bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
1 Samuel 25
1 Samuel 25
Sidamo
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Saamueeli reenna Israeelete manni baalunku gamba yee wi'lisi. Hakkunni gedensaanni Raama massite qaesira madaartusi. Daawiti noowiinni kae Maooni Halalla ha'ri.
2
Hakkiicho Maooni Katamira mittu lowo geeshsha dureessu manchi no. Isira Qermeloosi Katami mule loosi'nanni baatto noosi; qoleno 1,000 me"enna 3,000 ge'reewo afi'rino. Manchu su'mi Naabaaliiti; ilaminohu Kaaleebi ga're giddooti; galtesi su'mi Abigiyaati. Ise xumatenna xiinxalla manchooti. Ayiddaannise kayinni busha kaajjadohonna do'nichaho. Isi mitto barra Qermeloosi ge'reewisi orda haxi'ranni hee'reenna,
4
Daawitino halalla hee're Naabaali ge'reewu orda haxi'ranni noota macciishshe,
5
tonne wedella, «Naabaaliwa Qermeloosi marre. Keere'yano iillishshinesi,
6
‹Dirikki seedo! Ati, minikki manninna jajjikki baalu keere ikko.
7
« ‹Ge'reewu orda haxidhanni noottota macciishshoommo. Allaalaasinekki ninke ledo noo yannara, digawajjinoommonsa. Qermeloosi noo yanna baalantera mitturino dibainonsa.
8
Insa xa'mittoro nafa kultannohe. Kune ninke techo jilu aana dangoommona, mararte sagale aattonke gede beettikki Daawiti soyinonke› yitine kulle» yee soyi.
9
Daawiti manni hakkiira iillite, Daawiti su'minni sokka iillishshuhu gedensaanni Naabaali qolannonsa dawaro agadhitu.
10
Naabaalino Daawiti soyino mannira, «Isi afummona Daawiti ayeti? Isseyi beettino hiikkonneeti? Tenne yannara mootichinsawiinni fulte ba'ino borojji kiiro dihaammataho?
11
Sagale'yanna waa'ya, ge'reewo'ya haxxannoerira gorri'roommoha hiikkiinni dagginoro anfoonnikkirira mayira uyi'royya?» yii.
12
Daawiti mannino galagalte dagginowa higge, Naabaali yiinonsata baala Daawitira kultusi.
13
Daawitino mannasi, «Baalunku bagado'ne adhitine ka'e» yee hajaji. Mannisi baalunku yiino garinni qixxaawi; Daawitino umisi bagado adhe kai. Daawiti 200 manna uduunne agaranno gede gatise, 400 manna hoode adhe ha'ri.
14
Naabaali soqqamaasine giddonni mittu Abigiyara, «Daawiti keere affara halallinni soyino manna mootichinke xonatenni amade qolita afitta?
15
Hakku manni ninkera lowo geeshsha dancha mannaati; mittoreno diqarrisinonke; xawoho ledonsa keeshshinummo geeshshano bainonkeri dino.
16
Ge'reewonke allaa'linanni ledonsa hee'nummo yanna baalantera, hashshano barrano huxximma gaangeessite agartinonke.
17
Xa kayinni mootichankenna minesi baala qarru amadaraatina, hanni malte mitto coye assi. Isi woyite wodana shota ikkino daafira coyi'nannire dimacciishshanno» yitu.
18
Abigiyano rakke 200 timma, 2 okole woyinete xajje, ontu ge'reewi maala, 5 saffe xoxxoo, 100 mooshshinoonnita woyinete laalonna 200 mooshshinoonniha balasete qeeqqa haadhe harrete hogobbu.
19
Hakkunni gedensaanni soqqamaasinese, «Ani hoode'ne dayemmana, alba higgine hadhe» yitunsa. Ayiddaannisera kayinni mittoreno dikultino.
20
Iseno harrichosera ofolte gaaru laayyo amadde dirritanni heedhe, hedeweelcho eela higge dirritanni noorinni Daawitinna mannisinni xaaddu.
21
Isenni xaadara albaanni Daawiti, «Mitturino ba"annosikki gede kunni manchiha jajjasi baala halalla towata'ya hada bunshete ikkitu? Assoommo galatira tenne qolie?
22
Ga'a soodo minesi nooha labbaaha baala mittuno gatikkinni guda hoogummoro Maganu afoe!» yiino.
23
Abigiyano Daawiti affanni heedhenni rakke harrichote aaninni dirrite, Daawiti albaanni kumbuultu.
24
Lekkasira ubbe, «Mooticha'ya, anera xissoena, ballo ani soqqamaanchokki coyi'reemmare macciishshie.
25
Mooticha'ya, hakkonne shotu wodaniha Naabaali la'ooti; isi su'misinte gede gowwaho. Ani soqqamaanchokki kayinni ati sootto manni dayita diafoomma.
26
«Mooticha'ya, Heeshshote Kaaliiqi su'minni xaareemmana, halaalikki afanna rabbisi'rate yite anga sa"attokki gede Kaaliiqi agarinohe. Xaano baarigaarrakkiranna ate gawajjitara hasidhannorira Naabaalira iillannori iillonsa;
27
ballo konne abboommahe afansha haadhe, ledokki noo mannira uyinsa.
28
Ati Kaaliiqi ola olantanni nootto daafira, Kaaliiqi gashshootekki geedonniha assannona, eeggatena ane soqqamaanchokkira konne coye saie. Lubbotenni nootto geeshsha busha coye assitooti.
29
Shaahera hasi'rannohu hee'riro nafa, Maganikki Kaaliiqi kikki'lasi giddo maaxannohe. Baarigaarrakki lubbo kayinni, corqaayyetenni ollanni kinchinni roore wigidiide tuganno.
30
Kaaliiqi dancha hexxo uyinohe garinni danchare assannohe woyitenna Israeelete aana moohisannohe yannara,
31
beebbatenni shoottohunna rabbisi'roottohu nookki daafira, dadillisannoherinna gaabbisannoheri dihee'ranno. Kaaliiqi danchare assannohe yannara ane soqqamaanchokki habbootie» yitusi.
32
Daawitino Abigiya, «Ate techo anewa soyinohehu, Israeelete Magani Kaaliiqi galataminoha ikko.
33
Mannu mundee duneemmokki gedenna umi'ya rabbisi'reemmokki gede assattaera tenne hayyo uyinohe Magani galatamo; aterano Maganu ikkohe.
34
Gawajjeemmohekki gede agarinoehu Israeelete Magani Heeshshote Kaaliiqi afanna, togo anewa rakke daa hoogoottaro, ga'a soodo Naabaali mine noo labballi mittuno gatikkinni goofe hoogino» yiise.
35
Hakkunni gedensaanni Daawiti abbitinosire angasenni haa're, «Coyi'roottare macciishshoommo; yoottareno adhoommona, keerunni ha'ri» yiise.
36
Abigiya minira iillitu yannara, Naabaali moote jiltanno gedee jili aana no; lowo geeshsha dimbe noo daafira isonoo diafino. Kunnira sooda geeshsha mittoreno dicoyidhinosi.
37
Soodeenna dimbu higisihu gedensaanni, hadhe daggu gara kulteennasi mase qiide milli yaa hoogi.
38
Tonnu barri gedensaanni, Kaaliiqi Naabaali haa're hooli.
39
Daawitino Naabaali reyinota macciishshe, «Naabaali xoninoe daafira rabbisinoehu ane soqqamaanchosino busha assatenni agarinoehu Kaaliiqi galataminoha ikko. Naabaali loosinori amadannosi gede assino» yii. Daawitino Abigiya galte assi'rara hasi're sokka soyise.
40
Daawiti soqqamaasine Qermeloosi marte Abigiyara, «Daawiti galtesi ikkatta gede hasire soyennanke haa'ne ha'nammohera dangoommo» yituse.
41
Iseno alba higge kumbuultuhu gedensaanni, «Ani soqqamaanchosiiti; soqqamaanosi lekka nafa hayishshate qixxaawate» yitu.
42
Abigiya rakke ka'e harricho guluffe 5 soqqamaanose hoodete adhite, Daawiti soqqamaano ledo hadhu; marte Daawitira galte ikkitusi.
43
Hakkunnira albaanni Daawiti Akinahoomi yinannita Iyiziraeelitte adhe no; lamenti meenti galte ikkisi.
44
Saaooli, alba Daawitira uyinota beettosi Melkooli, Galiimi Katamira ilaminohura Layishi beettira Felxieelira uyino.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31