1 Chronicles 5

Sidamo

← Chapter 4 Jump to: Chapter 6 →

1Yaiqoobihu bayiru beetti Roobeeli, (Roobeeli annisita irkote galte uggino daafira bayirreenyesi Yooseefi oosora uyinoonni.

2Ikkollana wo'munkunni roore jawaatunna ga're baalantera albisa ikkannohu Yihudu ga're giddonni fulanno.)

3Roobeeli Hanooki, Faalu, Hetsirooninna Kariimi yinannire 4 ooso ilino.

4Iyueeli ilama Shemaiya, Googi, Shimi"i, Miika, Reaya, Beaaliitinna Be"eeraati. Asoori moote Telgeltefelsoori gosate albisa ikkinoha Be"eera qafade haa're ha'ri.

7Ayiddu su'ma amaddino taje giddonni anfoonni garinni Roobeeli ga'rera boosaallu boosaallu albisooti: Yi"ieeli, Zakkaariyaasiitinna

8Iyueeli boosaallinni Shemaira beettu beetti Azaazi ilinohu Beelaiiti. Kuni boosaalli Aroeerinna hakkiinnino sae aliyyeenni Nebonna Ba"aalimeooni gashshooti giddo hee'ranno.

9Insa Geleaadi gobbara lowo saada ce'ino daafira, soojjaatoonni Efiraaxisi Wayi geeshsha noota halallitte baatto baala amaddu.

10Moote Saaooli gashshooti yannara Roobeeli ga're Hagaroota qasse baalanka shite gudde, Geleaadira soojjaatoonni noota baattonsa adhite uminsata assidhu.

11Gaadi ga're Roobeeli ga'rera aliyyeenni heedhanno. Insa heedhannowi Baasaani gobbara soojjaatoonni Saleka yinanniwi geeshsha iillanno.

12Iyueeli mittu qaru boosaallira annaho; Shaafaami qole layinki deerrira noo boosaallira annaho; Yainayinna Shefaaxi Baasaani hee'rannohura wolu boosaallira annuwate.

13Gattinori tenne ga're ilama: Mikaaeeli, Meshulaami, Saaba, Yoorayi, Yaikaani, Ziianna Eeboori yinanniha 7 boosaallo giddo amaddino.

14Insano Huuri beetti Abihayili godowaati. Akaakkansa: Abihayili, Huuri, Yaaroha, Geleaadi, Mikaaeeli, Yeshishayi, Yahidootinna Buuziiti.

15Guunira beettu beetti Abidieeli ilinohu Ahi, kunni baalunku boosaallira roorrichaho.

16Kuni manni baalunku Baasaaninna Geleaadi gobbara nootera shiimmaadda katammaranna Saarooni hayisso noo gobba baalate hee'ranno.

17Tenne ilamate su'ma amaddino taje borreessinoonnihu Yihudu moote Iyoaataaminna Israeelete moote Iyorbiaami yannaraati.

18Roobeeli, Gaadinna soojjaatoonni heedhannotera Minaase ga'rera wonqotenninna bisetenni hattono digaanunni olamate qixxaabbinori 44,760 olanto noonsa.

19Insano Hagarootu sircho ikkitinore: Yexuuri, Nafiishinna Noodaabi ilama qassara gaaddu.

20Tini olanto kaa'lannonsa gede hexxite Magano huuccidhu. Maganuno huuccattonsa macciishshe Hagaroota ha'litinonsari baalu ledo qeeltanno gede assi.

21Diinu angannino 50,000 gaala, 250,000 ge'reewonna 2,000 harre horritu. Hattono 100,000 manna qafaddu.

22Olu Maganu yiinoha ikkino daafira, lowo diina shitu; insa uminsa qafadante hadha geeshsha hatte gobbara heedhu.

23Soojjaatoonni nooti Minaase ga're aliyyeenni Ba"aalihermooni, Seniirinna Hermooni Ilaali geeshsha nootera Baasaani gobbara heedhanno. Insa manni kiirono lowote.

24Boosaallu boosaallu roorrooti: Efeeri, Yuushi"i, Eelieeli, Azirieeli, Ermiyaasi, Hodawuyanna Yahidieeliiti; insa baalunku egennantino roorrootaatinna bagadaanooti.

25Roobeeli, Gaadinna Minaase ga're daratu akaakkansa Maganira diammanantino. Magano agurte baattote aaninni shorre hunino gosa maganna magansidhu.

26Kunnira, Maganu Puuli woy Asoori moote Telgeltelfelsoori kayise qasannonsa gede assi. Telgeltelfelsoorino Roobeelita, Gaaditanna soojjaatoonni noota Minaase ga're qafade haa're ha're, techo geeshsha heedhannotera Halaahi, Haboorinna Haara hattono, Goozaani Wayi mule heedhanno gede assi.

← Chapter 4 Jump to: Chapter 6 →