bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Psalms 119
Psalms 119
Romani Sinte 2024 (O Debleskro Lab 2024 (Sinte-Manouche))
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Har barhtelo hi kolla, kay yaake djivenna, te hounte čingrell o Devel gar lentsa, kolla, kay ap o baro Debleskro drom djana.
2
Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.
3
Kolla krenn kek čilačepen oun djan ap o Debleskre dromma.
4
Tou, baro Devel, penal menge, hoy te kras mer, te rikras mer kova hako tsiro.
5
An miro tselo djipen kamoms te krap, hoy mandar kameh.
6
Te dau yak ap tire laba, krau či te hounte ladjap man.
7
Me parkrau man pash toute o tselo djiyestar, te sikreh tou mange tire čačepaskre laba.
8
Me kamau te krap, hoy mandar kameh. Ma mouk man kokres!
9
Har nay djal i terno morsh peskro drom yaake, te ačell peskro djipen djoudjo? Kova nay krell lo, te rikrell lo pes ap tiro lab.
10
Miro tselo djiyeha rodau tout. Ma mouk man te moukap tire laba.
11
Me rikrau tiro lab an miro dji, te anap kek doosh ap mande.
12
Sharedo vess tou, mo baro Devel! Tou sikral mange, hoy mandar kameh.
13
Me penau i vavarenge, har tou o čačepen vi-rakral.
14
Me hom yaake barhtelo pral tiro drom, kay tou mange sikral, har te djivap. Kova hi mange shoukeder har i baro bravlepen.
15
Me rakrau kolestar, hoy tou menge penal, te kras kova, oun dau yak, te ačap ap tiro drom.
16
Mange hi shoukar, te krap, hoy tou mandar kameh, oun bistrau tire laba gar.
17
Ab lačes ap mande, tiro boudepaskro, te djivap oun rikrap tiro lab.
18
Kre mange i yaka pre, te nay dikap har shoukar hi te djap tiro drom.
19
Me hom gar khere ap kay phoub. Mouk man te hayvap tire laba!
20
Miro dji rhačrell, te dikap har tou rakreh o čačepen vin.
21
Tou čingreh pral kolende, kay phourdenn pen pre. Praasedo hi kolla, kay moukan tire laba.
22
Mouk kek ladj ap mande te vell! Mouk len gar pral mande te sal! Me djau miro drom yaake har tou mange sikral.
23
I raya hi khetne beshdo, oun rakrenna, har te krenn le mange čilačepen. Me hom tiro boudepaskro oun bistrau gar, hoy tou mandar kameh.
24
Tire laba, hoy sikrenn mange, har te djivap, krenn man barhtelo. Yon hi mange har i lačo maal, ap koleste me shounau.
25
An i čik hom vitsedo. De man pale nevi zoor yaake har tou mange penal!
26
Me penom touke lauter dran miro djipen, oun tou shounal man. Sike mande, hoy mandar kameh!
27
Mouk man te hayvap, hoy tire laba mange kamenn te penell. Yaake te rakrap pral ko baro zorelo koova, hoy tou kral.
28
Miro dji rovell yaake te hi man bouder kek zoor. De man pale nevi zoor, yaake har penal.
29
Rike man pale i rhorheno dromestar! An tiro lačepen sike man, har te djap ap tiro drom.
30
Me kamau tiro drom an o čačepen te djal, oun yaake djivell har tire čačepaskre laba menge penenn.
31
Me rikrau man zoreles ap tire laba, hoy mange sikrenn, har te djivap. Baro Devel, ma mouk i vavaren pral mande te sal!
32
Miro dji hi dour pre, te krap lauter yaake har tou mandar kameh.
33
Sike tou man, baro Devel, har te krap kova lauter yaake, har tou mandar kameh, te djivap miro tselo djipen yaake, har tou kameh.
34
Mouk man lauter hayvell, te dap yak ap tiro drom, oun shounap ap toute o tselo djiyestar.
35
Ab mange ap i rig, te rikrap tire laba! Shoukar hi le mange.
36
Kre te dikap ap tire laba, hoy mange sikrenn, har te djivap, oun dikap gar ap o bravlepen!
