Romans 15

Shan

← Chapter 14 Jump to: Chapter 16 →

1ပိူဝ်ႈၼႆလႄႈ ႁဝ်းၸႃႉဢၼ်မီးႁႅင်းၼႆႉ ယင်းဢမ်ႇၸွမ်းဢလူဝ်ႇတူဝ်ၸဝ်ႈၵဝ်ႇလႄႈ တၵ်းလႆႈယိူၼ်ႉၶၢမ်ႇတၢင်းဢၼ်ႁႅင်းလဵၵ်ႉႁႅင်းၵေႇၶဝ် ၸႃႉဢၼ်ႁႅင်းလဵၵ်ႉႁႅင်းၵေႇၼၼ်ႉဢေႃႈ။-

2ၼင်ႇၼၼ်လႄႈႁဝ်းၵႃႈမီးၸိူဝ်းၼႆႉ ထွၵ်ႈလူၺ်ႈဢၵျူဝ်းၵေႃႉဢၼ်ၸၢပ်ႈသႅင်ႇၵၼ်တင်းႁဝ်းၼၼ်ႉသေလႄႈ ဢွၼ်ၵၼ်ၸွမ်းဢလူဝ်ႇမၼ်း ႁႂ်ႈလႆႈတႄႇႁဵတ်းမၼ်းတႃႉႁဝ်း။-

3လွင်ႈမၼ်းၸမ်ႉ ၸဝ်ႈၶရိၸ်ႈဢမ်ႇၸွမ်းဢလူဝ်ႇတူဝ်ၸဝ်ႈၵဝ်ႇ။ ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်ႉ ၵႂၢမ်းသႄႉသွမ်းၶဝ်ၸိူဝ်းဢၼ်သႄႉသွမ်းၸဝ်ႈႁဝ်းၼၼ်ႉ လႆႈႁွတ်ႈထိုင်ၵႃႈၼိူဝ်ၵဝ်ၶႃႈဢေႃႈ၊ ဝႃႈၼင်ႇၼႆဢေႃႈ။-

4ၼင်ႇႁိုဝ်ႁဝ်းတၵ်းမီးဢၶႂၢင်ႉဢၼ်လႆႈမုင်ႈထႃႈမွင်းထႃႈ ၵွပ်ႈပိူဝ်ႈတၢင်းဢၼ်ယိူၼ်ႉၶၢမ်ႇ ဢိၵ်ႇတင်းတၢင်းသၢၵ်ႈသႃႇဢၼ်ပႃးၼႂ်းၵျၢမ်းလိၵ်ႈတင်းလၢႆၼၼ်ႉၸိုင်၊ ၵႃႈဢၼ်တႅမ်ႈဝႆႉၼႂ်းၵျၢမ်းလိၵ်ႈမိူဝ်ႈဢွၼ်ၼႆႉၼၼ်ႉ ပဵၼ်ဢၼ်တႅမ်ႈဝႆႉပုၼ်ႈဢၼ်တၵ်းလႆႈသင်ႇသွၼ်ပၼ်ႁဝ်းဢေႃႈ။-

5ၼင်ႇႁိုဝ်သူတၵ်းမီးသၽေႃးဢၼ်လဵဝ်ၵၼ် ဢဝ်တင်းသူပ်းဢၼ်လဵဝ်ၵၼ် ယွင်ႈယေႃးၽြႃးပဵၼ်ၸဝ်ႈ ဢၼ်ဝႃႈပေႃႈၸဝ်ႈ ယေႇသူႉၶရိၸ်ႈ ၼၼ်ႉၸိုင်၊-

6ႁႂ်ႈၽြႃးပဵၼ်ၸဝ်ႈ၊ ၸဝ်ႈတၢင်းဢၼ်ယိူၼ်ႉၶၢမ်ႇ ဢိၵ်ႇတင်းတၢင်းဢၼ်သၢၵ်ႈသႃႇၼၼ်ႉ ဢဵတ်းလူပၼ် ႁႂ်ႈသူၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်လႆႈၸွမ်းၼင်ႇဢလူဝ်ႇ ယေႇသူႉၶရိၸ်ႈ သေလႄႈ မီးႁူဝ်ၸႂ်ဢၼ်လဵဝ်ၵၼ်ၼၼ်ႉသေၵမ်းလူၺ်ႈ။

