Titus 3

Shan

← Chapter 2 Jump to:

1ပၼ်သတီႉတီႈၵူၼ်းတင်းလၢႆ ႁႂ်ႈၶဝ်လႆႈၶၢမ်ႇဢဝ်တၢင်းဢၼ်ဢႃႇၼႃႇ၊ တၢင်းဢၼ်ထွတ်ႈဢၼ်မျၢတ်ႈ ဢုပ်ႉပိူင်ႇ၊ ႁႂ်ႈၶဝ်လႆႈထွမ်ႇဢဝ်ၵႂၢမ်းၶုၼ်၊ ႁႂ်ႈၶဝ်လႆႈပဵၼ် ဢၼ်မႄးႁႅၼ်းဝႆႉထႃႈလႄႈ ႁဵတ်းလွင်ႈတၢင်းဢၼ်လီဢၼ်ငၢမ်းၵူႈၸိူဝ်ႉၵူႈပိူင်၊-

2ႁႂ်ႈၶဝ်ယင်းဢမ်ႇသႄႉ ဢမ်ႇသွမ်းၽူႈလႂ် သေၵေႃႉသေၵူၼ်း၊ ယင်းဢမ်ႇႁဵတ်းတၢင်းဢၼ်ၽိတ်းၵၼ်လႄႈ မီးသၽေႃးဢၼ် ယိူၼ်ႉၶၢမ်ႇ လႄႈ ႁဵတ်းတၢင်းဢၼ်ၼိမ်သိမ်ႇ ဢူၼ်ႈဢွၼ်ႇၼႃႇလူင်လၢင် တီႈၵူၼ်းတင်းသဵင်ႈတင်းလူင်တႃႉ။

3လွင်ႈမၼ်းၸမ်ႉ မိူဝ်ႈဢွၼ်ၼႆႉၼၼ်ႉ၊ ႁဝ်းပဵၼ်ၵေႃႉဢၼ်ဢမ်ႇမီးပိင်ႇၺႃႇ၊ ၵေႃႉဢၼ်ဢမ်ႇထွမ်ႇဢမ်ႇဢဝ်၊ ၵေႃႉဢၼ်ၽိတ်းပိူင်ႈ၊ၵေႃႉဢၼ်ပွင်ႁဵတ်းဢမူႉ တၢင်းဢၼ်ၸႂ်ၸပ်းၸႂ်ၸွႆး ဢိၵ်ႇတင်းတၢင်းဢၼ် ၸၢမ်ႇၸႃးၵႃႇမၵုင်ႇ ၵူႈၸိူဝ်ႉၵူႈပိူင်၊ ၵေႃႉဢၼ်ၵႂႃႇမႃး ၼႂ်းတၢင်းဢၼ်ဢမ်ႇၼႃႇလူဝ်ႇ ဢိၵ်ႇတင်းတၢင်းဢၼ် သီႈၵေႉႁေႈတႃ၊ ၵေႃႉဢၼ်လီႁင်ႈ၊ ၵေႃႉဢၼ်ၼင်ႇၵၼ်ၵၼ် ၸင်းၵၼ် ဢေႃႈ။-

4မိူဝ်ႈဢၼ်ၸေႇတၼႃႇၽြႃးပဵၼ်ၸဝ်ႈ၊ ၸဝ်ႈဢၼ်ၵႄႇၶျွတ်ႈဢဝ်ႁဝ်း ဢိၵ်ႇတင်းမႅတ်ႈတႃႇ ဢၼ်မၼ်းၸဝ်ႈ ႁၵ်ႉၵူၼ်း တင်းလၢႆၼၼ်ႉ ပေႃႇမႃးၼၼ်ႉၸိုင်၊-

