Romans 1

Shan

Jump to: Chapter 2 →

1ၵဝ် ပေႃးလူႉ ဢၼ်ပဵၼ်ၶႃႈ ယေႇသူႉၶရိၸ်ႈ ဢၼ်မၼ်းၸဝ်ႈလိူၵ်ႈၵဵပ်းၶၢၼ်းဝႆႉ ၼႂ်းဢရႃႇတမၢၼ်ႇၸဝ်ႈ ႁႂ်ႈလႆႈႁေႃးလၢတ်ႈတြႃးသတၢင်းသိူဝ်းပျေႃႇၽြႃးပဵၼ်ၸဝ်ႈ၊-

2ဢၼ်ၸႃႉၸဵမ်မိူဝ်ႈဢွၼ်ၼႆႉ မၼ်းၸဝ်ႈဢဝ်တင်းပရေႃးၽႅတ်ႈတင်းလၢႆ ဝႆႉၵတီႉၼႂ်းၵျၢမ်းလိၵ်ႈ ဢၼ်မူတ်းၸၢင်ႇတင်းလၢႆ၊-

3လူၺ်ႈလွင်ႈလုၵ်ႈမၼ်းၸဝ်ႈ ဢၼ်ၸွမ်းၼင်ႇၸႃႇတီႉၵူၼ်း ပဵၼ်ၸိူဝ်ႉၶိူဝ်း တႃႇဝိတ်ႈ ၊-

4ဢၼ်ၸွမ်းၼင်ႇဝီႉၺိၺ်ႇၸဝ်ႈ ဢၼ်ၸၢပ်ႈသႅင်ႇၵၼ်တင်း တၢင်းဢၼ်မူတ်းၸၢင်ႇၼၼ်ႉ ၵွပ်ႈပိူဝ်ႈတၢင်းဢၼ် လုၵ်ႉသေၵႃႈတၢင်းတၢႆၶိုၼ်းလိပ်းၼၼ်ႉလႄႈ လႆႈၶၢမ်ႇတၢင်းဢၼ်ပဵၼ်လုၵ်ႈၽြႃးပဵၼ်ၸဝ်ႈ ထၢင်ႇသႃးဢိၵ်ႇလူၺ်ႈၵၼ်တင်းတၼ်းၶူဝ်းဢၼ်ဝႃႈ ၸဝ်ႈႁဝ်းၶႃႈ ယေႇသူႉၶရိၸ်ႈ ၊-

5ဢၼ်ႁႂ်ႈႁဝ်းၶႃႈလႆႈၶၢမ်ႇၵျေးၸူးၸဝ်ႈ ဢိၵ်ႇတင်းဢရႃႇတမၢၼ်ႇၸဝ်ႈ လွင်ႈၼင်ႇႁိုဝ်ၵူၼ်းမဵဝ်းတင်းသဵင်ႈတင်းလူင်၊-

6ဢၼ်သူၸိူဝ်းဢၼ်ပဵၼ်ၵေႃႉဢၼ် ယေႇသူႉၶရိၸ်ႈ ႁွင်ႉဝႆႉၼႆႉ ၶဝ်ႈပႃးၼၼ်ႉ တၵ်းယုမ်ႇမၢတ်ႈလႄႈထွမ်ႇဢဝ်ၼၼ်ႉၼႆ၊-

7ပၼ်ငိၼ်းၵႂႃႇၵႃႈတီႈၵူၼ်းဝဵင်း ရူဝ်းမႃႉ ၵႃႈဢၼ်ၽြႃးပဵၼ်ၸဝ်ႈ ႁၵ်ႉလႄႈလိူၵ်ႈၵဵပ်းၶၢၼ်းဝႆႉၼႂ်း ဢရႃႇၵူၼ်းဢၼ်မူတ်းၸၢင်ႇတင်းသဵင်ႈတင်းလူင်ဢေႃႈ။ ႁႂ်ႈၵျေးၸူးၸဝ်ႈ တင်းတၢင်းၼိမ်ၸဝ်ႈဢၼ်ပဵၼ်မႃး ၵႃႈတီႈၸဝ်ႈ ယေႇသူႉၶရိၸ်ႈ တင်းပေႃႈႁဝ်းၶႃႈၽြႃးပဵၼ်ၸဝ်ႈၼၼ်ႉ မီးတီႈသူသေၵမ်းလူၺ်ႈ။

8ပိူဝ်ႈဢၼ်တၢင်းယုမ်ႇမၢတ်ႈသူ ၸွတ်ႇတူဝ်ႈၼိူဝ်လိၼ်မိူင်းၵူႈတီႈၵူႈလႅၼ်လႄႈ ၵဝ်ဢိင် ယေႇသူႉၶရိၸ်ႈ သေလႄႈ ယွင်ႈယေႃးၵျေးၸူးၽြႃးပဵၼ်ၸဝ်ႈလူၺ်ႈလွင်ႈသူဢွၼ်တၢင်းဢေႃႈ။-

9ၽြႃးပဵၼ်ၸဝ်ႈ ဢၼ်ၵဝ်ပႃးတင်းၸႂ်ဝီႉၺိၺ်ႇ ႁဵတ်းဢမူႉမၼ်းၸဝ်ႈ ၼႂ်းတြႃးသတၢင်းသိူဝ်းပျေႃႇလုၵ်ႈမၼ်းၸဝ်ႈလႄႈၵူဝ်းၵႂၢႆႇၼၼ်ႉ ပဵၼ်ၵေႃႉဢၼ်ၶၢမ်ႇသၢၵ်ႈသေႇၵဝ် လွင်ႈဢၼ်ၵဝ်ၶုၵ်းၸႂ်လႆႈၶႆႈၸႂ်ထူပ်းသူတႃႇသေႇလႄႈ ႁဵတ်းသူးတွင်းပထၼႃႇလူၺ်ႈလွင်ႈသူဢမ်ႇထၢတ်ႇလႄႈ၊-

10ယွၼ်းဢၶႂၢင်ႉဢၼ်ဢမ်ႇႁိုင်ဢမ်ႇၼၢၼ်း ပေႃးသၢင်ႇထုၵ်ႇလႄႈ မႅၼ်ႈၵၼ်တင်းဢလူဝ်ႇၽြႃးပဵၼ်ၸဝ်ႈၸိုင် တၵ်းလႆႈမႃးတီႈဢၼ်သူမီးၼၼ်ႉယူႇဢေႃႈ။-

11ၼင်ႇႁိုဝ်တၵ်းလႆႈဢၢပ်ႈပၼ်သူႉၵျေးၸူးဝီႉၺိၺ်ႇသေၸိူဝ်ႉသေပိူင်တီႈသူ ႁႂ်ႈသူလႆႈမၼ်ႈၶိူင်ႇၸိုင်၊ ၵဝ်ၶႂ်ႈထူပ်းႁၼ်သူတႄႉတႄႉဢေႃႈ။-

12လွင်ႈဢၼ်ဝႃႈၼင်ႇၼႆၸမ်ႉ၊ ၼင်ႇႁိုဝ်ႁဝ်းၵေႃႉၼိုင်ႈလႄႈၵေႃႉၼိုင်ႈ တၵ်းမီးႁႅင်းတၢင်းဢၼ်သၢၵ်ႈသႃႇ ၵွပ်ႈပိူဝ်ႈတၢင်းဢၼ်ၵဝ်တင်းသူယုမ်ႇမၢတ်ႈၼၼ်ႉၸိုင်၊ ၵဝ်ၸင်ႇဝႃႈဢေႃႈ။

13ပီႈၼွင်ႉၶဝ်ဢိူၺ်း၊ ၵဝ်ဢမ်ႇမီးဢလူဝ်ႇ လွင်ႈၼင်ႇႁိုဝ်သူတၵ်းဢမ်ႇႁူႉလွင်ႈဢၼ် ၵဝ်မီးတၢင်းၵျၢမ်ႇတၢင်းပွင် တၵ်းမႃးတီႈသူဢမ်ႇႁူႉလၢႆၽဝ်ႇလၢႆပွၵ်ႈ ႁႂ်ႈလႆႈၶၢမ်ႇဢၵျူဝ်းသေၸိူဝ်ႉသေပိူင်ၼႂ်းသူမိူၼ်ၸိူဝ်ႉၼင်ႇဢၼ်ၵဝ်လႆႈၶၢမ်ႇဢၵျူဝ်းၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတၢင်ႇတီႈၼၼ်ႉ၊ ပိၵ်ႉသမ်ႉမီးတၢင်းၵျၢမ်ႇတၢင်းပွင်ၸိူဝ်ႉၼင်ႇၼႆသေၵေႃႈ၊ တေႃႇထိုင်ႁွတ်ႈမိူဝ်ႈလဵဝ်ၼႆႉလႄႈ မီးလွင်ႈတၢင်းဢၼ်ႁႄႉဢၼ်ၶႅၼ်ယူႇဢေႃႈ။-

14ပဵၼ်ၵူၼ်း ႁေႇလသႃႉ သေဢမ်ႇဝႃႈ၊ ပဵၼ်ၵူၼ်းလိူင်းသေဢမ်ႇဝႃႈ၊ ပဵၼ်ၵူၼ်းဢၼ်မီးပိင်ႇၺႃႇသေဢမ်ႇဝႃႈ၊ ပဵၼ်ၵူၼ်းဢၼ်ဢမ်ႇမီးပိင်ႇၺႃႇသေဢမ်ႇဝႃႈ၊ ၼီႈၵူၼ်းၵူႈမဵဝ်းၸိူဝ်းၼႆႉ တၢင်ႇၵႃႈၼိူဝ်ၵဝ်ယူႇဢေႃႈ။-

15ပေႃးပဵၼ်ၸိူဝ်ႉၼင်ႇၼႆၸိုင်၊ ၵႃႈၼင်ႇဢၼ်ၵဝ်တၢတ်ႈၼိူင်ႇၼၼ်ႉ၊ ၵဝ်မီးၸႂ်ၸေႇတၼႃႇ ႁႂ်ႈလႆႈႁေႃးလၢတ်ႈတြႃးသတၢင်းသိူဝ်းပျေႃႇ ၵႃႈတီႈသူၸႃႉဢၼ်ပဵၼ်ၵူၼ်းဝဵင်း ရူဝ်းမႃႉ ယူႇဢေႃႈ။

16ၵဝ်ၼႆႉဢမ်ႇမီးတၢင်းဢၼ်လီဢူၵ်းလီဢၢႆ ၵွပ်ႈတြႃးသတၢင်းသိူဝ်းပျေႃႇ။ လွင်ႈမၼ်းၸမ်ႉ တြႃးၼၼ်ႉပဵၼ်တၼ်းၶူဝ်းၽြႃးပဵၼ်ၸဝ်ႈ ပုၼ်ႈလွင်ႈၼင်ႇႁိုဝ်တၵ်းလႆႈၵႄႇၶျွတ်ႈဢဝ်ၵူၼ်း ၵႃႈဢၼ်ယုမ်ႇမၢတ်ႈတင်းသဵင်ႈတင်းလူင် မိူဝ်ႈဢွၼ်တၢင်းတီႈၵူၼ်း ယူႉတႃႉ ၊ ၵမ်းလိုၼ်းတီႈၵူၼ်း ႁေႇလသႃႉ ဢေႃႈ။-

17ပဵၼ်ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊ ၵေႃႉဢၼ်သိုဝ်ႈတေႃႇၼၼ်ႉၸမ်ႉ၊ ဢသၢၵ်ႈတၵ်းလိပ်းၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ၊ ဝႃႈၼင်ႇၼႆၼၼ်ႉ၊ တြႃးတၢင်းသိုဝ်ႈတေႃႇၽြႃးပဵၼ်ၸဝ်ႈ ဢၼ်တႄႇယူႇၵႃႈၼႂ်းတၢင်းယုမ်ႇမၢတ်ႈၼၼ်ႉၸိုင် ထၢင်ႇသႃးယူႇ ၵွပ်ႈပိူဝ်ႈတြႃးသတၢင်းသိူဝ်းပျေႃႇ ပုၼ်ႈလွင်ႈၼင်ႇႁိုဝ်တၵ်းယုမ်ႇမၢတ်ႈဢေႃႈ။

18တၢင်းၸႂ်မႆႈၶႆႈၸႃႉၽြႃးပဵၼ်ၸဝ်ႈ ယူႇၽၢႆႇၼိုင်ႈတင်းဢမူႉဢၼ်ဢမ်ႇၼပ်ႉဢမ်ႇၶၢၼ်းၽြႃးပဵၼ်ၸဝ်ႈ ဢမူႉဢၼ်ပူၼ်ႉလိူဝ်တြႃး ၵူႈၸိူဝ်ႉၵူႈပိူင်ဢၼ်ၶဝ်ၸိူဝ်းဢၼ်ႁဵတ်းဢႃႉထမ်ႇမႃႉႁႄႉၶႅၼ် သမ်ႇမႃႇတြႃးၼၼ်ႉယူႇသေလႄႈ ထၢင်ႇသႃးမႃးယူႇၵႃႈၼိူဝ်ၵၢင်ႁၢဝ်ဢေႃႈ။-

19ပဵၼ်ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ လွင်ႈတၢင်းဢၼ် ထုၵ်ႇလီႁူႉလွင်ႈၽြႃးပဵၼ်ၸဝ်ႈၼၼ်ႉ ထၢင်ႇသႃးမီးယူႇၼႂ်းၶဝ်ဢေႃႈ။ ၽြႃးပဵၼ်ၸဝ်ႈၼႄပျႃးတီႈၶဝ်ယဝ်ႉ။-

20ပဵၼ်လွင်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၶႆႈၸႂ်လူတူၺ်း ၶိူင်ႈပိူင်ဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ဝႆႉၸိူဝ်းၼၼ်ႉလႄႈ ၶိူင်ႈပိူင်မၼ်းၸဝ်ႈဢၼ်တႃဢမ်ႇႁၼ်လႆႈဢၼ်ဝႃႈ ထႃႇဝရႃႉတၼ်းၶူဝ်းမၼ်းၸဝ်ႈ ဢိၵ်ႇတင်းတၢင်းဢၼ်မၼ်းၸဝ်ႈပဵၼ်ယူႇထႃႇဝရႃႉၸိူဝ်းၼၼ်ႉ ထၢင်ႇသႃးမီးဝႆႉယူႇၸႃႉၸဵမ်မိူဝ်ႈၶိင်ႇၵႃႇလႃႉၵမ်ႇၽႃႇၸႃႉတႄႇၼၼ်ႉဢေႃႈ။ ပိူဝ်ႈၼႆလႄႈၶဝ်ဢမ်ႇႁူမ်ႇဢပႅတ်ႈၶဝ်ဝႆႉလႆႈ။-

21လွင်ႈမၼ်းၸမ်ႉ ၶဝ်ၼၼ်ႉႁူႉၽြႃးပဵၼ်ၸဝ်ႈယူႇသေၵေႃႈ၊ ၵႃႈၼင်ႇဢၼ်ထုၵ်ႇလီယွင်ႈယေႃးၽြႃးပဵၼ်ၸဝ်ႈၼၼ်ႉၶဝ်ဢမ်ႇယွင်ႈယေႃး ၵျေးၸူးၸဝ်ႈၵေႃႈၶဝ်ဢမ်ႇႁူႉဢမ်ႇတွင်း ၶဝ်ႁွတ်ႈထိုင်တၢင်းဢၼ် ၶႆႈၸႂ်လူၺ်ႈလွင်ႈဢၼ်ဢမ်ႇပွင်ႇလွင်ႈၵႃႈသင် ဢိၵ်ႇတင်းတၢင်းဢၼ်ႁူဝ်ၸႂ်ဢမ်ႇမီးသတီႉလႄႈ မိူၵ်ႈလပ်းသိင်ႇၸိူဝ်းၼၼ်ႉဢေႃႈ။-

22ႁဵတ်းၼင်ႇႁၢင်ႈမီးပိင်ႇၺႃႇလႄႈ တႄႇယူႇၼႂ်းဢရႃႇၵူၼ်းမိူၵ်ႈဢေႃႈ။-

23ပႄႇပႅတ်ႈမုၼ်ၽုင်းၽြႃးပဵၼ်ၸဝ်ႈ ဢၼ်ဢမ်ႇၸၢင်ႈၽွၵ်ႈပျၢၼ်ႇလူႉလႅဝ်ၼၼ်ႉသေလႄႈ ဢဝ်ရုၵ်ႈထူႉႁၢင်ႈၵူၼ်းဢၼ်ၸၢင်ႈၽွၵ်ႈပျၢၼ်ႇလူႉလႅဝ်၊ ရုၵ်ႈထူႉႁၢင်ႈၸႃႉၸဵမ်ၼူၵ်ႉလႂ်၊ သတ်းဢၼ်မီးတိၼ်သီႇၶွၼ်လႂ်၊ တရိၵ်ႈသၢၼ်ႇဢၼ်ၸၢင်ႈၵႂႃႇၸၢင်ႈၵၢၼ်းလႂ် ၸိူဝ်းၼၼ်ႉ ယွင်ႈဝႆႉၼႂ်းဢရႃႇမၼ်းၸဝ်ႈဢေႃႈ။

24ပိူဝ်ႈၼႆလႄႈ လွင်ႈၼင်ႇႁိုဝ်ၶဝ်ၼင်ႇၵၼ်ၵၼ် တၵ်းယႃႉယူၵ်ႉသရေႇတူဝ်ၵႃႇယႃႉၵၼ်ၸိုင်၊ ၽြႃးပဵၼ်ၸဝ်ႈဢဝ်ၶဝ်ဢၢပ်ႈပၼ်ၼႂ်းမိုဝ်းၵီႉလေႇသႃႇ တၢင်းဢၼ်ၸႂ်ၶဝ်ၵူဝ်ႈၵိူၵ်ႇဢေႃႈ။-

25ၶဝ်ၼၼ်ႉဢဝ်လွင်ႈတၢင်းဢၼ်မၢၼ်ႇဢၼ်မႅၼ်ႈၽြႃးပဵၼ်ၸဝ်ႈ လႅၵ်ႈဢဝ်ဢၼ်ဢမ်ႇၸိုဝ်ႈဢမ်ႇၸႂ်ႈ ဢၼ်ပိူင်ႈဢၼ်လွႆးၼၼ်ႉလႄႈ ပႄႇပႅတ်ႈၸဝ်ႈဢၼ်ၽၢၼ်ႇသၢင်းႁဵတ်းပဵၼ်ၼၼ်ႉသေယဝ်ႉ၊ ႁဵတ်းဝၢတ်ႈၵူဝ်းၵႂၢႆႇၶိူင်ႈပိူင်ဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ဝႆႉၼၼ်ႉဢေႃႈ။ မၼ်းၸဝ်ႈၼၼ်ႉၸမ်ႉ၊ မီးမင်ႇၵလႃႇထႃႇဝရႃႉဢေႃႈ။ ဢႃႇမိၼ်ႇ။

26ၵွပ်ႈပိူဝ်ႈဢၼ်ႁဵတ်းၸိူဝ်ႉၼင်ႇၼႆလႄႈ ၽြႃးပဵၼ်ၸဝ်ႈဢဝ်ၶဝ် ဢၢပ်ႈပၼ်ၼႂ်းမိုဝ်းၵီႉလေႇသႃႇဢၼ်လီၵူဝ်လီဢၢႆၼႃႇလူင်လၢင်ၼၼ်ႉဢေႃႈ။ လွင်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၽူႈယိင်းၶဝ်ပႅတ်ႈဝႆႉထုင်းၸၢမ်ႇပၵတီႉသေလႄႈ ၸွမ်းဢဝ်ထုင်းၸၢမ်ႇဢၼ်ၶတ်းၵၼ်တင်းပၵတီႉဢေႃႈ။-

27မိူၼ်ၼင်ႇၼႆ၊ ၽူႈၸၢႆးၶဝ်ၵေႃႈပႅတ်ႈဝႆႉထုင်းၸၢမ်ႇပၵတီႉ တၢင်းဢၼ်သိူၵ်ႈသမ်ႇၵၼ်တင်းၽူႈယိင်းသေလႄႈ ပိူဝ်ႈဢၼ်ၵေႃႉၼိုင်ႈလႄႈၵေႃႉၼိုင်ႈၸႂ်ၵီႉလေႇသႃႇမႆႈၼႃႇလူင်လၢင်ၼၼ်ႉ၊ ၽူႈၸၢႆးၼင်ႇၵၼ်ႁဵတ်းလွင်ႈတၢင်းဢၼ်လီၵူဝ်လီဢၢႆလႄႈ လႆႈၶၢမ်ႇတၢမ်ႇဢပႅတ်ႈတူဝ်ၸဝ်ႈၵဝ်ႇ ၵႃႈၼင်ႇဢၼ်ထုၵ်ႇၵၼ်တင်းတၢင်းဢၼ်ၶဝ်ၽိတ်းပိူင်ႈၼၼ်ႉဢေႃႈ။

28ပိူဝ်ႈဢၼ်ၶဝ်ဢမ်ႇၶႂ်ႈႁူႉၶႂ်ႈတွင်းၽြႃးပဵၼ်ၸဝ်ႈလႄႈ ၽြႃးပဵၼ်ၸဝ်ႈဢဝ်ၶဝ်ဢၢပ်ႈပၼ်ၼႂ်းမိုဝ်းမေႃးႁႃႉ တၢင်းဢၼ်ၸႂ်မိူၵ်ႈ ႁႂ်ႈၶဝ်လႆႈႁဵတ်းလွင်ႈတၢင်းဢၼ်ဢမ်ႇလီဢမ်ႇထုၵ်ႇၼၼ်ႉလႄႈ၊-

29ၶဝ်ၼၼ်ႉပျေႉၸုမ်ႇဝႆႉတင်းၸႃႉၸဵမ် တၢင်းၵမ်တၢင်းၵျၢင်ႉဢၼ်ဢမ်ႇသိုဝ်ႈတေႃႇၵူႈၸိူဝ်ႉၵူႈပိူင်၊ တၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃး၊ တၢင်းဢၼ်ႁၢႆႉမိူၵ်ႈၵူဝ်ႈၵိူၵ်ႇ၊ တၢင်းဢၼ်လေႃးၽႃႉပူၼ်ႉလိူဝ်၊ တၢင်းဢၼ်သီႈၵေႉႁေႈတႃ၊ တၢင်းဢၼ်ႁႃငိူၼ်ႈႁႃႁွႆး၊ တၢင်းဢၼ်ဢဝ်ဢသၢၵ်ႈၵူၼ်းတၢႆ၊ တၢင်းဢၼ်ၽိတ်းၵၼ်၊ တၢင်းဢၼ်ပႅတ်ႉလႅၼ်၊ တၢင်းဢၼ်ၶၢၼ်ႉႁၼ်ပိူၼ်ႈလႄႈ ပဵၼ်ၵေႃႉဢၼ်ၶႃႉၸိုဝ်ႈၶၢႆသဵင်ပိူၼ်ႈ။-

30ၵေႃႉဢၼ်ယႃႉသရေႇပိူၼ်ႈ၊ ၵေႃႉဢၼ်ၸင်းၽြႃးပဵၼ်ၸဝ်ႈ၊ ၵေႃႉဢၼ်ႁၢႆႉၵျၢမ်းၼႃႇ၊ ၵေႃႉဢၼ်မႃႇၼႃႉၸႂ်သုင်၊ ၵေႃႉဢၼ်ဢုပ်ႇဢၢတ်ႇ၊ ၵေႃႉဢၼ်ၸီႇယၢင်ႇဢတၢတ်ႈဢၼ်ဢမ်ႇလီမေႃ၊ ၵေႃႉဢၼ်ဢမ်ႇထွမ်ႇၵႂၢမ်းပေႃႈမႄႈ၊-

31ၵေႃႉဢၼ်ဢမ်ႇမီးသတီႉ၊ ၵေႃႉဢၼ်ယႃႉသဵတ်ႈၸႃႇ၊ ၵေႃႉဢၼ်ဢမ်ႇႁၵ်ႉၸိူဝ်ႉၶိူဝ်းပီႈၼွင်ႉ၊ ၵေႃႉဢၼ်ႁွမ်ဝႆႉတၢင်းၽိတ်း၊ ၵေႃႉဢၼ်ဢမ်ႇမီးၵရူႉၼႃႇတၢင်းဢၼ်ၸႂ်ဢဵတ်းလူပိူၼ်ႈၸိူဝ်းၼၼ်ႉဢေႃႈ။-

32ၶဝ်ၸိူဝ်းဢၼ် ၵမ်ၵျၢင်ႉတၢင်းၵမ်တၢင်းၵျၢင်ႉၸိူဝ်ႉၼင်ႇၼႆၼၼ်ႉ တၵ်းလႆႈၶၢမ်ႇတၢမ်ႇတၢင်းတၢႆဢေႃႈဝႃႈၼႆ၊ ပိၵ်ႉသမ်ႉၶဝ်ႁူႉလွင်ႈဢၼ် ၽြႃးပဵၼ်ၸဝ်ႈၸီႇယၢင်ႇဝႆႉသေၵေႃႈ၊ တူဝ်ၶဝ်ၵမ်ၵျၢင်ႉယဝ်ႉဢမ်ႇၵႃး၊ သမ်ႉမူၼ်ႈပျေႃႇၼႂ်းၶဝ်ၸိူဝ်းဢၼ်ၵမ်ၵျၢင်ႉၸိူဝ်ႉၼင်ႇၼႆၼၼ်ႉဢေႃႈ။

Jump to: Chapter 2 →