7ၵွပ်ႈႁွႆးၼႆႉလႄႈ ၼင်ႇႁိုဝ်တၵ်းႁႂ်ႈမုၼ်ၽုင်းၽြႃးပဵၼ်ၸဝ်ႈထၢင်ႇသႃးၸိုင် ၸိူဝ်ႉၼင်ႇဢၼ်ၸဝ်ႈၶရိၸ်ႈႁပ်ႉတုင်းဢဝ်သူၼၼ်ႉ၊ သူၵေႃႈၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ႁပ်ႉတုင်းဢဝ်ၵၼ်တႃႉ။-

8ၵဝ်သမ်ႉဝႃႈထႅင်ႈၸမ်ႉ ယေႇသူႉၶရိၸ်ႈ ၼၼ်ႉ ထွၵ်ႈလူၺ်ႈသဵတ်ႈၸႃႇၽြႃးပဵၼ်ၸဝ်ႈသေလႄႈ ပွင်ႁဵတ်းဢမူႉၶဝ်ၸိူဝ်းဢၼ် ၶၢမ်ႇတၢင်းဢၼ်ထိူဝ်ႁိမ်းၼၼ်ႉ ႁႂ်ႈၵတီႉၸဝ်ႈဢၼ်ပူႇမွၼ်ႇလႆႈၶၢမ်ႇယဝ်ႉၼၼ်ႉလႆႈတႄႇယူႇ၊-

9ဢိၵ်ႇတင်းႁႂ်ႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ လႆႈယွင်ႈယေႃးဢၢမ်းဢေႃး လူၺ်ႈၵရူႉၼႃႇၽြႃးပဵၼ်ၸဝ်ႈဢေႃႈ။ ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်ႉ ၵွပ်ႈႁွႆးၼႆႉ ၵဝ်ၶႃႈတၵ်းယွင်ႈယေႃးၵျေးၸူးၸဝ်ႈႁဝ်း ၵႃႈတီႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉလႄႈ ႁဵတ်းၵႂၢမ်းထေႃးပၼႃႇၵႃႈတီႈၼႃႇမႃႉၸိုဝ်ႈသဵင်ၸဝ်ႈႁဝ်းတီႈၶႃႈဢေႃႈ၊ ဝႃႈၼင်ႇၼႆဢေႃႈ။-

10ဢၼ်သမ်ႉဝႃႈထႅင်ႈၸမ်ႉ ၵူၼ်းတၢင်ႇၸိူဝ်ႉတၢင်ႇၶိူဝ်းၶဝ်ဢိူၺ်း၊ သူသိူဝ်းပျေႃႇလူၺ်ႈၵၼ်တင်းၵူၼ်းၽြႃးပဵၼ်ၸဝ်ႈတင်းလၢႆတႃႉ၊ ဝႃႈၼင်ႇၼႆဢေႃႈ။-

11ဢၼ်သမ်ႉဝႃႈထႅင်ႈၵမ်းၼိုင်ႈၸမ်ႉ၊ ၵူၼ်းမဵဝ်းၵႃႈမီးတင်းသဵင်ႈတင်းလူင်ၶဝ်ဢိူၺ်း၊ ယွင်ႈယေႃးထႃႇဝရႃႉၽြႃးတႃႉ။ ၸိူဝ်ႉၶိူဝ်းၵူၼ်းၵႃႈမီးတင်းသဵင်ႈတင်းလူင်ၶဝ်ဢိူၺ်း၊ ဢိုၼ်းယွင်ႈမၼ်းၸဝ်ႈၼႃႇၼႃႇတႃႉ၊ ဝႃႈၼင်ႇၼႆဢေႃႈ။-

