Titus 3

Romani Baltic Latin (Biblija - Pe Baltitko Romani čib (Romanes) 2019)

← Chapter 2 Jump to:

1Phen iščo (inké) manušénge pal dová, sob (kaj) jone te kandén ran i barydyrén, i te javén skedyné te kerén kažno lačhó réndo (diélo);

2te na kaliakiren nikonés, a te javén ramanjonesa (mirnonesa), te javén štyl (tiha), kovlé-ilýtka ke saré manušá.

3Pal-dová so i ame sámas vari-kiéli bigodiakire, na kandyjam i amen; ame sámas pishárja péskire-masengire tyrdypnaske, ame dživdiam dro xolý i zevlynypén, drieván bidykhciam jekh jekhés.

4A kiéli amaró Devél, Zrakhibnari, sykadiá Péskiri lačhé-ilýtkima i láska,

5na pal čačuné réndy, savé ame kerasas, a pal Péskiro tangipén, tedy Jov zrakhciá amen pir panieskiro boldeipen ke nevó džiibén i neviakirdia amarí godý Sventoné Duhósa,

6Savó Jov pherdés dyjá aménge pir Isusóste Xristosóste, amaré Zrakhibnariste,

7sob (kaj) Devél te priĥaljol amen čačunenca pir Péskiro bahtalypén te jačas Léskire čhavénca dro viéčno džiibén, vaš savó aménde isyn nadiéia.

8Davá lav isyn patiaibnýtko, i me kamám, sob (kaj) tu te rakirés pal davá saré zorjása dro dúho (fáno) vaš dová, sob (kaj) odolé, savé upatiándyne dre Devléste, pričhuvén zor te kerén lačhé réndy. Davá saró isyn lačhipén i trej manušénge.

9Džá krig (durjov) duredýr dylyné phučibnendyr i rosphenybnendyr pal vari-konéskiro ródo, ci sprečkendyr ci maribnendyr pal lavá Zakonóstyr; pal-dová so davá na trej ni konéske i dasavo rakiribén isyn krotkone godiatyr.

10Risjov krig manušéstyr, savó pričhuvela zor te rozčhuvel patiaibnaskiren pe grupy paló (poslie) davá, syr tu sykliakiresa les jekh ci duj móly,

11tu džinésa so adasavó manúš isyn rozmekno i keréla gréhi, kadalesa jov sendiakiréla kokoró pes.

12Kiéli me bičhaváva ke tu Artjomos ci Tihikos, prilé zor syr sygedýr te javes ke me dro Nikapoljo, pal-dová so me skedyjompe te javav odój saró ivant (zima).

13Zinas, savó isyn sykliakirdo pir Zakóno, i Apolos, bičháv dro drom syr trej, sob (kaj) lénge saró te uhtylel;

14i mek amaré manušá adiáke-pac' te sykljon te kerén lačhé réndy, sob (kaj) te sykljon te den ráda pe davá, so trej aménge, sob (kaj) léngiro džiibén te na javél čhučó.

15Piridena “paklono” túke saré, kon isyn mánca. Piride “paklono” sarénge, konéske sam dróga ame dro patiaibén. Te javél bahtalypén sarénca tuménca. Amín'.

← Chapter 2 Jump to: