Song of Solomon 6

Santali Bible (সান্তালী বাইবেল)

← Chapter 5 Jump to: Chapter 7 →

1Maejiuko modren E napae utạricʼ, dulạṛiạtam do okateye senakana? Uni do oka secʼe ạcur sen akana? Ma lạiyaleme, ale hõ jemonle sendra goṛowam.

2Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

3Iń do dulạṛiạtińren ar uni hõ ińrenge, uni do sikiyạm baha bagwan talareye gukʼpikana.

4E dulạṛiạtiń, am do Tirsa nagraha lekam mońjgea, Jerusalem lekam ṭhosokgea; nisạnkoante phạdko leka ṭhonokanicʼge.

5Amakʼ mẽtʼkin do iń khon sahaṛtam; ente ona dokin khadbadao ocoyedeń kana Amakʼ upʼ do Gilead buru khon pheḍ hijukʼkan merom palko lekage.

6Amakʼ ḍaṭako do kạpci akatʼko bhiḍi palrenko leka; one onko ạrupʼko khonko rakapʼ hijukʼkan. Onko mimitʼkoren do joṛa menakʼkoa, ar okoeṭakʼge bako atʼ akana.

7Amakʼ ṭuṭuri kicricʼ danaṅre amakʼ joha do dạlim jo kecakʼ leka.

8Turuigel rạni ar irạl gel chuṭki erako ar alekha kuṛikoko tahẽdaṛeakʼa,

9menkhan potamtiń, nichorayicʼtin leka do okoege bạnukʼkoa. Uni do eṅgattetʼren sadhericʼge, one lacʼreye doholede acʼren dulạṛ hoponera. Juạn kuṛiko do uni ńelkate bhạganko metadea rạni ar chuṭki erako hõ uniko sarhaokedea.

10Onkoko menkeda, “Okoe kanae uni do, one aṅga marsalokʼ leka pĩṛĩtʼ pĩṛĩtʼe rakapʼ hijukʼkan, ńindạ cando leka mońj, ar siń cando leka jhak jhak, nisạnkoante phạdko leka ṭhonokicʼge?”

11Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

12Ar jãhãnakʼ ạuriń bujhạurege ińakʼ jiwi do ińren rajakʼ rãt gạḍiko reakʼ mitʼṭecʼreye duṛupʼkedińa.

13Ruạṛme, dela ruạṛme, E Sulemit; ale do jemon amle ńelme ona iạte ruạṛme, dela ruạṛ hijukʼme. Ape do Mohenoyimakʼ enecʼ ńel leka, cedakʼ Sulemit ńele dope khojkana?

← Chapter 5 Jump to: Chapter 7 →