Jonah 4

Shan

← Chapter 3 Jump to:

1ယူဝ်းၼႃႉ ၼၼ်ႉ ၸႂ်သဝ်ႈၸႂ်လမ် ၼႃႇလူင်လၢင်လႄႈ တၢင်းၸႂ်မႆႈၶႆႈၸႃႉ ဢွၵ်ႇသေလႄႈ၊ မၼ်းလဝ်ႊယွၼ်းတီႈထႃႇဝရႃႉၽြႃးလႄႈဝႃႈ၊ ထႃႇဝရႃႉၽြႃးတီႈၶႃႈ၊ ၶႃႈၸဝ်ႈတွင်းပၢၼ်ႇတီႈၶႃႈဢေႃႈ။ မိူဝ်ႈဢၼ်ၶႃႈၸဝ်ႈ ယင်းမီးယူႇၵႃႈၼႂ်းမိူင်းၶႃႈၸဝ်ႈ ၼၼ်ႉၸိုင်၊ ၶႃႈၸဝ်ႈလၢတ်ႈဝႃႈ ၸိူဝ်ႉၼင်ႇၼႆယဝ်ႉ ဢမ်ႇၸႂ်ႈတီႈၶႃႈႁိုဝ်။ ပိူဝ်ႈၼႆလႄႈ ၶႃႈၸဝ်ႈႁိပ်ႈၼႅတ်ႈ ဢွၵ်ႇပၢႆႈၵႂႃႇၸူး ၵႃႈတီႈဝဵင်း တႃႇသူႉ ပုၼ်ႉတီႈၶႃႈဢေႃႈ။-

2ၶႃႈၸဝ်ႈႁူႉ လွင်ႈဢၼ်ၸဝ်ႈႁဝ်း ပဵၼ်ၽြႃးဢၼ်ၸၢင်ႈ ဢဵတ်းလူႁၵ်ႉပႅင်းလႄႈ မီးၸႂ်ဢၼ်ယႂ်ႇဢၼ်ယၢဝ်း၊ ၸႂ်ဢၼ်ၶႂ်ႈႁဵတ်းၵျေးၸူး ၸႂ်ဢၼ်ၶုၵ်းၸႂ်လႆႈမႆႈၸႂ်လူၺ်ႈတၢင်းဢၼ် တၵ်းပၼ်ၽေးပၼ်တၢမ်ႇၼၼ်ႉ ယူႇတီႈၶႃႈဢေႃႈ။-

3ၵွပ်ႈပိူဝ်ႈဢၼ်ပဵၼ်ၼင်ႇၼႆလႄႈ၊ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈထွတ်ႇထူၺ်ႈဢဝ် ဢသၢၵ်ႈၶႃႈၸဝ်ႈသေၵမ်းတီႈၶႃႈ၊ တၢင်းဢၼ်ၶႃႈၸဝ်ႈတၢႆၼၼ်ႉ ယဵင်ႈၶႅၼ်းလီၼႃႇသေ တၢင်းဢၼ်ၶႃႈ ၸဝ်ႈဢသၢၵ်ႈလိပ်းယူႇၼႆႉတီႈၶႃႈဢေႃႈ၊ ဝႃႈၼင်ႇၼႆဢေႃႈ။-

4ထႃႇဝရႃႉၽြႃးၵေႃႈ တွင်ႈထၢမ်လႄႈဝႃႈ၊ မႂ်းထုၵ်ႇလီၸႂ်မႆႈၶႆႈၸႃႉၼႃႇလူင်လၢင်ႁိုဝ်။ ဝႃႈၼင်ႇၼႆဢေႃႈ။-

5ယူဝ်းၼႃႉ ၼၼ်ႉ ဢွၵ်ႇၵႂႃႇၵႃႈၼွၵ်ႈဝဵင်းလႄႈ ၶျႃးတီႈယူႇမၼ်းယူႇ ၵႃႈတီႈၽၢႆႇဝၼ်းဢွၵ်ႇဝဵင်း သေလႄႈ ႁဵတ်းသုမ်ႉထဵင်ပုၼ်ႈမၼ်းလႄႈ ၼင်ႈယူႇၵႃႈၼႂ်းႁူမ်ႈၼၼ်ႉယူႇ ႁႂ်ႈလႆႈႁူႉႁၼ်လွင်ႈဢၼ် တၵ်းပဵၼ်ၸိူဝ်ႉၼင်ႇႁိုဝ် ၵႃႈတီႈဝဵင်းၼၼ်ႉဢေႃႈ။-

6ထႃႇဝရႃႉၽြႃး ၽြႃးပဵၼ်ၸဝ်ႈၵေႃႈ ပွင်ႁဵတ်းပွင်မႄးတူၼ်ႈၵုင်ႈလႄႈ ႁႂ်ႈမၼ်းပေႃႇဢွၵ်ႇၶိုၼ်ႈမႃးၵႃႈၼိူဝ် ယူဝ်းၼႃႉ ႁႂ်ႈမုင်းႁူမ်ႇႁူဝ်မၼ်းဝႆႉလႄႈ ၵႄႇသႄႇၼုၵ်ႈဢဝ်မၼ်း ၵႃႈၼႂ်းတၢင်းဢၼ်ၸႂ်မၼ်းဢမ်ႇသႃႇဢမ်ႇလီ ၼၼ်ႉဢေႃႈ။ ၵွပ်ႈပိူဝ်ႈတူၼ်ႈၵုင်ႈၼၼ်ႉလႄႈ ယူဝ်းၼႃႉ ထုၵ်ႇၸႂ်ၸူမ်းသိူဝ်း ၼႃႇလူင်လၢင်ဢေႃႈ။-

7ဝၼ်းမိူဝ်ႈၽုၵ်ႈ မိူဝ်ႈဢၼ် မိူင်းလႅင်းမႃးၼၼ်ႉၸိုင်၊ မူင်ႈဢၼ် ၽြႃးပဵၼ်ၸဝ်ႈၶၢၼ်းဝႆႉၼၼ်ႉ ၶူပ်းတူၼ်ႈၵုင်ႈၼၼ်ႉလႄႈ ႁႂ်ႈႁဵဝ်ႇၸွပ်ႈၵႂႃႇဢေႃႈ။-

8မိူဝ်ႈဢၼ်ၵၢင်ဝၼ်းဢွၵ်ႇမႃးၼၼ်ႉၸိုင်၊ ၽြႃးပဵၼ်ၸဝ်ႈ ပွင်ႁဵတ်းပွင်မႄး လူမ်းတၢင်းဢွၵ်ႇ ဢၼ်မႆႈႁွၼ်ႉၼႃႇလူင်လၢင်ၼၼ်ႉလႄႈ လႅတ်ႇထွင်ႇသႂ်ႇၵွၵ်းႁူဝ် ယူဝ်းၼႃႉ ႁႂ်ႈမၼ်းထၼ်ႈ ပေႃးဢူၼ်ႈပေႃးဢွၼ်ႇလႄႈ မီးၸႂ်ဢၼ်ၶႂ်ႈတၢႆယူႇသေလႄႈ ပွင်ႉၶၢင်းလႄႈဝႃႈ၊ တၢင်းဢၼ်ၵဝ်တၢႆၼၼ်ႉ ယဵင်ႈၶႅၼ်းလီၼႃႇသေ တၢင်းဢၼ်ၵဝ်ဢသၢၵ်ႈလိပ်းၼႆႉဢေႃႈ၊ ဝႃႈၼင်ႇၼႆဢေႃႈ။-

9ၽြႃးပဵၼ်ၸဝ်ႈၵေႃႈ တွင်ႈထၢမ်တီႈ ယူဝ်းၼႃႉ လႄႈဝႃႈ၊ မႂ်းထုၵ်ႇလီၸႂ်မႆႈၶႆႈၸႃႉ ၵွပ်ႈပိူဝ်ႈတူၼ်ႈၵုင်ႈ ၼၼ်ႉ ၼႃႇလူင်လၢင်ႁိုဝ်။ ဝႃႈၼင်ႇၼႆသေယဝ်ႉ၊ မၼ်းၼၼ်ႉ လဝ်ႊလၢတ်ႈလႄႈဝႃႈ၊ ၶႃႈၸဝ်ႈထုၵ်ႇလီၸႂ်မႆႈၶႆႈၸႃႉ တေႃႇထိုင်ႁွတ်ႈထၼ်ႈပေႃး တၵ်းတၢႆတီႈၶႃႈယဝ်ႉ၊ ဝႃႈၼင်ႇၼႆဢေႃႈ။-

10ထႃႇဝရႃႉၽြႃးၵေႃႈလၢတ်ႈလႄႈဝႃႈ၊ မႂ်းမီးတၢင်းဢၼ်သေလၢႆတူၼ်ႈၵုင်ႈ ဢၼ်မႂ်းဢမ်ႇႁဵတ်း ယၢပ်ႇၸႂ်ၶၢၼ်ၸႂ်၊ ဢၼ်မႂ်းဢမ်ႇလုမ်းလႃး ႁႂ်ႈယႂ်ႇမႃးသုင်မႃး၊ ဢၼ်ဢွၵ်ႇပဵၼ်မႃးၼႂ်း ၶိုၼ်းလဵဝ်ၵူၺ်းလႄႈ တၢႆၵႂႃႇၼႂ်းၶိုၼ်းလဵဝ်ၵူၺ်း ၼၼ်ႉယဝ်ႉလူင်ပႄႇ။-

11ၵဝ်ဢမ်ႇထုၵ်ႇလီသေလၢႆ ဝဵင်း ၼီႉၼေႇဝူၺ်ႇ ဝဵင်းလူင်ၼၼ်ႉ ဢၼ်မီးၵူၼ်းသေ သႅၼ်ပၢႆသွင်မိုၼ်ႇၼိုင်ႈ ဢၼ်ၸၵ်းၽႄမိုဝ်းၶွၼ်ၶႂႃ ဢိၵ်ႇတင်းမိုဝ်းၶွၼ်သၢႆႉ တူဝ်ၸဝ်ႈၵဝ်ႇလႄႈ ဢမ်ႇႁူႉလႆႈၸိူဝ်းၼၼ်ႉ ဢိၵ်ႇတင်းတရိၵ်ႈသၢၼ်ႇ ဢၼ်ၼမ်ၼႃႇလူင်လၢင်ၼၼ်ႉႁိုဝ်။ ဝႃႈၼင်ႇၼႆဢေႃႈ။ ဝုတ်ႉထူႉယူဝ်းၼႃႉယဝ်ႉယဝ်ႉဢေႃႈ။

← Chapter 3 Jump to: