bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
1 Kings 22
1 Kings 22
Sidamo
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Lamu diri aleenni Sooriyunna Israeelete mereero olu uurreenna keere heedhu.
2
Ikkollana sayikki diro Yihudu moote Iyosaafiixi Israeelete moote Akiaabi la"ara ha'ri.
3
Akiaabi balaxe ledosi gashshaanora, «Geleaadi noohu Raamooti Katami dininkeho? Sooriyu moote anganni mayira adha hoongummo?» yiino.
4
Akiaabi Iyosaafiixi, «Raamooti Geleaadi Katama qasa kaa'lattoeni» yee xa'mi'ri. Iyosaafiixino, «Atilla qixxaawittoro ani ledokki noommo. Olanto'yanna faradi'yano ate anga no.
5
Ikkollana, hanni balanxe Kaaliiqi yaannore anfo ikka?» yii.
6
Akiaabino 400 himanaano woshshe, «Mare Raamooti Katama qasonso aguro?» yee xa'minsa. Insano, «Kaaliiqi qeelle aannohena, marte qasi» yitusi.
7
Iyosaafiixi kayinni, «Kaaliiqi yaannore kulannonkehu wolu himanaanchi dinoni?» yee xa'mi.
8
Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.
9
Hakkunni gedensaanni Akiaabi ledosi gashshaano giddonni mitticho woshshe, «Rakke Yimila beetto Mikaya hasse abbie» yii.
10
Hatte yannara lamenti mootoolla mootimmate imaana uddidhe, Samaariyu huxxi waalchi mule ayirrado barcimmara ofolte heedheenna, himanaano baalanti albansaanni dagge himana coyidhanni no.
11
Insa giddonni mittichu Kenaina beetti Sedeqiyaasi siwiilunni seekkinoonni buudda haa're Akiaabira, «Kaaliiqi, ‹Tenne buuddanni Sooriyoota qasse qeelle angara adhatto› yaannohe» yiisi.
12
Wolootu himanaanono ledde, «Qeelattona, Raamooti Geleaadira gaadi. Kaaliiqino qeelle aannohe» yitusi.
13
Hakko mereero woshshara marino sokkaanchi Mikaya, «Kuneeti wole himanaano baalanti mittu afiinni Akiaabi qeelannota kultanni no. Atino insa yitinota yiittoro woyyate» yiisi.
14
Mikaya qole, «Kaaliiqi halaaleeti. Kaaliiqi kulannoere calla coyi'reemmo» yee dawarisi.
15
Mikaya dayenna Akiaabi, «Mikaya! Moote Iyosaafiixinna ani ha'ne Raamooti qansonso agurro?» yee xa'misi. Mikaya daware, «Ee, Kaaliiqi qeelle aannohena, marte qasi!» yiisi.
16
Akiaabi kayinni, «Me"e hige kuleemmohe? Kaaliiqi su'minni coyi'ratto woyite halaalaancho himana kuliewe yoommohe!» yii.
17
Mikaya daware, «Israeelete olanto baala allaalaanchu nookki ge'reewi gede ikkite ilaallate aana billaallitanna afoommo. Kaaliiqino, ‹Kuni manni gashshannoha diafi'rino. Kunnira rahe keerunni qae higo› yiino» yiisi.
18
Akiaabi Iyosaafiixira, «Isi anere bushare ikkinnina danchare horonta dicoyi'ranno diyuummohe?» yii.
19
Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.
20
Isino, ‹Akiaabi ha're Raamooti reyanno gede ayi mare so'risiisa ikka?› yiino. Sokkaasinete giddonnino mitu mitte hedo, woluno qole wole hedo shiqishino.
21
Gedensaanni mittu ayyaani Kaaliiqiwa shiqe, ‹Ani so'risiisa dandeemmo› yiino.
22
«Kaaliiqino, ‹Hiitto assite so'risiisatto?› yee xa'mi. «Hakku ayyaanino, ‹Mare Akiaabi himanaano baala kapho himantanno gede asseemmo› yiino. «Kaaliiqino, ‹Maahoyyena marte so'risiisi. Yootto coyi ikkannohena› yiino» yiisi.
23
Mikaya lede, «Kuni ikkanni noo coyino isooti. Himanaanokki kapho kultannohe gede assinohu Kaaliiqaati. Bao daggannohe gedeno Kaaliiqi coyi're kaino» yee hasaawasi gudi.
24
Coyi're gudihu gedensaanni, Sedeqiyaasi daye Mikaya qawaade, «Kaaliiqi Ayyaani anewiinni sae atera mamoote coyi'rihe?» yiisi.
25
Mikayano, «Mineho holgeenni sa'e maaxamatto woyite afattona» yee dawarisi.
