta puchle le: Phen amenge, ¿kana ka aven gala ezgode ta save ezgode ka sikaven kai tu ka ave ta kai si o son e suetoko?
4
O Jesus phenda lenge: Dikhen te na kojavel tumen niko.
5
Soke ka aven but llene kai ka phenen kai sem me. Ta ka phenen: Me sem o Mesias ta ka kojaven bute llenen.
6
Tumen ka asunen kai marenpe e phuvia pe suako rig, te na daran, soke gia trubul te nakhen sa gala ezgode, a ni ios inai o son.
7
Soke iek charoina ka marelpe averiaia ta iek phuv ka marelpe avere phuviaia, ta ka avel bok ta e phuv ka dermolpe pe but thana.
8
A sa gala ezgode si samo e purve dukha e suetoke.
9
Ondaka ka den tumen kai o sueto ta ka avel tumenchar bilacho, ta ka mundaren tumen ta sa o sueto ka murzin pe tumende pala mo anav.
10
Ondaka but llene ka peren, ta ka pukhaven iek avere, ta ka murzin iek pe aver.
11
Ta but poraukura kojamne ka aven ta ka kojaven bute llenen,
12
ka avel pe gachin bilachipe, kai but llene ka jasaren o volipe.
13
A ko llala llik kai o son ta ni achela, ka avel braduime.
14
Ta gaia lachi viasta ka avel inllardi ande sa e phuvia te dikhel o sueto, ta ondaka ka avel o son.
15
O profeta Daniel pisisarda cheres o baro bilachipe kai ka cheren po than kai delpe o kurbano, ko chitil te acharel:
16
ondaka gola kai si ande Judea, te nasen pe burdura,
17
a ko si upral po cher, te na fuliel te ikanel niso,
18
a ko si ande umalia, te na irilpe te lel pe patave.
19
¡A tesko katar e diskinie kai ka aven khamne ta kai bariaren minonen!
20
Mangen tumen e Devletar te na nasen ando viend o ando llive sabado,
21
soke ka avel iek duk gia bari sar kai nikada ni saia pe gaia phuv sar kai si cherdi.
22
A o Del te na chikniavela gola llivesa, niko ni avela braduime, a vou ka chikniavel len pala gola kai vou esvirisarda volimaia.
23
A vareko te phenela tumenge: Dikhen, kate si o Mesias, o Dikhen incha si, na pachan le.
24
Soke ka aven kojamne mesias ta kojamne poraukura, ta ka cheren bare ezgode te sai kojaven te avelape i e llenen kai isto o Del esvirisarda.
25
Me phendem tumenge gala alava mai anglal te nakhen.
26
Goleke, te phenena tumenge: Dikhen kate si gurudino, na pachan le.
27
Soke gia sar dikhol iek esterlicha kai klichil katar o oriente llik kai o oksidente, isto gia ka avelpe kana ka irilpe o Chavo e Devleko.
28
Kote kai avela e esnaga muli ka chidiniaon e garvanura.
29
Samo ka nakhen gola llivesa dukhake, o kham ka cherdol truniariko, o chon ni ka klichil, e cheraia ka peren katar o miloso ta e zor e milosoki ka izdral.
30
Ondaka ka dikhol ando miloso sar ka avel o Chavo e Manuseko, ta sa e phuvia ka roven daratar ta ka dikhen sar ka avel o Chavo e Manuseko pe oblakura e milosoke zoriaia ta barimaia.
31
Ta vou ka bichalel pe suechonen iekhe bare tuturugaia te chiden e llenen kai esvirisarda katar e star riga e phuviake katar iek rig e milosoki llik kai o goia rig.
32
Sikon katar o kas e simochinengo: Kana leke krangura si kovle, ta zelenil ta liken e patra, tumen llanen kai o milai si pase.
33
Isto gia, kana tumen ka dikhen sa gala ezgode, ka llanen kai o Chavo e Devleko si po udar.
34
Chachimaia phenav tumenge kai sa gala ezgode ka avenpe bi te nakhel gaia vicha.
35
O miloso ta e phuv ni ka aven ios, a me alava si te cherdon.
36
A cheres o llive ta o saiato, niko ni llanel le, ni e suechura e milosoke, ni o Chavo. Samo mo Dad llanel le.
37
Gia sar saia ande llivesa e Noeeke, isto gia si te avelpe kana ka irilpe o Chavo e Manuseko.
38
Ande gua vreme mai anglal te perel o baro bursin, ta llik kai o llive kana o Noe dia ande bari llimia, o sueto jala ta piela ta zininape.
39
Ta o llive kana von ni mislinape, avilo o baro bursin ta inllarda peke saurren. Isto gia ka avel pe kana ka avel o Chavo e Manuseko.
40
Ande gua vreme dui llene kai ka aven ande umalia: Iek ka avel inllardo a o gua ka avel muklo.
41
Katar dui diskinie kai moren e simiche, iek ka avel inllardi a o goia ka avel mukli.
42
Achen llungade, soke ni llanen savo llive ka avel tumaro Gazda.
43
A sikon gaia ezgoda, o gazda iekhe chereko te llanela ande savo saiato e rachako ka avel o chor, achela llungado ta ni mukela nika te del ande leko cher te lel peke leke ezgode.
44
Goleke i tumen morabi te aven lacharde, soke o Chavo e Manuseko ka avel ando saiato kai tumen ni llanen.
45
¿Ko si o esluga chacho ta bizai, kai leko gazda mukel lete e llenen katar po cher, te sai den len te jan orta po vreme?
46
Blagosime o esluga kai kana avel leko gazda malavel le kai cherel po rado.
47
Chachimaia phenav tumenge kai o gazda ka thovel tala leko va sa so si le.
48
A o gua esluga te mislilape kai leko gazda ni ka avel oma,
49
ta te thovelape te avel bilacho ogole eslugenchar, ta chidiniaola e matarnenchar te jal ta te piel,
50
ondaka ka avel leko gazda o llive kana vou ni mislilape ta o saiato kai vou ni llanel,
51
ka dukhavel le, ta ka thovel le e manusenchar kojamne, kote ka avel o roipe ta e bari dar.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28