bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Job 15
Job 15
Romani Sinte 2024 (O Debleskro Lab 2024 (Sinte-Manouche))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
1
Koy penas o Elifas dran o them Teman ap o Hiob:
2
Te vals čačepah gosevo, rakrals gar save pre-phourde laba! Kava, hoy tou kate rakreh, hi či har i tato dourho.
3
Tou rakreh touke save labentsa, hoy kekeske mishto hi. Tiro rakepen hi či moldo.
4
Čačepah, tou kreh har te vals o patsepen ap o Debleste či moldo, oun kreh, te mangell les bouder kek an.
5
Pal boud laba khatreh tiri doosh, oun rakreh har i rhorheno rakrell.
6
Hi tiro mouy, hoy penell, te hi doosh ap toute. Me hounte penap kova gar. Hako lab, hoy rakreh, sikrell kova.
7
Hal tou o ersto mensho, kay boldo vas? Hals tou koy, har kras o Devel i berge?
8
Hals tou pashel, har o Devel peskre bolepangre khetne his, oun shounal, hoy kote rakedo vas? Patseh, te hal tou kokres gosevo?
9
Hoy djineh, hoy mer gar djinah? Oun hoy hayval, hoy mer gar hayvam?
10
Mank mende hi ninna phoure morsha, morsha parne ballentsa, kay phoureder van har tiro dad.
11
Dran mende rakras o Devel kamles touha. Yob kamell o douk dran tiro dji krik te lell. Hi kova touke gar doha?
12
Hoske kereh tou pral har thoud ap i yag? An tire yaka rhačell tiri rholi.
13
Ap o Debleste hal rhoyedo. Doleske vell savo rakepen dran tiro mouy.
14
Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.
15
Ninna leskre bolepangren nay patsell lo gar. Oun o bolepen hi gar djoudjo glan leskre yaka.
16
Har boud boudeder hatsell lo doosh ap o mensheste. O mensho krell djoungelo koova oun hi či-moldo. O čilačepen krell lo, har te piyals lo pani.
17
Me kamau touha te rakrell. Shoun ap kova, hoy me penau! Kova, hoy me dikom, kamau te penell:
18
Shounom les goseve menshendar. Lengre phoure rikran les lenge gar pale.
19
Lenge kokres his o them dino. Kek vi-themari djas mashkral lende peha.
20
I čilačo mensho marell pes tele i daryatar peskro tselo djipen. Kova, kay i vavaren tele rikrell, hi gar boud bersha glan leste.
21
An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.
22
Yob nay patsell gar, te vell lo dran o tamlepen pale vin. oun dikell o rharo pral leskro shero.
23
Yob djal kate te kote oun rodell rhapen, oun hatsell či. Oun yob hayvas, te vell i kalo dives pral leste.
24
Daar oun traash perenn ap leste, oun pandenn les dren, har i baro ray an o kourepen i foro dren pandell.
25
Yaake djal ko morsheske, kay hadas peskro vast ap o zorelo Debleste, oun kras pes bares ap leste,
26
oun nashell peskro shereha ap leste, peskro shilto an o vast.
27
Leske djal mishto, oun leskro per hi thoullo.
28
Oun yob djivell an moukle forya, an khera, hoy khetne perenn, kay kek hounte djivell.
29
Yob ačell gar bravelo. Leskro bravlepen ačell gar. Kova, hoy les hi, vell gar bareder ap kay phoub.
30
Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.
31
Koon rikrell pes ap čomone, hoy či moldo hi, kova rhorhell pes kokres. oun lell pale, hoy či moldo hi.
32
Yob hi har i rouk, hoy vell djelto glan peskro tsiro, oun hidjrell an kek tsiro bouder zenele patria.
33
Har i drakengro rouk hi lo, kolestar i drake tele perenn an i tsiro, kay hi le gomme tikno. Oun har ko djeteskro rouk hi lo, koleskre bloume tele perenn, glan te venn drake lendar.
34
Yaake djal i familyenge kolendar, kay djivenn kek Debleha. Yon ačenn kek čaventsa. Oun i yag rhačrell lengre khera pre, hoy kran le kol loventsa, hoy lenge playsedo vas te rhorhenn le.
35
An lengre sherya hi midjak koova. Pral pende oun i vavarende anenn le bibarht. Oun lengre djia hi pherdo phoukepen.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42