bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Song of Solomon 1
Song of Solomon 1
Santali Bible (সান্তালী বাইবেল)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 2 →
1
Noa do jotoko khon mońj utạrakʼ sereń kana. Noa do Solomonakʼ sereń kana.
2
Cokʼạńme amakʼ moca reakʼ cokʼte, ente amakʼ dulạṛ do darkha rasa khon hõ sorosgea.
3
Amakʼ sunum reakʼ mońj so doe rạskạ ocoyediń kana; dul akatʼ mońj so sunum lekage amakʼ ńutumtam do. Onatege am do kuṛikoko dulạṛetʼmea.
4
Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.
5
E Jerusalemren kuṛiko, kedar reakʼ tạmbuko lekań hendege rehõ Solomonakʼ tạmbu orwalko lekań cehragea.
6
Ińiń hendegete nonka do alope koyokʼạńạ, ente siń candogeye jharkao akadińạ. Ińren boehako do ińreko edre akante darkha bagwan horhoyicʼ menteko dohokadińa, onate ińakʼ darkha bagwan do bạń joton akada.
7
E ińren dulạṛiạtiń, mase lạiyạńme, amren pal bhiḍiko do okarem gupikoa? Ar tikin jokhecʼ do okarem aḍakoa? Am sãoten gupikoren pal bhiḍiko ṭhen cedakʼ kusumbiko leka doń ṭuṭuri calakʼa;
8
E maejiukoren mońj utạricʼ, am do ona bam baḍae khan palren bhiḍikoakʼ pańja ńel ńelte hijukʼme ar gupikoakʼ tạmbu aṛete amren merom hoponko gupikotam.
9
E ińren dulạṛiạtiń Pharaoakʼ rãt gạḍiren ghuṛi tulucʼ iń do amiń juriyetʼmea.
10
Cemkecʼ getama amakʼ johakin ar galaṅ upʼtam ar amakʼ hoṭokʼre mạnik mala do mońjge ńelokʼkana.
11
Sona gunsikole galaṅama rupạ reakʼ ṭikliko salakʼ.
12
Raj do acʼakʼ ṭenḍar mạcire tinreye ṭenḍar akan tahẽkana unre ińakʼ jaṭamạnsi sunum do mahkao oḍokena.
13
Dulạṛiạtiń do gondhoroste perecʼ thạilạkʼ lekatiń one ińakʼ bạskin talare dohoakan.
14
Dulạṛiạtiń do mehndi baha thopa leka kantińae Engedi reakʼ darkha bagwan talare.
15
E dulạṛiạtiń, am dom mońjgea! Ńelme am do ạḍim cehragea. Amakʼ mẽtʼkin do potam mẽtʼkin leka.
16
E dulạṛiạtiń, ńelme am dom mońjgea! Hẽ, ạḍitetʼgem napaegea. Alaṅakʼ aṭetʼ do hạriạṛ sakamte benao akana.
17
Alaṅakʼ oṛakʼ reakʼ koaliko do Debdạru dareko kana ar saro dare do alaṅakʼ oṛakʼ reakʼ koṭha kana.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 2 →
All chapters:
1
2
3
4
5
6
7
8