1 Thessalonians 1

Shan

Jump to: Chapter 2 →

1ပေႃးလူႉ၊ သီႉလႂႃႇၼူႉ၊ တီႉမေႃးသေႇ ၸိူဝ်းၼႆႉပၼ်ငိၼ်းၵႂႃႇတီႈ ၸိူဝ်းၸဝ်ႈၵူၼ်းဝဵင်း ထိတ်ႉသႃႇလေႃးၼိၵ်ႈ တင်းလၢႆ ဢၼ်တႄႇယူႇၼႂ်းၽြႃးပေႃႈၸဝ်ႈ တင်းၸဝ်ႈ ယေႇသူႉၶရိၸ်ႈ ၶႃႈဢေႃႈ။ ႁႂ်ႈသူႉၵျေးၸူးဢိၵ်ႇတင်းတၢင်းၼိမ် ဢၼ်ပဵၼ်မႃးၵႃႈတီႈၸဝ်ႈပေႃႈႁဝ်းၽြႃးပဵၼ်ၸဝ်ႈ တင်းၸဝ်ႈ ယေႇသူႉၶရိၸ်ႈ ၼၼ်ႉ မီးၼိူဝ်သူသေၵမ်းလူၺ်ႈ။

2ႁဝ်းၶုၵ်းၸႂ်လႆႈၶႆႈၸႂ်ထူပ်း တၢင်းဢၼ်သူမီးတၢင်းၸႂ်ဢၼ်ယုမ်ႇမၢတ်ႈလႄႈ

3ၵမ်ၵျၢင်ႉ တၢင်းၵမ်တၢင်းၵျၢင်ႉ တၢင်းဢၼ်မီးတင်းၸႂ်ဢၼ်ႁၵ်ႉလႄႈ ဢဝ်ႁႅင်းၵျူဝ်းၸႃးႁဵတ်း၊-

4တၢင်းဢၼ်မီးတင်းၸႂ်ဢၼ်မုင်ႈထႃႈမွင်းထႃႈၸဝ်ႈႁဝ်း ယေႇသူႉၶရိၸ်ႈ လႄႈ မၼ်ႈၶိူင်ႇယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈ ဢၼ်ဝႃႈပေႃႈႁဝ်းၼၼ်ႉယူႇတႃႇသေႇဢမ်ႇထၢတ်ႇယူႇ၊ ပီႈၼွင်ႉဢၼ်ၽြႃးပဵၼ်ၸဝ်ႈႁၵ်ႉၶဝ်ဢိူၺ်း၊ ႁူႉတၢင်းဢၼ်မၼ်းၸဝ်ႈလိူၵ်ႈၵဵပ်းဢဝ် ဢၼ်သူလႆႈၶၢမ်ႇၼၼ်ႉယူႇသေလႄႈ ဢဝ်လွင်ႈသူ တင်းသဵင်ႈတင်းလူင် ယွင်ႈယေႃးၵျေးၸူးၽြႃးပဵၼ်ၸဝ်ႈ ၵူႈၶိင်ႇၵူႈၶႃႇယူႇ၊ ႁဵတ်းသူးတွင်းပထၼႃႇပုၼ်ႈသူယူႇဢေႃႈ။-

5တြႃးသတၢင်းသိူဝ်းပျေႃႇဢၼ်ႁဝ်းႁေႃးလၢတ်ႈၼႆႉ ပဵၼ်ၵႂၢမ်းသၢၵ်ႈသေႇၵူၺ်းၵူၺ်းတီႈသူဢမ်ႇၸႂ်ႈ။ ပဵၼ်တြႃးဢၼ်ပျေႉၸုမ်ႇဝႆႉတင်း တၼ်းၶူဝ်း တင်းဝီႉၺိၺ်ႇဢၼ်မူတ်းၸၢင်ႇၸဝ်ႈ တင်းတၢင်းဢၼ်ယင်း ဢမ်ႇမီးတၢင်းဢၼ်ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈလႄႈ ႁူႉဢမၢၼ်ႇၶၼ်ပဵၼ်ၼၼ်ႉ မႅၼ်ႈၵႃႈၼင်ႇဢၼ်သူႁူႉလွင်ႈ ဢၼ်ႁဝ်းပဵၼ်ၵူၼ်းၸိူဝ်ႉၼင်ႇႁိုဝ် ပုၼ်ႈသူၼႂ်းမိူဝ်ႈဢၼ်ႁဝ်းမီးယူႇလူၺ်ႈၵၼ်တင်းသူၼၼ်ႉဢေႃႈ။

6ပိၵ်ႉသမ်ႉသူလႆႈၶၢမ်ႇတၢင်းၽၢၼ်ဢၼ်ယႂ်ႇၼႃႇသေၵေႃႈ၊ သူမီးတၢင်းၸႂ်ဢၼ်သိူဝ်းပျေႃႇ ဢၼ်ၸၢပ်ႈသႅင်ႇၵၼ်တင်း ဝီႉၺိၺ်ႇ ဢၼ်မူတ်းၸၢင်ႇၸဝ်ႈ ၶၢမ်ႇဢဝ်ၼုၵ်ႈၵပၢတ်ႈတြႃးၸဝ်ႈလႄႈ ပဵၼ်ၵူၼ်းၸိူဝ်ႉၼင်ႇႁဝ်း ဢိၵ်ႇတင်းၵူၼ်းၸိူဝ်ႉၼင်ႇၸဝ်ႈၽြႃးၼၼ်ႉဢေႃႈ။-

7ပိူဝ်ႈဢၼ်ပဵၼ်ၸိူဝ်ႉၼင်ႇၼႆလႄႈ သူပဵၼ်ၵေႃႉဢၼ်ပၼ်ပုင်ႇသၢၵ်ႈသေႇ ၵႃႈတီႈၶဝ်ၸိူဝ်းဢၼ်ယုမ်ႇမၢတ်ႈၵႃႈၼႂ်းမိူင်း မႃႇၵေႇတေႃးၼီႉ တင်းမိူင်း ဢၶႃႇယႃႉ တင်းသဵင်ႈတင်းလူင်ၼၼ်ႉဢေႃႈ။-

8ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ သဵင်ဢၼ်လၢတ်ႈၼုၵ်ႈၵပၢတ်ႈတြႃးၸဝ်ႈၽြႃးဢွၵ်ႇသေၵႃႈတီႈသူၼၼ်ႉ ၸွတ်ႇသႃႈႁူင်ႁၢင်း ၵႃႈၼႂ်းမိူင်း မႃႇၵေႇတေႃးၼီႉ တင်းမိူင်း ဢၶႃႇယႃႉ ၸိူဝ်းၼၼ်ႉၵူၺ်းဢမ်ႇၵႃး၊ သတၢင်းသဵင်ၶၢဝ်ႇ၊တၢင်းဢၼ်သူယုမ်ႇမၢတ်ႈၽြႃးပဵၼ်ၸဝ်ႈၼၼ်ႉ ၸွတ်ႇတူဝ်ႈၵႂႃႇၵူႈတီႈၵူႈလႅၼ်ဢေႃႈ။ ၵွပ်ႈႁွႆးၼႆႉလႄႈ၊ လွင်ႈဢၼ်ႁဝ်းတၵ်းလႆႈလၢတ်ႈ ဢမ်ႇမီးသေၸိူဝ်ႉသေပိူင်။-

9တူဝ်ၶဝ်ၼၼ်ႉမွၵ်ႇလၢတ်ႈလွင်ႈ ဢၼ်ႁဝ်းၶဝ်ႈၵႃႈတီႈၼႂ်းသူ ၸိူဝ်ႉၼင်ႇႁိုဝ်ၼၼ်ႉ ဢိၵ်ႇတင်းလွင်ႈဢၼ်သူ ပႄႇပႅတ်ႈရုၵ်ႈထူႉႁၢင်ႈတွင်ႈႁၢင်ႈတႅမ်ႈတင်းလၢႆသေလႄႈ ၶၢႆႉတီႈမႃးၸူးၵႃႈတီႈၽၢႆႇၽြႃးပဵၼ်ၸဝ်ႈ ႁႂ်ႈလႆႈပွင်ႁဵတ်းဢမူႉၽြႃးပဵၼ်ၸဝ်ႈ ဢၼ်ပျေႉၸုမ်ႇတင်းဢသၢၵ်ႈလႄႈပဵၼ်ဢၼ်မၢၼ်ႇဢၼ်မႅၼ်ႈ၊-

10ဢိၵ်ႇတင်းႁႂ်ႈလႆႈပႂ်ႉထႃႈလွင်ႈတၢင်းဢၼ်လုၵ်ႈၸဝ်ႈ ဢၼ်ၽြႃးပဵၼ်ၸဝ်ႈႁႂ်ႈ လုၵ်ႉၵႃႈတၢင်းတၢႆၶိုၼ်းလိပ်း ဢၼ်ဝႃႈ ယေႇသူႉ ဢၼ်ၵႄႇၶျွတ်ႈဢဝ်ႁဝ်း ၵႃႈၼႂ်းၽေးတၢမ်ႇဢၼ်တၵ်းႁွတ်ႈမႃးၼၼ်ႉ တၵ်းလုၵ်ႉသေၵႃႈၼိူဝ်ၵၢင်ႁၢဝ်လူင်းမႃးၼၼ်ႉယူႇဢေႃႈ။

Jump to: Chapter 2 →