bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Romans 4
Romans 4
Romani Ursari 2018 (Biblia Ande Chib Romani)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
1
¿Akana so ka phena kai dobisarda amaro dad o Abraam?
2
Te avelape kai o Abraam saia orta ta chacho pala e ezgode kai cherela, avilaia le pe so te cherel baripe, na angla o Del.
3
Soke ¿So phenel o Pisipe? Llinda e Abraame orta ta chacho pala leko pachape.
4
Kana iek lleno radil ta pochinen leke, inai kai die le llabe gola love, soke vou radisarda ta trubul te pochinen leke.
5
A vareko te pachala kai o Del cherel orta ta chacho e bilache, o Del thovel sama pe leko pachape ta llinel le orta ta chacho i te na cherdaia niso te llinel le orta ta chacho.
6
Isto o David dia orba cheres e dragostia e manuseki kana o Del llinel orta ta chacho bi te mol leke e ezgode kai cherel.
7
O David phenda: ¡Blagosime gola kai o Del prostil lengo bilachipe, ta kai lengo bilachipe si uchardo!
8
Blagosime o manus kai o Gazda ni dosarel le katar o bilachipe
9
¿Sai avel gava blagosipe samo e judionenge, o si i golenge kai inai judiura? Soke phendam kai o Abraam pala leko pachape saia llindo orta ta chacho.
10
¿Sar saia llindo? ¿Kana saia sirkunsidime, o kana ni saia sirkunsidime? Na kana saia sirkunsidime, kana ni saia sirkunsidime.
11
Ta mai angle e Abraame sirkunsidisarde, sargo iek ezgoda te dikhol kai o Del llindaia le orta ta chacho cheres leko pachape. Ta gia o Abraam avilo te cherdol o dad sa golengo kai si len pachape i te na avilea sirkunsidime, ta gia o Del llinel len chache.
12
Ta i o Abraam si o dad i golengo kai si sirkunsidime ta i llan pala gua pachape kai amaro purano saia le mai anglal te avel sirkunsidime.
13
O Del phenda e Abraameke ta leke porodoke kai sa e phuv ka avel lengi, a o alav kai diaia le ni saia phanglo te kandela o zakono, gua avel katar o chachipe e pachamako.
14
O alav kai o Del diaia te avilaia e llenenge kai kanden o zakono, ondaka avilaiape kai o pachape ando Del ta i leko alav ni moldaia le niso.
15
O Del dukhavel golen kai ni kanden o zakono, ta kana inai o zakono niko inai dosalo kai ni kandel.
16
Goleke, o alav kai diaia e Abraame si sa leke porodoke, gua diale llabe pala o pachape. Te sai phena, o alav kai dia inai samo golenge kai pachan ando zakono, gua alav si saurrenge kai thovenpe ando pachape, sargo o Abraam. Gia vou cherdol o dad saurrengo,
17
sar phenel o pisipe, Cherdem tut dad bute suetoko. Gava si o Del kai o Abraam pachaia, o Del kai del o zivoto e mulen ta ikharel e ezgode kai inai phenea si.
18
Kana adurichare la so nasti adurichare la, o Abraam pachaia ta avilo dad bute suetoko, gia sar o Del phendaia leke, Gia de bari ka avel chi vicha.
19
O pachape e Abraameko ni kovlilo kana dikhla pe pi esnaga kai saia sargo muli ta sea leke stotina burs, ta ni pe Sara kai nasti avena la minone ta saia phuri.
20
Vou ni jasarda po pachape ta ni diape palpale katar o alav kai diaia le o Del, goleke avilale iek pachape ios mai baro. Ta blagosisarda e Devle,
21
sa pe liea pachala kai o Del si le e zor te cherel so phenel.
22
Goleke, o Del llinda le ta phenda kai vou si orta ta chacho.
23
Ta inai samo e Abraametar si pisime kai llinda orta ta chacho,
24
i cheres amendar phenda kai i amenge ka llindolpe kai sam llinde chache, kai pacha ande gua kai vazdia katar o meripe e Jesuse, amaro Gazda,
25
kai vou saia dino te merel pala amaro bilachipe ta vazdinailo katar o meripe te cherel amen llinde chache.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
All chapters:
1
2
3
4
5
6
7
8
9
10
11
12
13
14
15
16