Amos 9

Sidamo

← Chapter 8 Jump to:

1Kaaliiqi kakkalote dargi mule uurre nooha afoommo. Isino, «Uurrinanni dargi shafamanno gede, Qullaawu Mini heelliicho gani; minu tattae mannu aana uwanno gede assi. Hakkiinni gattinore ani bagadunni gudeemmo; xooqannohu xooqe fule diafanno; xooqe fulinoha lawannosihuno digatanno.

2Bale u'mite jeennaate dirrituro nafa, ani insa hakkiinni haa're fushsheemmo; iimira gordo higge buubburo nafa, galagalche uullara dirriseemmonsa.

3Qermeloosi Ilaali birxera marte maaxanturono, faana gane hakkiinni dirriseemmonsa; baaru giddora e'e anewiinni maaxanturono, qasanno dhudhuufa hajajeemmo.

4Diinnansa qafadde haadhe hadhunsarono, shitannonsa gede qafaddinonsare hajajeemmo. Kunni garinni ani insa kaa'late ikkikkinni, hunammora kaoommo» yii.

5Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

6Maganu hee'rannowa gordoho mi'nino; gordo baattote iimaanni qole guggushshi. Baaru waa gordu iimira fushshe, galagale baattote aana lolaasanno; konne baala assannohu Maganoho; su'misino Kaaliiqaati.

7Kaaliiqi, «Israeelete manna! Ki'ne anera Itiyophiyu manni gedeere di"ikkitinoonni? Ki'ne Gibitsete gobbanni fushshummonte gede, Filisxeemete manna Kereetinni, Sooriyu mannano Qiiri gobbanni fushshoommo.

8Olantote Mootichi ani Kaaliiqi, haxawarra Israeelete gashshoote illaallise laeemmo; insano gobbate aaninni huneemmo; ikkirono, Yaiqoobi sircho co'o asse digudeemmo.

9«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

10‹Mittuno bushu coyi di"iillannonke woy diamadannonke› yitanni, manni'ya giddo boo'nitanno cubbaataammi baalu olu giddo reyitanno» yii.

11Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

12Kunni garinni Edoomi gobbanni gattinorenna, woloota su'mi'yanni woshshantanno gosa baala ragidhanno. Konne baalankare asseemmohu ani Kaaliiqi konne coye coyi'roommo» yii.

13Kaaliiqi lede, «Gide murre gundikkinni, loosi'nanni yanna dagganno; woyinete laalo huuncine gundikkinni, woyine kaansanni yanna dagganno. Hatta yannara ilaalla, coommitannota haaro woyinete xajje fushshitanno; tulluwate aanano woyinete xajje lolakkanno.

14Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

15Manna'ya Israeele oommonsa baatto aana kaaseemmo; layinkimeeshsho hakkiinni dibuqqisantanno. Konne coye coyi'roommohu ani Kaaliiqi Magano'neeti» yii.

← Chapter 8 Jump to: