bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
1 Chronicles 17
1 Chronicles 17
Sidamo
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
1
Moote Daawiti mootimmasi mine hee're, himanaancho Naataani woshshiishe, «Kune ani daguwunni minnoonni minira noommo. Maganunnihu Gondooru Taabooti kayinni dukkanu giddo no!» yii.
2
Naataanino daware, «Maganu ate ledo noona, wodanikkinni hedoottore baala assi» yiisi.
3
Hakko hashsha kayinni Maganu Naataanira,
4
«Marte soqqamaanchi'ya Daawitira, ‹Ani hee'reemmoha Qullaawa Mine minattoehu ate di"ikkootto.
5
Israeelete manna Gibitsetenni gatise fushshummo warinni kayise xaa geeshsha, dukkanu giddo galanni dargunni darga sa"anni hee'roommo ikkinnina mine dihee'roommo.
6
Israeelete manni ledo ha'rummo yanna baalantera manni'yara allaalaasine asse woroommo albisooti giddonni mittuno daguwunni mine minaera dixa'mi'roommo.›
7
«Kunnira xaano Daawiti soqqamaanchi'yara, ‹Olantote Mootichi Kaaliiqi, ate ge'reewo allaaltanni noottoha manni'yara Israeelete albisa ikkatto gede haa'roommohe.
8
Ha'rittowa baala ate ledo noommo; alba higge ha'ritto bikkinni diinakki baala qeeloommohe. Kunni ka'ano baattote aana egennantino jajjabbi gede maccaha asseemmohe.
9
Manni'yara Israeelete mitto darga doore hakkiicho heedhanno gede assoommo. Hakko heedhannowa kunni ka'a gadadu diamadannonsa. Kawiira daggeenna gashshitannonsare worummonsahunni kayisse, haxawarra gosa yanna yannantenni qassinonsa. Kunni ka'a kayinni diinna'ne shollisheemmo. « ‹Minekkino seekkeemmo.
11
Dirikki goofeenna annuwakkinni xaadatto yannara, ate giddonni fulannoha mitto kayise moohiseemmo. Gashshootesino jawaachisheemmo.
12
Mine'yano isi minanno; gashshootesi muramannokki gede geedonniha asseemmo.
13
Ani anna ikkeemmosi; isino beetto ikkannoe. Isi darga ate moohisate gashshootisi aaninni dirrisummohu Saaooli gede asse kaa'lo'ya beettikki mulinni dixeertiseemmo.
14
Manni'yanna gashshooti'ya aana hegere geeshsha moohiseemmosi; gashshootisirano gawalo diheedhanno yiino› yite kulisi» yii.
15
Kunni garinni Naataani Maganu xawisinosire baala Daawitira kulisi.
16
Hakkunni gedensaanni Moote Daawiti e"e Dukkanu giddo Kaaliiqi albaanni ofolle, «Kaaliiqa'ya, konne baala coye assittoehu ani ayeti? Maate'yano hiittenneeti?
17
Kaaliiqa Magano'ya, xaano kune hakkiinni sainore assitanni noottoe; kunni ka'a daggara nootera ilama'yarano hexxo ootto; aneno jawu manchi gede assite kiiroottoe.
18
Ati ane soqqamaanchokki egennoottoe; ayirrinyeno oottoe. Kunninni sae ani maa coy'reemmo?
19
Coyi'rootto qaali daafiranna hedootto hedo garinni konne jawa coye assite, ane soqqamaanchikkira leellishootto.
20
Kunnira Kaaliiqa'ya, ate gedeehu dino; maccankenni macciishshinummonte gede ate agurranna wolu Magani nookkita anfoommo.
21
Mannakki assidhe Gibitsete borojjimmanni gatisse fushshoottoti Israeelete gedee gosa mama no? Insara assootto dhaggenna maalale gobba baalate su'makki egensiissino. Mannakki Gibitsetenni fushshite dargansa amadanno gede wole gosa shorrite hunootto.
22
Mannakki Israeeleno hegerera ateha assi'rootto. Mooticha, atino Maganonsa ikkootto.
23
«Xaano Kaaliiqa, albillittete yanna baalantera aneranna maate'yara ootto hexxo wonshi.
24
Su'mikki hegere geeshsha ayirrado ikkanno. Mannuno, ‹Olantote Mootichi Kaaliiqi Israeelete Maganooti› yaanno. Gashshoote'yano geedonniha assatto.
25
Israeelete Magano, ane soqqamaanchikkira konne coye baala xawisoottoe daafiranna sircho'yano moohisattota kuloottoe daafira, tenne galatu huuccatto atewa shiqishi'ra dandoommo.
26
«Ati Kaaliiqi Maganoho. Anerano tenne dhaggeeffantanni hexxo oottoe.
27
Kaaliiqa Mooticha'ya, maate'ya geedonnita assite maassi'ratto gede huucci'reemmohe. Kune maate'ya maassi'rootto. Maassokkino hegere geeshsha insa ledo heedhanno» yii.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29