12လႆႈသမ်ႉ ဢီႉသႃႇယႃႉ ဝႃႈထႅင်ႈၸမ်ႉ၊ ႁၢၵ်ႈ ယေႇသႄး တၵ်းဢွၵ်ႇလႄႈ ပဵၼ်ၵေႃႉဢၼ်ပေႃႇမႃးႁႂ်ႈလႆႈဢုပ်ႉပိူင်ႇၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။ ၵေႃႉၼၼ်ႉၸိုင် ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တၵ်းဢွၼ်ၵၼ်ဢိင်ပိုင်ႈဢေႃႈ၊ ဝႃႈၼင်ႇၼႆဢေႃႈ။

13ၼင်ႇႁိုဝ်သူတၵ်းလႆႈပျေႉၸုမ်ႇလိူင်ႇၸႂ် တင်းတၢင်းဢၼ်မုင်ႈထႃႈမွင်းထႃႈ ၵွပ်ႈတၼ်းၶူဝ်းဝီႉၺိၺ်ႇဢၼ်မူတ်းၸၢင်ႇၸဝ်ႈၸိုင်၊ ႁႂ်ႈၽြႃးပဵၼ်ၸဝ်ႈ ၸဝ်ႈတၢင်းဢၼ်မုင်ႈထႃႈမွင်းထႃႈၼၼ်ႉ ႁႂ်ႈသူမီးတင်းၸႂ်ဢၼ်ယုမ်ႇမၢတ်ႈသေလႄႈ တဵမ်ဝႆႉတင်းတၢင်းဢၼ်သိူဝ်းပျေႃႇ သၢၵ်ႈသႃႇၵူႈၸိူဝ်ႉၵူႈပိူင်ၼၼ်ႉသေၵမ်းလူၺ်ႈ။

14ပီႈၼွင်ႉၶဝ်ဢိူၺ်း၊ ၵဝ်တူၵ်းၵၢင်ၸႂ်လွင်ႈဢၼ်သူပျေႉၸုမ်ႇတင်းပၵတီႉသၽေႃးဢၼ်လီဢၼ်ငၢမ်းၼၼ်ႉယူႇ၊ ႁူႉၸႅင်ႈလွင်ႈတၢင်းၵူႈၸိူဝ်ႉၵူႈပိူင်ယူႇ၊ တၢတ်ႈၼိူင်ႇလႆႈလွင်ႈဢၼ်ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ် သင်ႇသွၼ်သုင်းမႃႉပၼ်ၵၼ်ၼၼ်ႉယူႇဢေႃႈ။-

15ၵူၺ်းၵႃႈၼင်ႇႁိုဝ် ၵဝ်တၵ်းလႆႈပွင်ႁဵတ်းဢမူႉတၢင်းဢၼ်ႁေႃးလၢတ်ႈတြႃးသတၢင်းသိူဝ်းပျေႃႇၽြႃးပဵၼ်ၸဝ်ႈလႄႈ

16ပဵၼ်ၵေႃႉဢၼ်ပႂ်ႉဢမူႉ ယေႇသူႉၶရိၸ်ႈ ၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ႁႂ်ႈတၢင်းပုၵ်ႈၸေႃႇၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ဢၼ်ဝီႉၺိၺ်ႇဢၼ်မူတ်းၸၢင်ႇၸဝ်ႈ ႁႂ်ႈမူတ်းၸၢင်ႇၼၼ်ႉ လႆႈပဵၼ်တီႈဢၼ်ထုၵ်ႇၸႂ်ၸဝ်ႈၸိုင်၊ ၵဝ်ဢိင်ပိုင်ႈၵျေးၸူး ဢၼ်ၽြႃးပဵၼ်ၸဝ်ႈဢၢပ်ႈပၼ်တီႈၵဝ်ၼၼ်ႉလႄႈ ပီႈၼွင်ႉၶဝ်ဢိူၺ်း၊ ပၼ်သတီႉတီႈသူယူႇသေလႄႈ၊ ယဵင်ႈၶႅၼ်းတႅမ်ႈပၼ်ၵႂႃႇ ႁတ်းႁတ်းႁၢၼ်ႁၢၼ်ဢေႃႈ။-

17ပိူဝ်ႈၼႆလႄႈ ၵဝ်မီးလွင်ႈဢၼ်ဢိင်ပိုင်ႈ ယေႇသူႉၶရိၸ်ႈ လႄႈ သိူဝ်းပျေႃႇဢုပ်ႇဝၢဝ်းၼႂ်းလွင်ႈတၢင်းၵႃႈဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈၼၼ်ႉဢေႃႈ။-

18ၵဝ်ႁတ်းလၢတ်ႈလွင်ႈတၢင်းၸိူဝ်းဢၼ်ၸဝ်ႈၶရိၸ်ႈ ဢဝ်ၵဝ်ႁဵတ်းၵႃႈမီးတင်းသဵင်ႈတင်းလူင် ၼႄပျႃးတၼ်းၶူဝ်း ဢၼ်ပႃးၼႂ်းၼီႉမိၵ်ႈလၢၵ်ႈၶၼႃႇလႂ်၊-

19လွင်ႈတၢင်းဢၼ်လီဢၢမ်းလႂ်၊ ဢိၵ်ႇတင်းတၼ်းၶူဝ်းဝီႉၺိၺ်ႇဢၼ်မူတ်းၸၢင်ႇၸဝ်ႈ လွင်ႈၼင်ႇႁိုဝ် ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တၵ်းထွမ်ႇဢဝ်ၼၼ်ႉ ၵွပ်ႈပိူဝ်ႈၵႂၢမ်းဢိၵ်ႇတင်းၵွပ်ႈပိူဝ်ႈတၢင်းၵမ်တၢင်းၵျၢင်ႉၵူၺ်းဢေႃႈ။ ၵဝ်ဢိင်ၵျေးၸူးၸဝ်ႈၼၼ်ႉသေလႄႈ လႄႇလဵပ်ႈၵႂႃႇ ၸႃႉၸဵမ်ဝဵင်း ယေႇရူႉသလႅမ်ႇ တေႃႇထိုင်ႁွတ်ႈမိူင်း ဢီႉလီႉရီႉၵမ်ႇ ပုၼ်ႉၵူႈတီႈၵူႈလႅၼ်လႄႈ လႆႈႁေႃးလၢတ်ႈတြႃးသတၢင်းသိူဝ်းပျေႃႇၸဝ်ႈၶရိၸ်ႈတင်းသဵင်ႈတင်းမူတ်းမႃးယဝ်ႉ။-

20ၼင်ႇၼၼ်လႄႈ ၵႃႈၼိူဝ်ငဝ်ႈႁၢၵ်ႈတိူၵ်ႈဢၼ်ပိူၼ်ႈတၢင်ႇၵေႃႉတႄႇဝႆႉၼၼ်ႉ ၵဝ်ယင်းဢမ်ႇထၢပ်ႈထႅင်ႈလႄႈတႄႇႁဵတ်း။ ၵဝ်မီးၸႂ်ၸေႇတၼႃႇၵျူဝ်းၸႃး ႁႂ်ႈလႆႈႁေႃးလၢတ်ႈတြႃးသတၢင်းသိူဝ်းပျေႃႇ ၼႂ်းတီႈယူႇၶဝ်ၸိူဝ်းဢၼ်ဢမ်ႇပႆႇတွၼ်ႉငိၼ်းၼႃႇမႃႉၸိုဝ်ႈသဵင်ၸဝ်ႈ ယေႇသူႉၶရိၸ်ႈ ၼၼ်ႉယူႇဢေႃႈ။-

21မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ ၶဝ်ၸိူဝ်းဢၼ်ၽူႈလႂ်ဢမ်ႇၼႄပျႃး လွင်ႈၵေႃႉၼၼ်ႉၼၼ်ႉတၵ်းႁၼ်ဢေႃႈ။ ၶဝ်ၸိူဝ်းဢၼ်ဢမ်ႇတွၼ်ႉငိၼ်းၼၼ်ႉတၵ်းႁူႉဢေႃႈ၊ ဝႃႈၼင်ႇၼႆၼၼ်ႉဢေႃႈ။

22ပိူဝ်ႈၼႆလႄႈ ဢၶႂၢင်ႉဢၼ်ၵဝ်တၵ်းလႆႈမႃးၵႃႈတီႈသူၼၼ်ႉဢမ်ႇမီး။ ဢၼ်ႁႄႉဢၼ်ၶႅၼ်မီးၼမ်ၼႃႇယဝ်ႉ။-