5မၼ်းၸဝ်ႈၵႄႇၶျွတ်ႈဢဝ်ႁဝ်း ၵွပ်ႈပိူဝ်ႈတၢင်းၵမ်တၢင်းၵျၢင်ႉ တၢင်းသိုဝ်ႈတေႃႇ ဢၼ်ႁဝ်းၵမ်ၵျၢင်ႉၼၼ်ႉဢမ်ႇၸႂ်ႈ၊ ၸွမ်းၵႃႈၼင်ႇၵရူႉၼႃႇ တၢင်းဢၼ်မၼ်းၸဝ်ႈ ဢဵတ်းလူၼၼ်ႉ ၵႄႇၶျွတ်ႈဢဝ် ၵွပ်ႈပိူဝ်ႈတၢင်းဢၼ်သုၵ်ႈပွတ်ႈ ဢၼ်ၸၢပ်ႈသႅင်ႇၵၼ်တင်း တၢင်းဢၼ်ၶိုၼ်း ၵိူတ်ႇလဵင်ႉမႃး ဢိၵ်ႇတင်း ၵွပ်ႈပိူဝ်ႈတၢင်းဢၼ်ဝီႉၺိၺ်ႇဢၼ်မူတ်းၸၢင်ႇၸဝ်ႈ၊-

6ဢၼ်မၼ်းၸဝ်ႈ ဢဝ်တင်း ယေႇသူႉၶရိၸ်ႈ ၸဝ်ႈဢၼ်ၵႄႇၶျွတ်ႈဢဝ်ႁဝ်း သွၼ်းလေႃႇ ၵႃႈၼိူဝ်ႁဝ်းၼမ်ၼႃႇလူင်လၢင် ႁဵတ်းပဵၼ် ဢၼ်မႂ်ႇၼၼ်ႉဢေႃႈ။-

7လွင်ႈမၼ်းၸမ်ႉ လွင်ႈၼင်ႇႁိုဝ် ႁဝ်းတၵ်းႁွတ်ႈထိုင် တၢင်းဢၼ်သိုဝ်ႈတေႃႇ ၵွပ်ႈပိူဝ်ႈၵျေးၸူးမၼ်းၸဝ်ႈလႄႈ ၶဝ်ႈပဵၼ် ၵေႃႉဢၼ်ၶၢမ်ႇဢမူၺ်ႇဢၼ်မႅၼ်ႈၼင်ႇတၢင်းဢၼ် မုင်ႈထႃႈမွင်းထႃႈဢသၢၵ်ႈထႃႇဝရႃႉၼၼ်ႉၸိုင်၊ ၸင်ႇပဵၼ်ဢေႃႈ။

8ၵႂၢမ်းၼႆႉပဵၼ်ၵႂၢမ်းသဵတ်ႈၸႃႇဢေႃႈ။ ၵဝ်မီးဢလူဝ်ႇၶႂ်ႈႁႂ်ႈမႂ်းၵျူဝ်းၸႃးႁေႃးလၢတ်ႈလွင်ႈတၢင်းၸိူဝ်းၼႆႉ ႁႂ်ႈၶဝ်ၸိူဝ်းဢၼ်ယုမ်ႇမၢတ်ႈၽြႃးပဵၼ်ၸဝ်ႈၼၼ်ႉ လႆႈႁဵတ်းသတီႉ ႁႂ်ႈလႆႈၵမ်ၵျၢင်ႉ တၢင်းၵမ်တၢင်းၵျၢင်ႉ ဢၼ်လီဢၼ်ငၢမ်းယူႇသေႇသေႇဢေႃႈ။ လွင်ႈတၢင်းၸိူဝ်းၼႆႉပဵၼ် ဢၼ်လီဢၼ်ငၢမ်းဢမ်ႇၵႃး၊ ပဵၼ်ဢၼ်ၸၢင်ႈပွင်ႁဵတ်းဢၵျူဝ်းၵူၼ်းတင်းလၢႆဢေႃႈ။-

9ဝႄႈပႅတ်ႈပုၵ်ႈသႃႇ တီႈတွင်ႈတီႈထၢမ်ဢၼ်မိူၵ်ႈလပ်းသိင်ႇဢိၵ်ႇတင်း ၸရၢင်းၸိူဝ်ႉၶိူဝ်း သိုပ်ႇသိုပ်ႇတၢမ်းတၢမ်း တင်းတၢင်းဢၼ်ၽိတ်းၵၼ်တင်းတၢင်းဢၼ်တွပ်ႇၵၼ်ထဵင်ၵၼ် ၵွပ်ႈပိူဝ်ႈ ပိင်းၺၢပ်ႈတြႃးတင်းလၢႆၼၼ်ႉတႃႉ။ လွင်ႈမၼ်းၸမ်ႉ လွင်ႈတၢင်းၸိူဝ်းၼၼ်ႉ ဢမ်ႇမီးဢၵျူဝ်းလႄႈ ပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ဢေႃႈ။-

