bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Ezekiel 21
Ezekiel 21
Sidamo
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Kaaliiqi,
2
«Koo manchi beetto, Yerusaalametenna mannu magansi'rannowa himana coyi'ri.
3
Ani Kaaliiqi yeemmore kulte Israeelete gobba qorophisiissanni, ‹Ani diinakkiiti; bise'ya fushshe danchanna busha badummokkinni duuchanka sheemmo.
4
Bise'ya fushshe wodiidinni aliyye geeshsha, danchanna busha badummokkinni duuchanka gudeemmo.
5
Ani Kaaliiqi bise'ya fushshoommotanna galagaleno kou giddora qoleemmokkita mannu baalu afino.
6
«Koo manchi beetto, mannu baalu afannohewa heedhe, hexxo mudhite dadillitanni uri!
7
‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.
8
Kaaliiqi,
9
«Koo manchi beetto, himana coyi'ri; ani Kaaliiqi yeemmore mannaho kuli. Bise, gamanxoonnitanna fiinoonni bise,
10
shitara gamanxoonni; banqote gede bilicci yitara fiinoonni. Manni'ya qorophishiishsha'yanna, qoricha'ya lashshi assinohura, kunni ka'a hagiirru dihee'ranno.
11
Bise fiine amandanni gede, gamanxe fiine shaannohura uyinoonni.
12
Koo manchi beetto, tenne bise qixxeessinoonnihu, manna'yanna Israeelete albisoota guddaraatina raari. Insano gatino manni'ya ledo reyitanno; kunnira, hexxo mudhite umo ga'ni.
13
Kuneeti ani manna'ya fonqoleemmo; aagintaabbe higa gibburo, kuni duuchunku aanansa daanno.
14
«Xaano koo mancho, himana kuli; qeexaa'li; biseno ledde ledde gantona; iseno shitannote; gaangeessite amadde gorritannote.
15
Manni'ya mase uwanno gede assitanno; banqote gede bilicci yitanna, shaate qixxeessinoonni bisenni, kataminsara dano tugammoraati.
16
Ati iibbado bise, qiniitenna gura murmuri; iillittawa baala muri.
17
Ani qeexaa'leemmo; hanqi'yano qiidanno; ani Kaaliiqi konne coye coyi'roommo» yiie.
18
Kaaliiqi,
19
«Koo manchi beetto, Baabilooni moote bise haa're daanno woyite, ha'rannota lamenta doogo malaatisi. Lamenti doogo mittu darginni ka'inota ikkitinohura, lamenti doogo baxxite addi addi raga hadhannowa buuxxe malaate wori.
20
Mittu malaati, Amooni katama Raaba kulannoho; layinkihu kayinni, Yihudaho qiinshoonni katama Yerusaalamenniha leellishannoho.
21
Baabilooni moote doogga xaaddannowa malaateho kaansoonni hossuwa mule uurranno; hiittenne doogo hige ha'ra hasiissannosiro afate hixa ga'nanno. Kaphu magannasino mala xa'mi'ranno; kakkalote gorrinoonni saada hellee la"anno.
22
Kuneeti qiniiticho angasinni, ‹Yerusaalame› yitanno borro aanaho noo hixa amadanno. Hakkawoyintenni, olaho adawadhinanni gede, katamu huxxi mule bushsha duunnanni gede, huxxisinna waalchisi mokkollo hiiqqaqqinanni gedenna mannano shinanni gede malaate uyi.
23
Yerusaalamete manni eino gondoorinni kainohunni, kuni coyi iillannonke yee dihedino. Kayinnilla, konne himana kulloonnihu cubbonsa qaagiissatenna qafadantannota kulateeti.
24
Kunnira, ani Mootichu Kaaliiqi yeemmohu konneeti: Cubbi'ne leellino; sao assitinoonnire ikkitinoonnita mannu duuchunku afino. Ikkito'ne baalatenni cubbaataamma ikka'ne leellishshinanni. Kunnira, yoo yeemmo'ne; diini'nerano sayise eemmo'ne.
25
«Ati bunshenna batte wo'mitinohehu Israeelete albisaancho, goofimarchu qoricha eemmohe barri iillino.
26
Ani Mootichu Kaaliiqi konne coye coyi'roommo: Umikki ba'latto hooli; xaaxi'rootto hocco tiri. Kunni ka'a bashsho gede coyi horonta dihee'ranno; buxanete roorre uyitine, xa gashshite noore dirrisse.
27
Bao! Bao! Ee halaalenka katamaho bao dagganno gede asseemmo. Ikkollana, dooroommohu daa geeshsha kuni coyi di"ikkanno; hatte yannara isira sayise eemmo» yii.
28
Qoleno, «Koo manchi beetto, himana coyi'ri! Israeele xontannorira Amoonootaho ani Mootichu Kaaliiqi yeemmore, ‹Huntanno bise qixxaabbino; iseno, shitaranna banqote gede bilicci yitara fiinoonnite.
29
« ‹La'inanni ajuuja dharaho; kultinanni himanino kaphoho. Ki'ne, bunshenna batte wo'mitino'nereeti; goofimarchu qoricha adhitinanni barri iillino; bise haxo'nera suuntanni no.
30
« ‹Bise, koise giddora qolle; ilantinoonni gobbara yoo yeemmo'ne.
31
Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.
32
Giira guddanno'ne; mundee'ne umi'ne gobbara du'nantanno; layinkimeeshsho qaaganno'nehu dihee'ranno. Konne coye coyi'roommohu ani Mootichu Kaaliiqaati› yiino yite kulinsa» yiie.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48