37
Kre, te dikap gar ap kova, hoy či moldo hi, oun de man pale nevi zoor ap tiro drom!
38
Me hom tiro boudepaskro. Rike mange tiro lab, ko lab, hoy tou lauterenge dal, kay moukenn tout pengro ray te vell.
39
Le mandar koy ladj krik, kolatar darau. Yaake har tou o čačepen an o vast leh, hi mishto.
40
Pen mange, hoy te krap touke! Tou hal an o čačepen tardo. De man pale nevi zoor an miro djipen!
41
Baro Devel, ab mange lačes, oun ab mange ap i rig yaake har tou penal,
42
te vell man i lab, hoy penau koleske, kay praasell man. Me lau tout pash tiro lab.
43
Kre te penap hako tsiro o čačepen! Me dikau ap toute, har tou o čačepen an o vast leh.
44
Me kamau tiro drom te djal kanna oun hako tsiro.
45
Hoy tou mange penal, krau me. Doleske djau barhteles miro drom.
46
Glan i bare rayende rakrau kolestar, hoy tou menge penal, hoy te kras mer, oun ladjau man gar.
47
Kamau tire laba o djiyestar, oun hom barhtelo te rikrap man ap lende.
48
Me hadau tire laba pre, oun kamau len o djiyestar, oun moukau len an miro shero trouyel te djal.
49
Ma biste tiro lab, hoy dal tou man, tiro boudepaskres! Dikau ap tiro lab, te vell yaake har tou les penal.
50
Har mange o djipen phares his, dal tou man nevi zoor. Tiro lab moukas man pre djivell.
51
Ninna te sanenn pre-phourde menshe pral mande, moukom gar tiro drom.
52
Baro Devel, te vell mange an o shero, har lal tou an o phouro tsiro o čačepen an o vast, palle krell kova miro dji pale zorelo.
53
I rholi taprell man, te dikau, har i čilače moukan tiro drom.
54
Kate ap kay phoub, kay me gar khere hom, givau gilya pral tire laba.
55
Rati veh tou mange an o shero, baro Devel, te djap ap tiro drom.
56
Mange hi shoukar te krap kova, hoy tou menge penal.
57
Me penom mange: O baro Devel hi o pralstouno an miro djipen. Pal leskre laba kamau te djivell.
58
Miro tselo djiyeha rodau me tiro kamlepen. Ab mange lačes yaake har tou les penal.
59
Me dau yak, har me miro djipen djivap, oun djau tiro drom yaake har tou les menge sikral.
60
Me tradom man, oun krau sik, hoy tou mandar kameh.
61
I čilače čivan dorya vin troul mande, te perap dren. Me bistrau tiro drom gar.
62
Mashkral an i rat stau me pre, te sharap tout, kay lal tou o čačepen an o vast.
63
Me rikrau man pash kolende, kay djivenn touha oun krenn, hoy tou peneh.
64
Baro Devel, lačo hal i menshenge ap i tseli phoub. Sike mande, hoy tou mandar kameh!
65
Tou hals lačes ap mande, tiro boudepaskro, yaake har tou kova penal.
66
Sike mande te hayvap oun djinap, hoy te krap! Tire laba hi mishto. Kova patsau.
67
Har djom tiro dromestar tele, dal tou man i phagi. Kanna rikrau tiro lab.
68
Tou hal lačo oun kamlo. Sike mande, hoy tou mandar kameh!
69
Kol pre-phourde anan rhorhepen pre ap mande. Miro tselo djiyestar krau me kova, hoy tou menge penal.
70
Kolla menshe pandan pengre djia, te hayvenn le gar tiro lab. Me hom barhtelo, te djap tiro drom.
71
His mishto mange, te dal man i phagi, te shounap ap toute oun krau hoy tou mandar kameh.
72
Tiro drom kamau me boudeder har boud zerya kotya sonakay oun roup.
73
Tire vasta kran man oun rikran man. Kre, te hayvap tire laba!
74
Kolla, kay djivenn touha, venn barhtelo, te dikenn le, har patsau ap tiro lab.
75
Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.
76
Kre miro dji pale zorelo dran tiro lačepen, yaake har tou penal ap mande, tiro boudepaskro.
77
Kre tiro dji mange pre, te djivap! Me hom barhtelo, te djap tiro drom.
78
Kre, te hounte ladjenn pen kol pre-phourde, kay rhorhepen ap mande pre anan. Miro djiyeha rakrau pral kova, hoy tou menge penal, te kras mer.
79
Ah, te rikrens kolla pash mande, kay djivenn touha oun prindjrenn tire laba, hoy menge sikrenn, har te djivas.
80
Mouk miro dji ap tiro drom te ačell, te krap, hoy mandar kameh, yaake te hounte ladjap man gar.
81
Miro dji nashell pal toute: Ab ap miri rig! Me dikau ap toute, te rakress mantsa.
82
Me dikau mange i yaka vin pal kova, hoy tou mange penal. Kaana veh tou, oun khosseh mange i sva tele?
83
Me perom an mande khetne har i molyakro gono, hoy pash i yag čiddo hi. Ninna te hi man bouder kek zoor, bistrau me gar, hoy tou mandar kameh.
84
Har rah, baro Devel, rikreh tout pale, bis te deh kolen i phagi, kay man, tiro boudepaskres, palla lenn.
85
Kol pre-phourde kran rhebya, te perap dren, kolla, kay djan gar ap tiro drom.
86
Tire tsele laba hi o čačepen. Kol pre-phourde lenn man palla oun anenn rhorhepen ap mande pre. Ab ap miri rig!
87
His bouder gar boud, palle marans le man an kava them. Me moukom gar tire laba, hoy menge penenn, hoy te kras mer.
88
Tou hal yaake lačo, de man pale nevi zoor, te rikrap tire laba, hoy sikrenn menge har te djivas.
89
Baro Devel, tiro lab ačella hako tsireske, oun hi zoreles tardo an o bolepen.
90
Tiro čačepen ačell yaake rah har menshe koy hi. Tou kral i phoub oun yoy ačella tardo.
91
Yaake har tou kamal, hi li gomme kava dives tardo. Lauter ap i phoub hounte krell, hoy tou kameh.
92
Te voms gar barhtelo te djap tiro drom, palle meroms, yaake phares his miro djipen.
93
An kek tsiro kamau te bistrap hoy tou menge penal, te kras mer. Dran tire laba rikreh tou man djido.
94
Me hom tiro oun kamau te krap, hoy mange peneh. Doleske ab ap miri rig!
95
I čilače lenn man an i yak, te denn le man moulo. Me dau yak ap tire laba, hoy menge sikrenn, har te djivas mer.
96
Me dikom te ačell či, vitar gar kova, hoy mishto hi. Tiro lab kokres ačella tardo.
97
O djiyestar kamau tiro drom te djal. O tselo dives hi tire laba an miro shero.
98
Tire laba hi hako tsiro miro bravlepen, oun krenn man gosveder har kolen, kay mange čilačepen kamenn.
99
Me rakrau miro djiyeha pral tire laba, hoy menge sikrenn, har te djivas. Doleske hayvau boudeder har mire sikepangre.
100
Me krau, hoy tou menge penal. Doleske hayvau boudeder har i phoure.
101
Hako čilačo dromestar rikrom mire herya pale, te rikrap tiro lab.
102
Me krau pal tire čačepaskre laba. Tou hals miro sikepaskro.
103
Tiro lab hi har i goudlo rhapen mange, ava, goudleder har gvin hi lo.
104
Tiro lab krell man gosevo. Doleske nay dikau gar rhorhene dromma glan i yaka.
105
Tiro lab hi har i momeli, hoy sikrell, kay te djap, ava, i momeli ap miro drom.
106
Me dom man sovel, oun me kamau lat te rikrell: Kamau te djap pal tire čačepaskre laba.
107
Miro dji hi phares doukedo, baro Devel. De man pale nevi zoor yaake har tou mange penal!
108
Baro Devel, dik lačes ap mire laba, kolentsa parkrau man pash toute. Sike mande tire čačepaskre laba.
