bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Ezekiel 30
Ezekiel 30
Romani Sinte 2024 (O Debleskro Lab 2024 (Sinte-Manouche))
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 31 →
1
Oun o baro Devel penas ap mande:
2
Tou, mensho, pen glan-vi, hoy pral o them Egiptia vella! Pen: Kava penell o baro Devel, maro ray: Rovenn zoreles! Havo djoungelo dives vella!
3
Ko dives vell sik, ko dives, kay o baro Debleskri rholi vella. Kalo har i rati hi ko dives, i tsiro, kay bibarht vell pral i themma.
4
O rharo vell pral o them Egiptia, oun boud menshe venn kote maredo. Oun lengro bravlepen vell krik lino, oun lengre forya tele phagedo bis ap i telstoune barra. Koy trissenn i menshe an o them Etiopia i trashatar.
5
Mank kolende, kay merenn an kava kourepen hi ninna i ginle lourde dran Etiopia oun dran Pout oun Loud oun Koub, oun vavar vi-themarya, oun kol tsele vavar, kolentsa i Egiptarya pen khetne čivan.
6
Kava penell o baro Devel: Halauter venn maredo, kay o themeske Egiptia ap i rig van. Leskro pre-phourdepen oun leskri zoor venn phagedo. An o tselo them mank o foro Migdol oun o foro Syene venn le o rhareha moulo dino. Yaake penell kova o baro Devel, maro ray.
7
O them Egiptia vell i moulo them, yaake har i vavar themma troul leste moule themma hi. Oun leskre foryendar ačell či har barra pral, yaake har pash kol vavar forya ninna hi, hoy koy trouyel čiddo hi.
8
An ko tsiro, kay čivau yag an o them Egiptia, oun hakeno moulo hi, kay lenge ap i rig vas, palle dikenn oun hayvenn yon, te hom me o baro Devel.
9
An kava tsiro bičrau morshen vin, kay djan ap i shiffe an o them Etiopia. Kolla, kay kote djivenn, patsenn, te vell lenge kek čilačepen. Te venn mire bičepangre oun penenn lenge, har o themeske Egiptia djas, taprell len i bari daar. Te shounenn le, kay Egiptia paash hi, trissenn le i daryatar. Čačepah, kava dives vella!
10
Kava penell o baro Devel, maro ray: Me bičrau o baro rayes dran Babilonia, o Neboukadnezares, oun kova lell o tselo bravlepen dran o them Egiptia krik.
11
Yob vell peskre zorele lourdentsa, kay dran boud themma venna, oun kay zilah ap vavarende djan, te krenn le o them paash. Oun yon djan ap i Egiptaryen pengre rharentsa pre, te venn an o tselo them i moule čiddo.
12
Me krau, te venn i lengste panya an o them Egiptia trouk, oun dau o them an o vast čilače menshendar. Oun vi-themarya krenn o them oun kova, hoy dren hi, paash. Me, o baro Devel penom kova.
13
Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.
14
Oun me krau, te vell ko kotar them, hoy kharell Patros, i moulo them. An o foro Soan čivau yag, te rhačrell lo tele. Oun i menshenge an o foro Theben dau lengri phagi.
15
Miri rholi čorau vin pral o foro Sin, hoy o zorleder foro an Egiptia hi. Oun ko bravlepastar an o foro Theben ačell či pral.
16
Me čivau yag an o them Egiptia. Oun pral i menshende an o foro Sin vell daar oun douk. O foro Theben vell tele phagedo. Oun an o foro Memfis perenn lourde mashkral ap o dives dren.
17
I terne morsha dran i forya On oun Pi-Beset venn o rhareha moulo dino, oun i vavar dran kol forya venn pandles krik anlo.
18
An o foro Tapanes vell ko dives kalo, kay phagau kote koy zoor, hoy o themes Egiptia pral vavar themma hi. Leskre boud zorele lourde, ap kolende i Egiptarya yaake barhtelo oun pre-phourdo his, venn krik lino. Kale volke čakrenn o foro. Oun i menshe dran i gaba trouyel venn an o pandepen anlo.
19
Yaake dau o them Egiptia peskri phagi, te dikenn oun hayvenn le, te hom me o baro Devel.
20
An o 11. (deesh-te-yekto) bersh an o yekto čon ap o eftato dives an ko čon penas o baro Devel ap mande:
21
Tou, mensho, me phagom i moussi o baro rayestar pral Egiptia, kay Farao kharedo vell. Kek pandas leske i diklo troul i moussi, te vell koy moussi pale sasto oun zorelo, oun nay rikrell i rharo.
22
Oun pale penas o baro Devel, maro ray: Miri rholi vell ap o Farao, ko rayeste pral o them Egiptia. Me phagau leskre moussya, koy sasti moussi oun koy phagedi, oun krau, te hounte moukell lo o rharo te perell.
23
Oun i Egiptaryen tradau an vavar themma, te djivenn le mank vavar menshende.
24
Oun me krau i moussya o baro rayestar pral o them Babilonia zoreles. Oun dau les miro rharo an o vast. Oun o Farao peskre phagede moussyentsa dell gole i doukatar glan leste har i morsh, kay vas phares doukedo oun hounte merell.
25
Ava, i moussya o rayestar pral Babilonia krau zoreles. Oun o Farao hounte moukell peskre moussya tele te perell. An ko tsiro, kay dau miro rharo an o vast o rayestar pral Babilonia, te kourell lo pes i Egiptarentsa, dikenn oun hayvenn i Egiptarya, te hom me o baro Devel.
26
Oun i Egiptaryen tradau an vavar themma, te djivenn le mank vavar menshende. Palle dikenn oun hayvenn le, te hom me o baro Devel.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48