bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Proverbs 30
Proverbs 30
Santali Bible (সান্তালী বাইবেল)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Isorakʼ katha Jake hopon Ạgur ṭhen, hẽ, Ethiyel ar Ukol ṭhen roṛlena. Uni doe menkeda, laṅgayenạń, E Isor laṅgayenạń ariń latwakʼena.
2
Sạrige iń doń manwa kanrehõ ińakʼ bud do janwar leka; manwawakʼ oka bud menakʼ ińakʼ do ona hõ bạnukʼa.
3
Iń do ạkil bạń hameṭ akawana; ar sonot nagraha reaṅ jãhãn ạkil hõ bạnukʼtińa.
4
Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.
5
Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.
6
Uniyakʼ katha sãote eṭakʼ jãhãn katha do alom toṅgeakʼa; arem toṅgeakʼ khan uni do amakʼ doskoe udukʼama, ar am do eṛeyicʼ mentem sạbudokʼa.
7
E Probhu Isor, am ṭhen khon barea jinisiń khojkana; jiwetʼ iń tahenrege ona imạń do alom baṅạńạ.
8
Phạsiạra ar eṛe katha do iń khon pharakme, reṅgecʼ hõ alom hoeocoyińa ar acel pacel dhon hõ alom imạńa jạruṛokʼ bhor baṛe jom ocoyińme.
9
Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.
10
Guti do acʼren kisạ̃ṛ ṭhen alom cugliaea, ar baṅ khan uni doe sarapama arem dusi ocokʼa.
11
Nonkan ḍher hoṛ menakʼkoa okoe akoren apatkoko sarapako ar eṅgatakʼ bhạlại bako khojkan,
12
Arhõ nonkan hoṛ menakʼkoa okoe akoakʼ nońjorreko khạṭige, menkhan akoakʼ mạilạ khon bako saphakʼ kan,
13
onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,
14
Onkoakʼ ḍaṭa do tarwaṛe leka ar jambe do churi leka, jemon onko do dhạrtiren reṅgecʼ orecʼko ar nacarko manwa tala khonko marao daṛeako.
15
Jõkren do barea hoponera menakʼkinạ, unkin do “Den, Den” mentekin hohoyeda. Pea jinis menakʼa one oka do tishõ baṅ tirpit, menkhan ponea do tishõ bako mena, “Inạkʼge,”
16
Sheol, bạńhi maejiu ar jumi, dakʼte onako do tishõ baṅ bikʼa, ar seṅgel, ona do tishõ bae mena, “Inạkʼge,”
17
Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.
18
Pea jinis iń do ạḍi hahaṛań bujhạua, menkhan ponea jinis do baṅgeń bujhạu daṛeakʼa.
19
Cetʼleka pajhạṛ do coṭreye uḍạukʼkan, ar biń do cetʼleka dhiri cetanteye leńokʼ kan, cetʼleka jahaj do jalapurire calakʼkan, cetʼleka juạn kuṛi ṭhen herel hoṛakʼ hor hoyokʼkan.
20
Noakangea laṭghaṭ maejiuakʼ colon do; uni do laṭghaṭ tayom ḍạbrạ saphakateye meneda, “Iń do cetʼ bạṛicʼ hõ bạń kạmi akada.”
21
Dhạrti do pea iạte thar tharokʼkana, menkhan ponea reakʼ do bae sahao daṛeakʼa.
22
Mitʼṭen golam iạte uniye raj lenre, ar mitʼṭen bebuj iạte jomakʼte uniye bilenre,
23
mitʼṭen bebạsutade kuṛi iạte, uniye jãwãelenre, ar mitʼṭen kạ̃ṛmĩ kuṛi iạte, acʼren kisạ̃ṛ era reakʼe ạidạrilere.
24
Ponea menakʼkoa dhạrtire, okoeko huḍińge onko do ạkilteko perecʼgea.
25
Mucʼko do bin daṛean jạtrenko kanako, enhõ niron dinre jomakʼko jogaṛ joṅkana;
26
Saphon kulại hõ bin daṛean jạtrenko kanako, enhõ huṭupʼ dhirire onko doko oṛakʼjoṅ kana.
27
Pohokoren raj do bạnuiya, enhõ onko do sạr sạrteko laha calakʼa;
28
Cerceṭecʼ do titem sapʼ daṛeaea, enhõ uni do rajakʼ oṛakʼreye tahenkana.
29
Pea menakʼkoa okoe do ṭhonokante jaṅgako lahayetʼ, menkhan ponea do ṭhonokanteko taṛameda.
30
Dhạcri kul do janwarko modre daṛeanicʼ janwar kanae uni do cele janwarko samaṅ khon hõ bae dạṛ pharakokʼa;
31
Kheńcerokʼkan sim sạnḍi, ar merom boda, ar acʼren porja laha lahateye calakʼkan raj.
32
Amte usulokʼte bebujakʼem kạmi akatʼ khan, se eṭakʼko upạrte bạṛicʼakʼem pontha akatʼ khan, enḍekhan tite moca bedtam.
33
Toam urudlere cetʼleka gotom oḍokokʼ, ar mũm mocṛaolere cetʼleka mãyãm oḍokokʼ, onkage raṅgaoem khocao lekhan jhogṛa do hoyokʼgea.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31