10ၵေႃႉဢၼ်ၽႄၵိူင်းၶႂၢႆးၵိူင်းၼၼ်ႉၸိုင် သင်ႇသွၼ်ပၼ်ႁႂ်ႈ တေႃႇထိုင်ႁွတ်ႈသွင်ပွၵ်ႈ ယဝ်ႉၸင်ႇ ပႄႇပႅတ်ႈႁေႃႈဢွၵ်ႇ သေတႃႉ။-

11ၵူၼ်းၸိူဝ်ႉၼင်ႇၼၼ်ၼၼ်ႉ ပဵၼ်ၵေႃႉဢၼ်မီးၸႂ်ဢၼ် ၶႂမ်ႈပိၼ်ႈပႅတ်ႈယဝ်ႉလႄႈ ႁူႉဢပႅတ်ႈတူဝ်ၸဝ်ႈၵဝ်ႇယူႇသေၵေႃႈႁဵတ်းဢပႅတ်ႈယူႇဢေႃႈ။

12မိူဝ်ႈဢၼ်ၵဝ်ပွႆႇၸႂ်ႉ ဢႃႇတေႇမႃႉ ၊ ဢမ်ႇၼၼ် တူႉၶိတ်ႈ ၵႂႃႇတီႈမႂ်းၼၼ်ႉၸိုင် ၵျူဝ်းၸႃးႁႂ်ႈလႆႈမႃးၸူးၵႃႈတီႈၵဝ် တေႃႇထိုင်ႁွတ်ႈ ဝဵင်း ၼီႉၵေႃးပလီႉ တႃႉ။ ၵဝ်ၵျၢမ်ႇတၵ်းယူႇ ၵႃႈတီႈဝဵင်းၼၼ်ႉ ႁႂ်ႈပူၼ်ႉၶိင်ႇၵတ်းဢေႃႈ။

13ၼင်ႇႁိုဝ် ၸေႇၼႃႉ ဢၼ်ပဵၼ်သြႃႇမေႃၵျၢမ်းလိၵ်ႈ ဢိၵ်ႇတင်း ဢႃႇပေႃးလူႉ တၵ်းဢမ်ႇလူဝ်ႇထႅင်ႈ သေၸိူဝ်ႉသေပိူင်ၸိုင်၊ ၵျူဝ်းၸႃးဢဝ်သူင်ႇ ၵႃႈတႃႈၵႃႈတၢင်းတႃႉ။-

14ႁႂ်ႈၵူၼ်းႁဝ်းတင်းလၢႆ သွၼ်ဢဝ်ႁႂ်ႈလႆႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းယူႇသေႇသေႇ ပုၼ်ႈလွင်ႈၼင်ႇႁိုဝ် တၵ်းမီး တီႈဢၼ်တူဝ်ၸဝ်ႈၵဝ်ႇ တၵ်းၸူၵ်းတၵ်းၸၢႆႇႁႂ်ႈ ဢမ်ႇလႆႈပဵၼ်ၵေႃႉဢၼ်ဢမ်ႇမီးမၢၵ်ႇမီးႁူင်းၼၼ်ႉတႃႉ။

15ၶဝ်ၸိူဝ်းဢၼ်မီးယူႇၵႃႈတီႈၵဝ်ၼႆႉ တင်းသဵင်ႈတင်းလူင် တၵ်ႉၼၢႆသူဢေႃႈ။ တၵ်ႉလၢတ်ႈၶဝ်ၸိူဝ်းဢၼ်ႁၵ်ႉပႅင်း ႁဝ်းၼႂ်းတၢင်းယုမ်ႇမၢတ်ႈၼၼ်ႉတႃႉ။ ႁႂ်ႈၵျေးၸူးၸဝ်ႈမီးၼိူဝ်သူ တင်းသဵင်ႈတင်းလူင်သေၵမ်းလူၺ်ႈ။ လိၵ်ႈဢေႃးဝႃႇတႃႉတီႉတူႉယဝ်ႉယဝ်ႉဢေႃႈ။

← Chapter 2 Jump to: