bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Proverbs 20
Proverbs 20
Santali Bible (সান্তালী বাইবেল)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.
2
Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.
3
Jhogṛa ar kạphạriạue bạgiyakʼ hoṛ do manote ńama; ar khaṭo bibekan hoṛ do jhogṛakʼ lạgitʼ sapṛaoe tahena.
4
Asketokʼ hoṛ do ṭhik oktere bae siyạkʼa, uni do irokʼ dinreye oḍokokʼa ar cetʼhõ baṅ juṭạuaea.
5
Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.
6
Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?
7
Isor botorae hoṛ do dhoromreye taṛameda; bhạgangeako uniren bõsko do!
8
Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.
9
Okoeye men daṛeakʼa, “Iń do ińakʼ ontoriń khạṭi akada, ar ińakʼ kại khoniń sapha akana?”
10
Baṅ ṭhikakʼ baṭkhara ar sosoṅakʼ noa banarge Probhu Isor doe hirkhạwakʼkana.
11
Gidrạ do acʼakʼ kạmikotegeye oromokʼ kana, uniye kạmikanakʼ do napae ar ṭhikakʼ kana se baṅa.
12
Ańjom lạgitʼ lutur ar ńeńel lạgitʼ mẽtʼ Probhu Isor do noa banargeye sirjạu akada.
13
Jạpitʼ alom dulạṛa, onate am dom reṅgejokʼa; mẽtʼ beṅgedtam, ado bikʼlekam joma.
14
Kirińicʼ doe mena, “Ạḍi maṅgna, ạḍi maṅgna.” Ona tayom uni doe kiriń idiya ar ona kiriń jinisteye gorbokʼa.
15
Sona menakʼa, ar damanakʼ dhiriko hõ aema menakʼa, menkhan okaṭakʼ moca do ạkil reakʼ kathae roṛ ona reakʼ dam do ḍhergea.
16
Ạnạ̃ṛiyicʼ ńutumteye jạmin akan hoṛakʼ kicricʼ hataotaeme, ar bidisiạ hoṛ ńutumteye jạmin akan khan unige bandhok lekate dohoyem.
17
Eṛete ńamakʼ piṭhạ do hoṛ ṭhen heṛemgea, menkhan tayomte mocatae do kakoṛte perejokʼa.
18
Solhakate goṭaeme; ar buj sujkate lạṛhại reakʼ lại saḍeme.
19
Nisṛạukan hoṛ do okoakʼ kathae sodora; onate bạ̃ṛti katha roroṛ hoṛ tulucʼ do alom gatekʼa.
20
Jãhãege acʼ eṅgat se apate sarapae, uniyakʼ diuhe do kaṛaṅ kucạṅ ńutre ĩṛĩjokʼtaea.
21
Okaṭakʼ ạidạri hare phare ńam godokʼ onate mucạtʼre bhor do baṅ ńamokʼa.
22
Alom mena, “Noa behok reakʼ iń hala ruạṛa.” Probhu Isor lạgitʼ koyokʼ horme, uni do ona muhin khone rukhiyạmea.
23
Probhu Isor do baṅ ṭhikakʼ baṭkharae hirkhạwakʼ kana; ar eṛe tulạ do baṅ bhagea.
24
Birbanṭa hoṛakʼ calakʼ reakʼ hor do Probhu Isorgeye ṭhik khan, enḍekhan manwa do acʼakʼ hor cekateye bujhạu daṛeakʼa?
25
Begor hudiste usạrate Probhu Isor lạgitʼ jãhãnakʼ manotakʼ do manwa lạgitʼ jhampa kangea.
26
Tente cetʼleka phosol enokʼ, onkage ạkilan raj do acʼakʼ daṛete bạṛicʼkoe chirchạturkoa.
27
Manwawakʼ jiu do Probhu Isorakʼ diuhe kana; ona do manwa ontor reakʼ jotowakʼe ḍunḍhạua.
28
Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.
29
Koṛakoakʼ daṛe do onkoakʼ ṭhonok kana, ar haṛamkoakʼ saj do akoakʼ pạnḍu upʼge.
30
Dal ghao do bạṛicʼakʼe saphayeda, ar mon reakʼ dal do ontor reakʼ bhitri jaegakoe guricʼ saphayeda.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31