Zechariah 2

Sinhala Bile - Revised Old Version (SROV)

← Chapter 1 Jump to: Chapter 3 →

1තවද මා ඇස් ඔසවා බැලූ විට මනුෂ්‍යයෙක් මනින ලනුවක් තමාගේ අතේ ඇතුව ඉන්නවා දුටිමි.

2එවිට මම: ඔබ කොතනට යනවාදැයි ඇසීමි. යෙරුස-ලමේ පළල කොපමණද කියාත් දිග කොපමණද කියාත් මැන බලන පිණිසයයි මට කීවේය.

3එවිට මා සමඟ කථාකළ දූතයා පිටත්ව ගියේය, වෙන දූතයෙක් ඔහුගේ පෙරමගට ඇවිත් ඔහුට කථාකොට:

4ඔබ දුව ගොස් අර තරුණයාට කථාකර-යෙරුසලම තුළ මනුෂ්‍යයන්ගේද සිව්පාවුන්ගේද වැඩිකම නිසා පවුරු නැති ගම්වල මෙන් මිනිස්සු එහි වාසයකරන්නෝය.

5මක්නිසාද මම්ම ඒක අවට ගිනි පවුරක්ව ඒක තුළ තේජසව සිටින්නෙමියි කියා ස්වාමීන්වහන්සේ කියනසේකැයි කියන්නැයි කීය.

6හෝ, හෝ, උතුරු දේශයේ සිට පලා එන්නැයි ස්වාමීන්වහන්සේ කියනසේක. මක්නිසාද මම ආකාශයේ සතර දිග හුළං මෙන් ඔබ සැම විසිරෙවුවෙමියි ස්වාමීන්වහන්සේ කියනසේක.

7මෙන්න, බබිලෝන් දුව වෙත වසන සියොන්, මිදී වරෙන්නය.

8මක්නිසාද සේනාවල ස්වාමීන්වහන්සේ මෙසේ කියනසේක: ගෞරවය පැමුණුණයින් පසු උන්වහන්සේ ඔබ සැමගෙන් කොල්ලකෑ ජාතීන් ළඟට මා ඇරියසේක. මක්නිසාද ඔබ සැමට අත ගසන්නා උන්වහන්සේගේ ඇසේ කළු ඉංගිරියාවට අත-ගසන්නේය.

9එසේය, මම ඔවුන්ට විරුද්ධව මාගේ අත සොලවන්නෙමි, ඔව්හු තමුන්ට මෙහකෙළවුන්ට කොල්ලයක් වන්නේය. සේනාවල ස්වාමීන්වහන්සේ මා යැවූ බව ඔබ සැම දැනගන්නවා ඇත.

10සියොන් දුවණියෙනි, ගී කියා ප්‍රීතිවෙන්න. මක්නිසාද මම ඇවිත් ඔබ තුළෙහි වාසයකරන්නෙමියි ස්වාමීන්වහන්සේ කියනසේක.

11ඒ කාලයෙහි බොහෝ ජාතීහු ස්වාමීන්වහන්සේ ට එකතුවී මාගේ සෙනඟ වන්නෝය. මම ඔබ තුළෙහි වාසයකරන්නෙමි, ඔබද සේනාවල ස්වාමීන්වහන්සේ මා ඔබ ළඟට එවූ බව දැනගන්නෙහිය.

12ස්වාමීන්වහන්සේ ද ශුද්ධවූ දේශයෙහි තමන්ගේ කොටස ලෙස යූදා උරුමකරගන, යෙරුසලම නැවත තෝරාගන්නසේක.

13මාංසමයවූ සියල්ලෙනි, ස්වාමීන්වහන්සේ ඉදිරියෙහි නිශ්ශබ්දවෙන්න. මක්නිසාද උන්වහන්සේ ස්වකීය ශුද්ධ වාසස්ථානයෙන් නැගුටුණුසේක.

← Chapter 1 Jump to: Chapter 3 →