26
Hatte yannara Akiaabi mitto mancho, «Mikaya amadde katamu gashshaanchiwa Amooniwanna mootete beettiwa Iyoaasiwa haadhe massite,
27
ani oluwiinni keere higammo geeshsha usuru minira eessite moola timanna waa calla uyitannosi gede kulinsa» yii.
28
Mikayano, «Ati keere higittoro, Kaaliiqi anera dicoyi'rinoe yaate» yiisi. Qole qoonqosi naggi asse, «Konne heedhinoonni manni baalu, coyi'rummore habbinoonte!» yii.
29
Hakkunni gedensaanni Israeelete moote Akiaabinna Yihudu moote Iyosaafiixi Raamooti Katama qassara Geleaadira hadhu.
30
Akiaabi Iyosaafiixira, «Olaho fulleemmo woyite ani wolu manchi gede ikkeemmona, ati kayinni mootimmate imaanakki uddi'ri» yiisi. Kunnira Akiaabi uddano soorri're wole lawe gaadi.
31
Sooriyu moote, 32 faradi gaarete hajajaano, «Israeelete moote agurranna wole mitto manchono kissinoonte» yee soyino.
32
Insano Iyosaafiixi affe Israeelete moote laweennansa shitara doyissitanno woyite, Iyosaafiixi raareenna,
33
Israeelete moote ikkinokkita buuxxe, shaa agurtusi.
34
Mittu Sooriyu gaaddichi olino maxxi kayinni hedeweelcho Akiaabira qodho xaaddinowa qasi. Akiaabino faradi gaare gananni nooha, «Madi'roommona olu giddonni badhe qolte fushshie!» yii.
35
Olu bati'ranni ha'ri geeshsha Akiaabi Sooriyootaho alba hige faradi gaare irki're no. Madate giddonni fultanno mundee faradi gaare shanshitu. Isino hatte hawarronni reyi.
36
Arrishsho e'ara rakkuta Israeelete gaadaannuwa, «Olu uurrinona, mannu baalunku gobba gobbasinna qae qaesi higo!» yitu.
37
Akiaabino kunni garinni reenna, reeshshasi massine Samaariyaho madaarri.
38
Faradi gaaresino fooru meenti biso hayishshi'rinotera Samaariyu kofamera hayishshini. Alba Kaaliiqi coyi'rinonte gede mundeesi woshshu laci.
39
Akiaabi assinori wolu coyi baalu, mootimmasi mine daaniichu hinkonni asse biifisino garinna mi'nino katamma baalanniri Israeelete mootoolla dhagge amadino maxaafira borreessame no.
40
Akiaabi annuwasinte gede reenna, beettisi Akaaziyaasi isi darga moohi.
41
Akiaabi Israeelete moohihunni shoolki diro, Aasa beetti Iyosaafiixi Yihudaho moohi.
42
Isino 35 dirisinni moohe, Yerusaalame teesso assi're 25 diro gashshino. Azuuba yinanniti amasi Shilihi beettooti.
43
Iyosaafiixi annisi Aasa gede Kaaliiqi baxanno coye assino; ka'anna kawa dihigino. Ikkollana kaphu maganna magansi'rate gaarrate aana seekkinoonni darguwa didiigino. Kunnira mannu hakkiicho kakkalanna hixaana giira diagurino.
44
Iyosaafiixi Israeelete moote ledo namoome hee'rino.
45
Iyosaafiixi assinohu wolu coyinna olu bareendesi baala Yihudu mootoolla dhagge amadino maxaafira borreessante no.
46
Annisi Aasa gashshooti kawa dagate maganna magansi'nanniwa noore mimmitu ledo fooranno meentonna labballo baala gudino.
47
Hatte yannara Edoomi gobbara moote dino. Kunnira Yihudu moote lekkasi asse worinohu gashshino.
48
Moote Iyosaafiixi baara tayisse Ofeeri culka abbitannosi markabba seekkisiisi'rino. Ikkollana markabba Etsiyoonigabiiri yinanni malkara hiiqqantino daafira ha'ra didandiitino.
49
Hakkunni gedensaanni Israeelete moote Akaaziyaasi markabbasi amaddannori Iyosaafiixiri ledo loossanno gede mala shiqisheenna Iyosaafiixi giwino.
50
Iyosaafiixino annuwasinte gede reenna, Daawiti Katamira annuwasi waammawa madaarroonnisi. Beettisi Iyoraami isi darga moohi.
51
Iyosaafiixi Yihudaho moohihunni tonaa lamalki diro, Akiaabi beetti Akaaziyaasi Israeelete moohi. Samaariya teesso assi're Israeele 2 diro gashshino.
52
Isino amasi Elzaabeeli, annisi Akiaabinna Israeele cubbu giddora eessihu moote Iyorbiaami gede Kaaliiqi giwanno coye assino.
53
Ba"aali magansi'ranninna isira soqqamanni, annisinte gede Israeelete Magano Kaaliiqa hanqisino.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22