bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Ezekiel 32
Ezekiel 32
Sidamo
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
1
Qafadammummohunni tonaa layinki diro, tonaa layinki agani eihunni umi barra Kaaliiqi,
2
«Koo manchi beetto, Gibitsete mootera kiirte wi'li. Lowo geeshsha qorophisiisse ani eemmohe qaale, ‹Ati dagate mereero heedhe, atenee doobbiichimma kiirootto. Ikkollana, ati baaru giddo galchamanno naachi gedeeho; lekkakkinni borcitanni wayibba boo'reessatto.
3
Lowo daga gamba yitanno yannara, woshshaado'yanni amadeemmohe. Woshshaado'yanni goshooshshe qacce fushshitannohe gede asseemmo.
4
Hakkiinni, baattote aana tugeemmohe; maalakki ittanno gede allaattenna moyicho baala woshsheemmo.
5
Maalakki ilaallate aana billaalliseemmo; gatinoha lagga wonsheemmo.
6
Mundeekki ilaallate geeshsha lolakkanno; maalikkino lagga wo'manno.
7
Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.
8
Gordu xawaabba baala hune, gobba tunsitannohe gede asseemmo. Ani Kaaliiqi konne coye coyi'roommo.
9
« ