1 Thessalonians 5

Sidamo

← Chapter 4 Jump to:

1Roduuwa, hatte yannarenna hakko barrire borreessinammo'nera dihasiisanno.

2Mootichu barri, hashshi mooraanchi gede ikke daannota ki'nenni seekkitine egentinoonni.

3Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

4Ki'ne kayinni roduuwa, tunsichu giddo heedhinannire di"ikkitinoonni. Kunnira barru hedeweelcho mooraanchimma didaanno'ne.

5Ki'ne baalunku xawaabbunna barri mannaati. Hashshi woy tunsichu manna di"ikkinoommo.

6Kunnira, wolootu gede goxa agurre, xaate baqqi yine jilbunni hee'no.

7Goxannohu hashsha goxanno; dimbitannorino hashsha dimbitanno.

8Ninke kayinni barri manna ikkinoommohura, jilbunni hee'no; ammanannitanna baxillunnita siwiilu uddano uddi'no. Gatote hexxono siwiilu gullee gede assine umoho wodhino.

9Maganu hanqoho ikkikkinni, Mootichinke Yesuusi Kiristoosi widoonni hinge gato afi'nammora woshshinonke.

10Isi reyinonkehu, hee'nummorono reyinummorono ledosi hee'neemmo gedeeti.

11Kunnira xa assitinanni heedhinoonninte gede, mimmito'ne jawaachishshenna dhaabbe.

12Roduuwa, ki'ne giddo'ne daafurtinore, Mootichunni gashshitino'nerenna seejjitino'nere ayirrissinanninsa gede huucci'neemmo'ne.

13Loossino loosira lowo ayirrinyinna baxillu hee'ro'ne. Mimmiti'ne ledono keere heedhe.

14Roduuwa, amaalleemmo'nena cee'maleeyye seejje; waajjaleeyye jawaachishshe; wolqiweeloota kaa'le; manna baala dandee.

15Bunshe assinohura ayino bado qoloonke. Hatteentenni wo'manka woyite mimmiti'neranna wolu manni baalaho dancha coye assate jawaatte.

16Wo'manka woyite hagiidhe!

17Agurtinikkinni huuccidhe!

18Baalunku coyira galaxxe! Yesuusi Kiristoosinni afidhinoonni heeshshonni Maganu ki'newiinni hasi'ranno coyi konneeti.

19Qullaawu Ayyaani giira xoyissitinoonte;

20himanano mishshinoonte.

21Baalanka coye fonqoltine la'e; dancha ikkinoha adhe.

22Bushu coyi baaluwiinni xeertidhe.

23Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

24Woshshino'nehu ammanaminoha ikkino daafira, konne coye assanno.

25Roduuwa'ya, ninkerano Magano huuccenke!

26Roduuwa baalanka, qullaawa sunqamanni keere haadhe.

27Tenne sokka qullaawootu roduuwi baalaho nabbabbinanni gede Mootichu su'minni eegammeemmo'ne.

28Mootichinke Yesuusi Kiristoosi elto ki'ne ledo heedho!

← Chapter 4 Jump to: