bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Romans 14
Romans 14
Romani Ursari 2018 (Biblia Ande Chib Romani)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Len sama katar o lleno kai si kovlo ando pachape, ta na jan tumen lea.
2
Soke si nesave llene kai mislinpe kai sai jalpe vareso, a si aver llene kovle ando pachape kai jan samo zenelipe kai del e phuv.
3
O lleno kai jal varesavo jape, morabi te na dosarel gole llene kai ni jal nesave ezgode, a gua kai ni jal nesave ezgode, morabi te na dosarel gole kai jal varesavo jape, soke o Del lia gole llene.
4
¿Ko san tu kai krisi iekhe esluga kai si avereko? Te achela pe porrne o te perela. Leko gazda dikhel letar. A vou ka achel pe porrne, soke o Gazda si zuralo te del le e zor.
5
A si nesave llene kai thoven sama mai but pe iek llive neko pe aver, a si aver kai pachan kai sa e llivesa si sargo iek. Suako lleno morabi te pachal so si ande leke mislura.
6
Ko guruvela iek llive te blagosil e Devle, guruvel le e Devleke. A ko jal katar sa, te blagosil e Devle, vou jal ta del fala e Devle, a ko ni jal nesave ezgode te sai blagosil e Devle, mukel te jal gola ezgode, ta i vou del e fala e Devle.
7
Niko amendar ni zivil vou peke ta ni merel vou peke.
8
Te zivi, zivi e Gazdake, a te meraia, e Gazdake mera. Goleke ando zivoto ta i ando meripe e Gazdake sam.
9
Goleke pala gua mulo o Kristo ta ustilo katar o meripe te avel Gazda e mulengo ta i e llundengo.
10
Goleke tu na de orbe bilache che phlaleke ta thov leke sama. ¿A soke de orbe bilache che phlaleke? soke saurre morabi te ava angla e kris e Kristoki.
11
Soke ando Pisipe phenel gia: Jau sovel pe mo zivoto, phenel o Gazda, kai angla ma saurre ka den changa ta saurre ka blagosin man.
12
Goleke suako lleno amendar ka phenel e Devleke so vou cherda.
13
Morabi te na da orbe bilache iek averetar. Mai sukar thoven ande tumaro mislo te na peraven tumare phlale katar o pachape.
14
Cheres o pachape kai si man ando Kristo Jesus, me llanav kai niso inai melalo vou petar. A vareko te mislilape kai varesavi ezgoda si melali, sai avel melali goleke kai mislilape kai si melali.
15
A te avelpe kai cho phlal dukhadola pala o jape kai tu ja ondaka tu ni lla volimaia. ¡Na cher cheres cho jape te jasaol gua lleno kai o Kristo mulo pala le!
16
Na cheren te den orbe bilache cheres o lachipe kai tumen cheren.
17
Soke e charoina e Devleki inai jape o pipe, e charoina e Devleki si chachipe, pas ta veselia ando Santo Duo.
18
Ko radila gia e Kristoke, si drago e Devleke ta e llene ka den len liubao.
19
Goleke roda o lachipe ta e pas, ta te pomozi iek avere, ta te bariva saurre ande iek than.
20
Na murisar e buchi e Devleki cheres o jape. O chachipe suako jape si chisto, o bilachipe si te ja vareso kai cherel te perel averengo pachape.
21
Mai sukar si te na ja mas ta te na pie mol, ta te na chere nisavi ezgoda kai sai peravel che phlale.
22
O pachape kai si tut morabi te avel tut angla o Del. ¡Blagosime gua kai ni dosarel vou pe katar e ezgode kai cherel!
23
A ko mislilpe kai inai sukar so vou jal, ta te jala, vou pe dosarel, soke cherel le bi pachamaia, soke sa so cherdol bi pachamaia si bilacho.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16