109
Miro djipen hi hako tsiro gar dour o merepastar. Tiro drom bistrau me gar.
110
I čilače čivan dorya vin, te taprenn le man. Me moukau gar tire laba, hoy menge penenn, hoy te kras mer.
111
Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.
112
Me krau miro dji pre, te krap, hoy tou mandar kameh kanna oun hako tsiro.
113
Me rhoyrau man ap kolende, kolen douy djia hi, tiro drom kamau me o djiyestar.
114
Tou hal kova, pash koleste man khatrau, oun koon peskre vasta pral mande rikrella. Doleske dikau ap tiro lab, hoy tou man dal.
115
Djan pale mandar, t'mer, hoy krenn o čilačepen! Me rikrau ap i laba miro Deblestar.
116
Rike man ap o djipen yaake har dal man tiro lab. Ma mouk man čičeske ap toute te dikell.
117
Hade man pre, te nay taprell man kek, oun me kamau hako tsiro te krell, hoy mandar kameh.
118
Kolen, kay gar krenna, hoy lendar kameh, tradeh tou toutar. Lengro rhorhepen hi čičeske.
119
I čilačen khosseh tou krik kay phoubyatar har čik. Doleske kamau me tire laba, hoy menge sikrenn, har te djivas.
120
Toutar darau yaake, te trissau. Tou deh i phagi kolen, kay shounan gar ap toute.
121
Me krau o čačepen, oun djau o čačo drom. De man gar an o vast kolendar, kay kamenn ap mande pre te djan.
122
Me hom tiro boudepaskro. Rake mange mishto, te nay djan gar i pre-phourde i zoryah ap mande pre.
123
Mire yaka nashenn pal toute: Le man vin dran o čilačepen, yaake har tou penal an tiro čačepen.
124
Ab lačes mange, kay tiro boudepaskro hom, oun sike mange, hoy tou mandar kameh.
125
Tiro boudepaskro hom me. Mouk man tire laba te hayvell, hoy menge sikrenn, har te djivas.
126
Kanna hi o tsiro, kay o baro Devel hounte krell čomone. Yon peran tiro dromestar tele.
127
Me kamau tire laba boudeder har o sonakay, ava, boudeder har o lačeder sonakay.
128
Tire tsele laba, hoy menge penal, hi mange mishto. Kamau či te djinell i rhorheno dromestar.
129
Tire laba, hoy sikrenn menge, har te djivas, kolla sikrenn tiri bari zoor. Doleske rikrau len o djiyestar.
130
Te hayvah tiro lab, palle krell men kova barhtelo, oun ninna kolla, kay či djinenn, venn gosevo.
131
Me krau miro mouy dour pre, oun piyau tiro lab, yaake boud troush hi man pal tire laba.
132
Risse tout pash mande, oun ab mange lačes, yaake har kolenge hal, kay kamenn tout o djiyestar.
133
Mouk te ačap zoreles ap tiro drom, yaake har tou penal, te vell o čilačepen kek ray pral mande!
134
Le man vin dran i vasta kolendar, kay man tikno rikrenn, oun me kamau kova te krell, hoy tou menge penal.
135
Dik lačes ap mande, tiro boudepaskro, oun sike mange, hoy tou mandar kameh!
136
Rovau boud sva pral kolende, kay moukenn tiro drom.
137
Baro Devel, tou hal an o čačepen tardo, oun tire čačepaskre laba hi mishto.
138
Tire laba, hoy sikrenn menge, har te djivas, kolla lauter hi čačo oun mishto.
139
I rholi tapras man oun kamas man pre te rhačrell, har dikom, kay bistran kolla tire laba, kay mange o djipen phares krenna.
140
Tire laba hi lačo oun čačo, oun me, tiro boudepaskro, kamau len miro tselo djiyeha.
141
Ninna te hom gar an-diklo, oun i menshe dikenn tele ap mande, bistrau me či, hoy menge penal, te kras mer.
142
Tiro čačepen ačella hako tsiro, oun tiro drom hi čačo.
143
Ninna te hi miro djipen pharo oun i daar tapras man, hom barhtelo pral tire laba.
