bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Ezekiel 46
Ezekiel 46
Romani Sinte 2024 (O Debleskro Lab 2024 (Sinte-Manouche))
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 47 →
1
Kava penell o baro Devel, maro ray: Ko voudar glan i tikni glanstouni platsa ap koy rig, kay o kham pre djal, kova ačell pandlo ap kol shob divessa, kay boudrenn le. Ap o eftato dives – ko Debleskro dives – vell lo pre kerdo, ninna ap o dives, kay o nevo čon diklo vell.
2
Oun o ray djal foun i bari glanstouni platsa dren an i voudareskri halla oun ačell tardo pash i pesse kashta, hoy hi čačes oun serves o voudarestar. Oun i rashaya lenn leskre firhe, hoy lo o Debleske dell, oun marenn len, oun anenn len glan o baro Debleste, kolen kay venn tseles rhačedo, oun kolen, kay venn rhalo glan o Debleste. Oun o ray ačell an o voudar oun mangell o baro Debles an. Oun palle djal lo pale vin. O voudar ačell pre, bis te vell i rati.
3
Ninna i Israelitarya venn glan kava baro voudar ap o Debleskro dives oun ap ko dives, kay vell o nevo čon diklo, oun mangenn o baro Debles an.
4
Kol firhe, hoy anell o ray o baro Debleske ap o Debleskro dives, te venn le leske maredo oun tseles rhačedo, hi shob terne saste bakre, oun yek morshkano bakro.
5
Oun ko rhapen dran djob, hoy glan o Debleste anlo vell, hi 12 (deesh-te-douy) kilogramme yarro ko morshkano bakreske, oun yaake boud yarro, har kamell lo, i terne bakrenge. Oun yek khoro djet pash hake 12 (deesh-te-douy) kilogramme yarro.
6
Ap o dives, kay vell o nevo čon diklo, anell o ray yek terno gouroum oun shob terne bakre – halauter hounte venn sasto – te venn le maredo oun rhačedo o Debleske.
7
Koy pashel anell lo 12 (deesh-te-douy) kilogramme yarro ko gouroumeske oun 12 (deesh-te-douy) kilogramme yarro ko morshkano bakreske, oun yaake boud yarro, har kamell lo, i terne bakrenge. Oun yek khoro djet pash hake 12 (deesh-te-douy) kilogramme yarro.
8
Oun ap ko emligo drom, kay djas o ray dren an koy voudareskri halla, djal lo pale vin.
9
I vavar Israelitarya, te venn le glan o baro Debleste, te mangenn le les an ap kol bare divessa, hounte djan yon gar an o emligo baro voudar dren oun vin. Koon dren djal an ko baro voudar, hoy ap koy rig hi, kay norden hi, kova djal vin dran ko voudar ap koy rig, kay o kham pralstounes tardo hi. Oun koon an o voudar dren vell, hoy ap koy rig hi, kay o kham pralstounes tardo hi, djal dran ko voudar vin, kay kote hi, kay norden hi. Yob djal gar an ko voudar vin, kay lo dren djas. Na-a, dran o voudar, hoy vergel hi, djal lo vin.
10
Oun o ray djal lentsa dren ap koy bari glanstouni platsa, oun djal ninna pale lentsa vin.
11
Oun ap kol bare divessa anell lo 12 (deesh-te-douy) kilogramme yarro ko gouroumeske oun 12 (deesh-te-douy) kilogramme yarro ko morshkano bakreske, oun yaake boud yarro, har kamell lo i terne bakrenge. Oun yek khoro djet pash hake 12 kilogramme yarro.
12
Oun te kamell o ray i firho pestar o baro Debleske te anell, nay vell savo firho, hoy vell tseles rhačedo, nay vell savo firho, hoy rhan le khetne glan o baro Debleste, palle vell leske o baro voudar pre kerdo, hoy ap koy rig hi, kay o kham pre djal, te nay vell o dren, har lo ap o Debleskro dives ninna dren vell. Oun palle djal lo pale koy vin. Oun o baro voudar hounte vell pal leste pandlo.
13
Haki tsalla hounte vell yek sasto terno bakro, hoy yek bersh phouro hi, maredo oun rhačedo o baro Debleske.
14
Oun haki tsalla vell koy pashel i rhapen glan o baro Debleste anlo: douy kilogramme yarro oun yek litari lačo djet, hoy ap o yarro čoredo vell. Yaake vell kova kerdo hako tsireske.
15
Haki tsalla, dives pal dives, vell o bakro, o yarro oun o djet o baro Debleske rhačedo.
16
Kava penell o baro Devel, maro ray: Te dell o ray yekes peskre čavendar i kotar them pestar, ačell kova hako tsireske leske.
17
Te dell o ray i boudepaskres i kotar them pestar, ačell ko kotar them koleske yaake rah, bis te vell ko bersh, kay halauter pale dino hounte vell ap koleste, koneske kova his. Palle djal ko kotar them pale pale pash o rayeste. Kokres i čave o rayestar nay rikrenn, hoy len dino vell.
18
Oun o ray lell gar ko themestar, hoy i Israelenge dino vas, te ačell kova lenge. Yon hounte venn gar vin tradedo dran koleste, hoy lenge hi. Foun peskro, hoy leskro hi, dell o ray peskre čaven, te vell kova lenge. Kek mire menshendar hounte vell vin tradedo dran kova, hoy lenge hi.
19
Oun ko morsh anas man ap ko drom, hoy langs ko baro voudar hi, hoy kote hi, kay norden hi, oun anas man pash i rashayengre iseme, hoy kote hi, kay norden hi. Dour palla dikom i isema an koy ekka, kay o kham tele djal.
20
Oun yob penas ap mande: Kova hi koy isema, kay kerenn i rashaya ko mass kol firhendar, hoy maredo van, te vell i doosh pale mishto, ninna kol firhendar, kay maredo van, te vell i doosh oun o pale-čiddo koova krik lino, oun kay le pengro maro pekenn dran ko djob oun dran ko djet, hoy o Debleske dino vas. Yon hounte hidjrenn kova gar ap i bari glanstouni platsa, te taprenn gar i menshe kova an, hoy o Debleske hi.
21
Oun palle anas lo man vin ap i bari glanstouni platsa, oun moukas man an i star ekke foun kay platsa te djal. Oun koy dikom an haki ekka his i tikni platsa.
22
Haki tikni platsa his yaake baro har koy vavar: 20 metarya lengsto oun 15 metarya bourhlo.
23
Oun troul lende djas i massouri trouyel. Oun dren troul koy massouri his boba tardo.
24
Oun o morsh penas ap mande: Kalla hi i boba, kate kerenn i boudepangre o Debleskro kherestar o mass kol firhendar, hoy rhan i menshe khetne glan o Debleste.
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 47 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48