bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Job 31
Job 31
Romani Sinte 2024 (O Debleskro Lab 2024 (Sinte-Manouche))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 32 →
1
Me djom i sovel mire yakentsa dren, te dikap gar loubekanes i terni čake palla.
2
Te rikroms me gar ap kova, hoy krals palle mantsa o Devel an o pralstunepen? Čačepah o zorelo Devel, kay hi an o pralstouno bolepen, dals man kek lačo koova koleske!
3
Pral i čilačo vell bibarht, oun koleske, kay krell djoungelo koova, djal či mishto.
4
O Devel dikell halauter, hoy krau, oun djinell, havo drom mire pire djan.
5
Djom me i rhorheno drom? Rakrom douy čipyentsa?
6
Me mangau o Debles, te dikell lo palla an o čačepen: Lom me doosh ap mande oder gar? Palle dikell lo, te hom an o čačepen tardo.
7
Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,
8
palle kamau djob an i phoub te vitsrell, oun i vavar nay rhal kova, hoy kolestar bares vas. Oun kova, hoy mange dran i phoub vin vas, tserdenn palle i vavar dran i phoub vin.
9
Te moukas pes miro dji i vavareskri djouvyake dren, oun te louroms me ap late pash koleskro voudar,
10
palle te kerell miri romni i vavareske, oun vavar morsha te sovenn lah!
11
Kova vals i vi-ladjedo koova, oun i doosh, hoy hounte vell glan i čačepaskre morshende anlo.
12
Savi doosh vals har i yag, hoy man tseles rhačrell, oun ninna halauter, hoy man hi, pre rhals.
13
Te doms miro boudepaskres – nay vell i morsh, nay vell i djouvel – gar čačes an i čingepen, kay les čačes his,
14
hoy kroms me nay palle, te hadals pes miro Devel pre, oun dikals ko koova palla? Hoy nay penoms me leske?
15
Yob, kay kras man an miri dakro per, hi kova, kay kras ninna kolen, kay mange boudrenn.
16
Dom me gar o čorveles kova, hoy lo mandar mangas? Vom me gar koy djouvyake ap i rig, kolakro rom meras, oun kay gar doha djipaske his?
17
Rhom me miro rhapen kokres, oun dom kolen či, kolen bouder kek dad his?
18
Foun tiknes pre dom me ap lende yak, har te voms me lengro dad. Oun miro tselo djipen vom kol djouvyenge ap i rig, kolengro rom meras.
19
Te dikom yekes, kay yaake čorvelo his, te his les kek ripen, te tatsrell lo pes,
20
dom me leste koola kerdo dran i balla mire bakrendar, te vas leske tato. Oun yob parkras pes pash mande o tselo djiyestar.
21
An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.
22
Te kroms me sau koova, palle mou phagell miri moussi, oun vin tserdedo vell dran miri phik!
23
Sau koova nay kroms me gar, me trashau o Deblestar, oun hounte daroms, te vell leskri rholi pral mande!
24
Miro sonakay vas gar miro devel. Ap leste penom me gar: Tou hal kova, hoy man hounte vell!
25
Me stom gar i barhtyatar, te vas miro bravlepen baro, oun mange yaake boud khetne lom.
26
Me mangom gar o kham an peskro raylepen an, vitar gar o čon an peskro shoukapen.
27
Miro dji rissras pes gar čorrhanes pash lende, te vitsroms me lenge i vasteskri čoum koy!
28
Kova vals i doosh, hoy hounte vals glan o čačepangre morshende anlo. Koleha phoukroms ap o Debleste an o pralstunepen.
29
Me vom gar barhtelo koy pral, har djas koleske djoungeles, kay mange čilačepen kamas. Vitar gar dom gole i barhtyatar, har vas i bibarht pral leste.
30
Me anom kek doosh ap mande, te rakroms i bibarht pral leste vin, te merell lo.
31
Na-a, lauter kay pash mande djivenn, djinenn, hakeno, kay pash mande vas, las lačes oun doha te rhal.
32
Kolla, kay ap pengro drom pash miro voudar van, kolenge krom me pre. Kek vi-themari hounte sovas vin ap o drom.
33
An kek tsiro kamom miri doosh te khatrell, har vavar menshe krenn.
34
Man his kek daar kolestar, hoy nay rakrens i menshe pral mande, vitar kek traash i ladjatar, hoy nay anens mire menshe ap mande, te penoms doleske či, oun djoms gar glan miro voudar.
35
Ah, te vals yek koy, kay ap mande shounell! Hoy penom, tel kova nay činau miro lab. O zorelo Devel te rakrell pale! Kay hi ko liil, an koleste kova miri doosh pre-činas, kay penell, te lom doosh ap mande?
36
Čačepah me hadaus kava liil ap miri phik pre, oun hidjraus les har i rayeskri stadi ap miro shero.
37
Me penaus leske hako koova, hoy krom an miro djipen, oun har i ray vaus me glan leste.
38
Te das miri harhetikri phoub gole pral mande, oun leskri čik hounte rovas,
39
te rhom ko djob, oun playsrom koleske či, oun moukom i harhen i bokatar te merell,
40
palle te vell bouder kek gib oun djob vin dran miri phoub! Na-a, palle te anell i phoub soubyengre bourra oun djoungelo zenlepen vin! Kate herell o Hiobeskro rakepen pre.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42