bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
1 Kings 17
1 Kings 17
Romani Sinte 2024 (O Debleskro Lab 2024 (Sinte-Manouche))
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”
2
Pal kova penas o baro Devel ap o Eliya:
3
“Dja touke kate krik! Dja kote, kay o kham pre djal, oun khate tout pash o tikno pani Krit, kova, kay nashell an o pani Yordan dren!
4
Oun yaake nay piyeh dran o pani. Oun ap i korake penom, te anenn le touke rhapen.”
5
Oun yob kras, har o baro Devel leske penas, oun djas ap i vavar rig o panyestar Yordan oun ačas pash o tikno pani Krit.
6
Taysarlakro oun rati anan leske i korake maro oun mass, oun dran o pani piyas lo.
7
Oun har kek brishin das an o them, vas o tsiro, kote his bouder kek pani an ko tikno pani Krit.
8
Koy penas o baro Devel ap leste:
9
“Kre tout ap o drom oun dja an o foro Zarpat, ko hi pash Sidon čiddo, oun ač kote! Me penom kote i djouvyake, kolakro rom meras, te dell li tout rhapen oun pipen.”
10
Oun yob stas pre oun djas an o foro Zarpat. Oun har vas lo ap o foreskro voudar, dikas lo kote i djouvel, kolakro rom meras. Koya hadas kasht pre. Yob rakras lah oun penas: “Le mange i čaro pani, te piyap!”
11
Har djas li peske, te anell li kova, das lo pal late gole oun penas: “An mange i kotar maro touha!”
12
Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”
13
Kote penas o Eliya lake: “Ma traash! Dja koy oun kre, har tou penal! De yak, te kress mange i tikno maro, oun an les mange vin. Oun palle kre o maro touke oun tiro čaveske!
14
O baro Devel, kay o Israeleskro Devel hi, kova penas: O yarro an i piri vell gar pre rhalo, oun an o khoro ačell doha djet, bis te vell ko dives, kay dell o baro Devel o brishin ap i phoub. ”
15
Kote djas li oun kras yaake har o Eliya lake penas. Oun yob rhas, oun yoy ninna oun lakro čavo boud divessa.
16
Ko yarro an i piri djas gar vin, oun an o khoro his doha djet, yaake har o baro Devel ap o Eliya penas, oun yob i djouvyake penas.
17
Oun koy djouvel las les an peskro kheer pre. Pal i tsiro vas ko čavo koy djouvyatar nasselo. Oun leskro nasslepen his yaake zoreles, te ačas bouder kek dourho an leste.
18
Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”
19
Yob penas ap late: “De man tiro čaves!” Oun yob las les tele dran lakre moussya, anas les an i pralstouni isema, kay yob djivell, oun čivas les ap o čiben.
20
Palle das lo gole ap o baro Debleste oun penas: “Miro baro Devel, kreh tou čačepah savo čilačepen ap kay djouvyate, kay las man pre an peskro kheer, oun mareh lakro čaves?”
21
Oun yob čivas pes triin kope pral o čaveste, oun das pashel gole: “Miro baro Devel, mouk te vell o djipen kava čavestar pale an leste!”
22
Oun o baro Devel shounas ap o Eliya, oun ko djipen vas pale an o čaveste, oun yob vas pale djido.
23
Kote las o Eliya o čaves oun anas les tele dran i pralstouni isema an o kheer, oun das les leskri dake. Oun o Eliya penas: “Dik, tiro čavo djivella!”
24
Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22