144
Tire laba, hoy menge sikrenn, har te djivas, ačenna hako tsiro čačo. Sike mande, har te hayvap len! Palle djivau.
145
O tselo djiyeha dom me gole. Shoun man, mo baro Devel! Me kamau lauter te krell, hoy tou mandar kameh.
146
Ap toute dom me gole. Ab ap miri rig! Me kamau man te rikrap ap tire laba, hoy mende sikrenn, har te djivas.
147
Sik taysarlakro dau me gole ap toute, te vess ap miri rig, oun dau yak, te rakreh ap mande.
148
Ninna an i rat djangrau pre, oun rakrau miro djiyeha pral tire laba.
149
Shoun man, hoy me penau! Baro Devel! Tou hal yaake lačo! De man pale nevi zoor tire čačepaskre labentsa!
150
Kol čilače, kay man palla lenn, hi bouder gar dour mandar. Tiro dromestar hi le dour.
151
Baro Devel, tou hal pash mande. Oun tire tsele laba hi o čačepen.
152
I rah tsiro prindjrau tire laba, hoy menge sikrenn, har te djivas. Tou kral, te ačenn le hako tsireske.
153
Dik, har djoungeles mange djal oun le man vin dran i bibarht! Tiro drom bistrom me gar.
154
Le tou miro koova an tiro vast, oun le man vin dran i čilače vasta! De man pale nevi zoor yaake har tou mange penal!
155
I čilače krenn gar, hoy tou lendar kameh. Doleske čiveh tou len gar an o čačepen.
156
Baro Devel, tou kreh tiro dji dour pre menge. De man pale nevi zoor tire čačepaskre labentsa!
157
Boud hi kolla, kay man palla lenna, oun les mange phares krenna. Me moukau gar tire laba, hoy menge sikrenn, har te djivas.
158
Me nay dikau kol phoukepangren gar glan i yaka, kay rikrenn pen gar ap tire laba.
159
Dik, har me kamau tire laba, hoy menge penenn, hoy te kras mer. Baro Devel, tou hal yaake lačo, de man pale nevi zoor!
160
Tiro tselo lab hi o čačepen. Oun tire tsele čačepaskre laba ačenna hako tsireske.
161
Raya lenn man palla, ninna te krom me lenge či, tire laba kokres hi kolla, kay me darau man lendar.
162
Pral tiro lab hom yaake barhtelo har yek, kay las boud bravlepen.
163
Rhorhepen hi mange djoungelo, oun me nay dikau les gar glan i yaka. Tiro drom kamau me o djiyestar.
164
Yaake har tou o čačepen vi-rakreh, hi kova mishto. Oun me sharau tout koleske efta kope an o dives.
165
I bari barht hi kolen, kay tiro drom kamenna. Yon perenn gar tiro dromestar tele.
166
Baro Devel, dikau ap toute, te čivess man an o čačepen, oun krau, hoy mandar kameh.
167
Miro tselo djiyeha rikrau man ap tire laba, hoy menge sikrenn, har te djivas, oun kamau len boud oun boudeder.
168
Me rikrau tire laba, hoy menge penenn, hoy te kras oun har te djivas; lauter, hoy krau, dikeh tou.
169
Baro Devel, shoun miro ropen! Mouk man tire laba te hayvell, yaake har tou penal!
170
Shoun koy gole miro djiyestar! Le miro djipen vin dran i bibarht yaake har tou mange penal!
171
Tou sikreh mange, hoy mandar kameh. Doleske kamell miro mouy touke te givell.
172
Miri čip kamell tiro lab te givell. Tire tsele laba hi mishto oun čačo.
173
De man tiro vast, hoy hadell man! Me krom miro dji pre, te rikrap tire laba, hoy menge penenn, hoy te kras mer.
174
Baro Devel, miro tselo djiyeha kamau, te čivess man an o čačepen. Me hom barhtelo te djap tiro drom.
175
Mouk man te djivell, te sharap tout, kre man zoreles tire čačepaskre labentsa.
176
Me hom har i bakro, hoy nashedo djas. Rode man, tiro boudepaskres, me bistrom tire laba gar!
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150