Ezra 1

Shan NCL

Jump to: Chapter 2 →

1ၼႂ်းပီဢၼ် သႆးရတ်ႉ၊ လႆႈပဵၼ်ၸဝ်ႈမုၼ်ယႂ်ႇၶုၼ်ႁေႃၶမ်းမိူင်း ပႃးသျႃး၊ ၼႂ်းပီတီႈၼိုင်ႈၼၼ်ႉ၊လွင်ႈၼင်ႇႁိုဝ်ၼုၵ်ႈၵပၢတ်ႈၸဝ်ႈ ထႃႇဝရႃႉၽြႃး၊ ဢၼ်ပရေႃးၽႅတ်ႈ ယေႇရမိ၊ ႁေႃးလၢတ်ႈဝႆႉၼၼ်ႉတၵ်းပျေႉၸုမ်ႇၸိုင်၊ ထႃႇဝရႃႉၽြႃး၊ တိုၵ်းယူင်းၸူဝ်းဢဝ်ႁူဝ်ၸႂ် သႆးရတ်ႉ၊ ၶုၼ်ႁေႃၶမ်းမိူင်း ပႃးသျႃး၊ ႁႂ်ႈပူင်ဢမိင်ႉပၢဝ်ႇသေႃႇၵႃႈၼႂ်းသိုင်ႇၸိုင်ႈဝၢၼ်ႈမိူင်းမၼ်းၸဝ်ႈလႄႈႁႂ်ႈတႅမ်ႈပဵၼ်လိၵ်ႈလၢႆးလႄႈဝႃႈ၊-

2“ သႆးရတ်ႉ၊ ၶုၼ်ႁေႃၶမ်းမိူင်း ပႃးသျႃး၊ မီးဢမိင်ႉလႄႈဝႃႈၸမ်ႉ၊ ထႃႇဝရႃႉၽြႃး၊ ၽြႃးပဵၼ်ၸဝ်ႈၽုင်ႇၵၢင်ႁၢဝ်ၼၼ်ႉဢဝ်သိုင်ႇၸိုင်ႈဝၢၼ်ႈမိူင်းၵႃႈဢၼ်မီးၵႃႈၼိူဝ်လိၼ်မိူင်းၼႆႉပၼ်တီႈၵဝ်လႄႈသင်ႇလၢတ်ႈဝႆႉလွင်ႈဢၼ်ၵဝ်တၵ်းလႆႈတႄႇႁဵတ်းႁိူၼ်းၸဝ်ႈပုၼ်ႈမၼ်းၸဝ်ႈၵႃႈၼႂ်းဝဵင်း ယေႇရုသလႅမ်ႇ၊ မိူင်း ယုတႃႉ၊ ၼၼ်ႉယဝ်ႉ။-

3ၵူၼ်းၽြႃးပဵၼ်ၸဝ်ႈဢၼ်မီးယူႇၵႃႈၼႂ်းသူၼႆႉႁႂ်ႈၽြႃးပဵၼ်ၸဝ်ႈၶဝ်မီးယူႇလူၺ်ႈၵၼ်တင်းၶဝ်သေၵမ်းလူၺ်ႈ။ ႁႂ်ႈၶဝ်ၵႂႃႇၵႃႈတီႈဝဵင်း ယေႇရုသလႅမ်ႇ၊ မိူင်း ယုတႃႉ၊ လႄႈတႄႇႁဵတ်းႁိူၼ်း ထႃႇဝရႃႉၽြႃး၊ ၽြႃးပဵၼ်ၸဝ်ႈမဵဝ်း ဢိသရေး၊ သေၵမ်း။ ၽြႃးဢၼ်မီးယူႇၵႃႈတီႈဝဵင်း ယေႇရုသလႅမ်ႇ၊ ၼၼ်ႉပဵၼ်ၽြႃးပဵၼ်ၸဝ်ႈဢေႃႈ။-

4ၵေႃႉလႂ်သေဢမ်ႇဝႃႈ၊ၵေႃႉဢၼ်ၵိုတ်းၵျၢၼ်ႇဝႆႉသေတီႈသေလႅၼ်တီႈဢၼ်မၼ်းသွၼ်ႈပိုင်ႈယူႇၼၼ်ႉၸမ်ႉ၊ႁႂ်ႈၵူၼ်းၸိူဝ်းဢၼ်ယူႇႁိမ်းႁွမ်းၶဝ်ၼၼ်ႉၸွႆႈထႅမ်ၶဝ်ၸႃႉၸဵမ်ဢုၵ်ႉၸႃႇငိုၼ်းၶမ်းလႄႈသတ်းတရိၵ်ႈသၢၼ်ႇ၊ၼွၵ်ႈသေၼၼ်ႉတၢင်းလူႇတၢင်းတၢၼ်းဢၼ်မီးၸႂ်ၸေႇတၼႃႇသေလႄႈလူႇတၢၼ်းပုၼ်ႈႁိူၼ်းၽြႃးပဵၼ်ၸဝ်ႈၵႃႈတီႈဝဵင်း ယေႇရုသလႅမ်ႇ၊ ၼၼ်ႉသေၵမ်း၊” ဝႃႈၼင်ႇၼႆဢေႃႈ။

5မိူဝ်ႈၼၼ်ႉၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းၸိူဝ်ႉၶိူဝ်း ယုတႃႉ၊ တင်းၸိူဝ်ႉၶိူဝ်း ပိၼ်ႇယႃႇမိၼ်ႇ၊ ယဵၸ်ႈပရေႃးႁဵၵ်ႈတင်းၵူၼ်းမဵဝ်း လေႇဝိ၊ တင်းလၢႆဢၼ်ဝႃႈ၊ၶဝ်ၵႃႈဢၼ်ၽြႃးပဵၼ်ၸဝ်ႈတိုၵ်းယူင်းၸူဝ်းဢဝ်ၸိူဝ်းၼၼ်ႉဢွၼ်ၵၼ်လုၵ်ႉႁႂ်ႈလႆႈၵႂႃႇလႄႈၶိုၼ်းတႄႇႁဵတ်းႁိူၼ်း ထႃႇဝရႃႉၽြႃး၊ ဢၼ်မီးၵႃႈတီႈဝဵင်း ယေႇရုသလႅမ်ႇ၊ ၼၼ်ႉဢေႃႈ။-

6ၵူၼ်းႁိူၼ်းၸမ်ၵၼ်တင်းၶဝ်ၵႃႈမီးၼၼ်ႉ၊ၼွၵ်ႈသေတၢင်းလူႇတၢင်းတၢၼ်းဢၼ်မီးၸႂ်ၸေႇတၼႃႇသေလႄႈလူႇတၢၼ်းၼၼ်ႉဢွၼ်ၵၼ်ဢဝ်တင်းၶိူင်ႈငိုၼ်း၊ၶိူင်ႈၶမ်း၊ဢုၵ်ႉၸႃႇသတ်းတရိၵ်ႈသၢၼ်ႇတင်းၶိူင်ႈပိူင်ဢၼ်ထိူၵ်ႈၵႃႈထိူၵ်ႈၶၼ်တင်းလၢႆၸွႆႈထႅမ်မႃႉၸႃႉၶဝ်ဢေႃႈ။

7လိူဝ်သေၼၼ်ႉၶုၼ်လူင် သႆးရတ်ႉ၊ ဢဝ်ဢွၵ်ႇၶိူင်ႈပိူင်ၵျွင်းပိၵ်ႈမၢၼ်ႇ ထႃႇဝရႃႉၽြႃး၊ ဢၼ် ၼေႇပုၶတ်ႉၼေႇၸႃႇ၊ သိမ်းဢဝ်ဢွၵ်ႇသေၵႃႈတီႈဝဵင်း ယေႇရုသလႅမ်ႇ၊ ၵႂႃႇလႄႈသႂၢင်းသႂ်ႇဝႆႉၵႃႈၼႂ်းၵျွင်းပိၵ်ႈမၢၼ်ႇၽြႃးမၼ်းၸိူဝ်းၼၼ်ႉလႄႈ၊-

8သႆးရတ်ႉ၊ ၶုၼ်ႁေႃၶမ်းမိူင်း ပႃးသျႃး၊ ၼၼ်ႉပူင်ဢမိင်ႉႁႂ်ႈ မိသရေႇတတ်ႉ၊ ၵေႃႉဢၼ်ပႂ်ႉတိူၵ်ႈၶမ်းၸဝ်ႈၼၼ်ႉဢဝ်ၶိူင်ႈပိူင်ၸိူဝ်းၼၼ်ႉဢွၵ်ႇလႄႈၼပ်ႉဢၢၼ်ႇသေလႄႈဢၢပ်ႈပၼ်တီႈ သေႇသပႃႇၸႃႇ၊ ၶုၼ်ဢၼ်ဢုပ်ႉပိူင်ႇမိူင်း ယုတႃႉ၊ ၼၼ်ႉဢေႃႈ။-

9ၸရၢင်းၶိူင်ႈပိူင်ၸိူဝ်းၼၼ်ႉၸမ်ႉ၊ ၵွၵ်းၶမ်းပုၼ်ႈဢၼ်ႁဵတ်းတၢင်းလူႇ သၢမ်သိပ်းလုၵ်ႈ၊ ၵွၵ်းငိုၼ်းပုၼ်ႈဢၼ်ႁဵတ်းတၢင်းလူႇ ႁဵင်ၼိုင်ႈ၊ လၢပ်ႇ သၢဝ်းၵဝ်ႈမၢၵ်ႈ၊ ၵွၵ်းၶမ်းဢၼ်လဵၵ်ႉ သၢမ်သိပ်းလုၵ်ႈ၊ ၵွၵ်းငိုၼ်းဢၼ်လဵၵ်ႉ သီႇပၢၵ်ႇပၢႆသိပ်းလုၵ်ႈ၊ ၶိူင်ႈပိူင်တၢင်ႇၸိူဝ်ႉတၢင်ႇဢၼ် ႁဵင်ၼိုင်ႈ၊

11ၶိူင်ႈပိူင်ဢၼ်ဢဝ်ၶမ်းႁဵတ်းတင်းၶိူင်ႈပိူင်ဢၼ်ဢဝ်ငိုၼ်းႁဵတ်းတင်းမူတ်းပွင်းၵၼ်ၼပ်ႉဢၢၼ်ႇလႆႈႁႃႈႁဵင်သီႇပၢၵ်ႇဢၼ်ဢေႃႈ။ ၶိူင်ႈပိူင်တင်းသဵင်ႈတင်းလူင်ၼႆႉၸမ်ႉ၊ သေႇသပႃႇၸႃႇ၊ ဢဝ်ၶိုၼ်းမိူဝ်းၵႂႃႇမိူဝ်ႈဢၼ်မၼ်းဢွၼ်ႁူဝ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ပိူၼ်ႈတိဢဝ်သိမ်းဢဝ်ၵႂႃႇလႄႈတူၵ်းၵႅၼ်းယူႇၵႃႈၼႂ်းဝဵင်း ပႃႇပုလုၼ်ႇ၊ ၼၼ်ႉၶိုၼ်းၸူးၵႃႈတီႈဝဵင်း ယေႇရုသလႅမ်ႇ၊ ၼၼ်ႉဢေႃႈ။

Jump to: Chapter 2 →