23တေႃႈလဵဝ်ၼႆၸမ်ႉ ပိူဝ်ႈဢၼ်ဢမ်ႇလႆႈဢၶႂၢင်ႉၵႃႈၼႂ်းတီႈၼႆႉလႄႈ၊ မီးဢလူဝ်ႇႁႂ်ႈလႆႈၵႂႃႇၵႃႈတီႈဢၼ်သူမီးပုၼ်ႉယူႇ ၶိင်ႇၵႃႇလႃႉႁိုင်ၼႃႇၼၼ်ႉလႄႈ၊-

24မိူဝ်ႈဢၼ်ၵဝ်ၵႂႃႇၵႃႈတီႈမိူင်း သပေႇၼီႉ ပုၼ်ႉၸိုင်ၵဝ်မုင်ႈထႃႈမွင်းထႃႈလွင်ႈဢၼ်တၵ်းထူပ်းႁၼ်သူ ၵႃႈတီႈတၢင်းဢၼ်ၵႂႃႇၼၼ်ႉလႄႈ ယူႇလူၺ်ႈၵၼ်တင်းသူ ႁိုင်ထၼ်ႈပေႃးႁႂ်ႈဢလူဝ်ႇပျေႉၸုမ်ႇတၢၼ်ႇတၢၼ်ႇယဝ်ႉၸင်ႇ တၵ်းၶၢမ်ႇဢဝ်ၵျေးၸူးတၢင်းဢၼ်သူတၵ်းၸွမ်းသူင်ႇၵဝ် ႁႂ်ႈၵဝ်လႆႈၵႂႃႇၵႃႈတီႈမိူင်းၼၼ်ႉယူႇဢေႃႈ။

25မိူဝ်ႈလဵဝ်ၼႆႉ ၵဝ်တၵ်းၵႂႃႇၵႃႈတီႈဝဵင်း ယေႇရူႉသလႅမ်ႇ ပုၼ်ႉလႄႈ ႁဵတ်းလဵင်ႉႁဵတ်းလူၵူၼ်းမူတ်းၸၢင်ႇတင်းလၢႆဢေႃႈ။-

26လွင်ႈမၼ်းၸမ်ႉ ၵူၼ်းမိူင်း မႃႇၵေႇတေႃးၼီႉ ဢိၵ်ႇတင်း ၵူၼ်းမိူင်း ဢၶႃႇယႃႉ တင်းလၢႆၼၼ်ႉ ပႃးတင်းၸႂ်ၸေႇတၼႃႇသေလႄႈလူႇတၢၼ်း ၶူဝ်းလူႇၶူဝ်းတၢၼ်းပုၼ်ႈၵူၼ်းမူတ်းၸၢင်ႇဢၼ်ယၢၵ်ႈဢၼ်ၽၢၼ် ၵႃႈၼႂ်းဝဵင်း ယေႇရူႉသလႅမ်ႇ ၸိူဝ်းၼၼ်ႉယဝ်ႉ။-

27မိူဝ်ႈဢၼ်ဝႃႈမီးၸႂ်ၸေႇတၼႃႇ၊ ဝႃႈၼင်ႇၼႆၼၼ်ႉၸိုင် ၶဝ်ၼၼ်ႉပဵၼ်ၵေႃႉဢၼ်ထုၵ်ႇၶိုၼ်းတႅၼ်းၼီႈၵျေးၸူးဢေႃႈ။ ပေႃးၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ သိူၵ်ႈသမ်ႇထမ်ႇမႃႉဢုၵ်ႉၸႃႇ လူၺ်ႈၵၼ်တင်းၵူၼ်း ယူႉတႃႉ တင်းလၢႆၸိုင်၊ ၶဝ်လီဢဝ်ဢုၵ်ႉၸႃႇလေႃးၵီႇလူႇတၢၼ်းလႄႈ ႁဵတ်းလဵင်ႉႁဵတ်းလူဢေႃႈ။-

28ပိူဝ်ႈၼႆၸင်ႇ၊ ၵဝ်ပွင်ႁဵတ်းဢမူႉၼႆႉလႄႈ ႁႂ်ႈတၢင်းလူႇလၢၵ်ႈသွင်ႇၼၼ်ႉ ယင်းဢမ်ႇႁူင်ႈဢမ်ႇႁၢႆလႄႈ ႁွတ်ႈၽႅဝ်သေယဝ်ႉ၊ ၵဝ်တၵ်းၸွမ်းတၢင်းၵႂႃႇၵႃႈႁိမ်းသူလႄႈ ၵႂႃႇၵႃႈတီႈမိူင်း သပေႇၼီႉ ပုၼ်ႉဢေႃႈ။-

29မိူဝ်ႈဢၼ်ၵဝ်ႁွတ်ႈထိုင်တီႈဢၼ်သူမီးၼၼ်ႉၸိုင် ၵဝ်တၵ်းပႃးဢဝ်တင်းတၢင်းဢၼ်ပျေႉၸုမ်ႇဝႆႉတင်းမင်ႇၵလႃႇတၢင်းလီ ဢၼ်မီးၼႂ်းၸဝ်ႈ ယေႇသူႉၶရိၸ်ႈ ၼၼ်ႉ ႁွတ်ႈထိုင်ဝႃႈၼႆ ၵဝ်ႁူႉယူႇဢေႃႈ။

30ပီႈၼွင်ႉၶဝ်ဢိူၺ်း၊ ၵဝ်ဢဝ်လွင်ႈၸဝ်ႈႁဝ်း ယေႇသူႉၶရိၸ်ႈ ဢိၵ်ႇတင်းမႅတ်ႈတႃႇၵရူႉၼႃႇဝီႉၺိၺ်ႇၸဝ်ႈသေလႄႈ တိုၵ်းယူင်းၸူဝ်းဢဝ်သူ ႁႂ်ႈသူၵျူဝ်းၸႃးလူၺ်ႈၵၼ်တင်းၵဝ်လႄႈ သူးတွင်းႁဵတ်းပထၼႃႇတီႈၽြႃးပဵၼ်ၸဝ်ႈ၊-

31လွင်ႈၼင်ႇႁိုဝ် ၵဝ်တၵ်းလႆႈၵၢင်းလွတ်ႈသေၼႂ်းမိုဝ်း ၶဝ်ၸိူဝ်းဢၼ်တွပ်ႇထဵင်ၼႂ်းမိူင်း ယူႉတႃႉ ၼၼ်ႉ ဢိၵ်ႇတင်းလွင်ႈၼင်ႇႁိုဝ်တၢင်းဢၼ်ၵဝ်ႁဵတ်းလဵင်ႉႁဵတ်းလူ ပုၼ်ႈဝဵင်း ယေႇရူႉသလႅမ်ႇ ၼၼ်ႉ တၵ်းထုၵ်ႇၸႂ်ၵူၼ်းမူတ်းၸၢင်ႇတင်းလၢႆ၊-

32တင်းလွင်ႈၼင်ႇႁိုဝ် ၵဝ်တၵ်းပႃးတင်းၸႂ်ဢၼ်သိူဝ်းပျေႃႇႁွတ်ႈထိုင်တီႈဢၼ်သူမီးၼၼ်ႉ မႅၼ်ႈၼင်ႇဢလူဝ်ႇၽြႃးပဵၼ်ၸဝ်ႈလႄႈၸၢမ်ႇၸႃး တၢင်းဢၼ်သၢၵ်ႈသႃႇလူၺ်ႈၵၼ်တင်းသူၼၼ်ႉယူႇဢေႃႈ။-

33ႁႂ်ႈၽြႃးပဵၼ်ၸဝ်ႈ ၸဝ်ႈတၢင်းၼိမ်ၼၼ်ႉ တႄႇယူႇလူၺ်ႈၵၼ်တင်းသူၵႃႈမီးတင်းသဵင်ႈတင်းလူင်သေၵမ်းလူၺ်ႈ၊ ဢႃႇမိၼ်ႇ။

← Chapter 14 Jump to: Chapter 16 →