1 Thessalonians 1

Sidamo

Jump to: Chapter 2 →

1Maganu Annunna Mootichu Yesuusi Kiristoosire ikkitinoonnirira Teselonqe beetekiristaanera Phaawuloosi, Silaasinna Ximootewoosiwiinni eltonna keeru ledo'ne hee'ro.

2Ki'ne wo'manka woyite huuccattonkenni qaanganni, Maganoho galata shiqinsheemmo.

3Maganinkenna Anninke albaanni ammana'nenni leellishshinanni looso, baxilli'ne jaantenna Mootichinke Yesuusi Kiristoosinni afidhinoonnita jawaata hoxxo wo'manka woyite qaangeemmo.

4Maganu baxino'ne roduuwa, Isi ki'ne doodhino'neta anfoommo.

5Danchu Duduwi ki'newa wolqatenninna Qullaawu Ayyaaninni, wo'ma buuxanni ikkinnina qaalu callunni didayino. Ledo'ne hee'noommo yannara, ki'ne daafira yine hiitto ikkinoommoro affinoonni.

6Lowo qarri iilli'nerono, Qullaawu Ayyaaninni afidhinoonni hagiirrinni sokka macciishshitine, ninkenna Mootichu Yesuusi faale hadhinoonni.

7Kunnira Meqedooniyahonna Akayaho heedhanno ammanaano baalate dancha lawishsha ikkitinoonni.

8Mootichu qaali ki'newiinni kae Meqedooniyanna Akaya iilla calla ikkikkinni, Magano ammana'ne base baalate egennantino. Kunnira ninke wole coye lede coyi'ra dihasiissannonke.

9Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

10Hattono Maganu reyotenni kayisinohunnita, daanno hanqinni gatisannonkehunnita, Beettisi Yesuusita gordunni daasi agadhitine heedhinoonnita farcidhanno.

Jump to: Chapter 2 →