bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Hebrews 13
Hebrews 13
Romani Sinte 2024 (O Debleskro Lab 2024 (Sinte-Manouche))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Moukenn gar tele, te kamenn i phralen oun i phenyen o tselo djiyestar!
2
Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.
3
Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.
4
Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.
5
Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!
6
Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?
7
Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!
8
O Yezous Kristo ačell har yob hi: taysar, kava dives, oun hako tsireske.
9
Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.
10
Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.
11
I moule firhe, kolengro rat o baro rashay an o Debleskri kouč isema anas, te lell o Devel i doosh i menshendar krik, kol firhe venn vin glan o foro an i yag rhačedo.
12
Yaake meras o Yezous ninna vin glan o foro, te krell lo peskro rateha i menshen erligo glan o Debleste.
13
Doleske djas pash leste vin glan o foro, te las o praasepen ap mende yaake, har yob o praasepen ap peste las!
14
Ap kay phoub hi men kek foro, kay nay ačenna. Na-a. Mer dikah ap ko tsiro, kay djivah an o Debleskro foro, hoy vella.
15
Dran kova parkras men pash o Debleste, sharas les hako tsiro, oun kras o Yezouseskro lab bares.
16
Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.
17
Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.
18
Mangenn o Debles menge! Maro dji hi djoudjo. Kova djinah mer. Hako tsiro kamah kova te krell, hoy lačo hi.
19
O tselo djiyestar mangau t'mendar, te mangenn o Deblestar, te nay vap sik pash t'mende.
20
O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.
21
Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.
22
Mire phrala, me mangau t'men, shounenn ap kol laba, hoy me t'menge an kava tikno liil činom!
23
Djinenn, maro phraal Timoteo vas dran o stilepen vin. Te vell lo sik pash mande, vau leha pash t'mende.
24
Penenn lače laba mendar kolenge, kay denn garda ap t'mende, oun ninna ap i tsele patslende! I patsle dran o them Italia penenn t'menge “Ačenn o Debleha!”
25
O Debleskro lačepen t'menge lauterenge!
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13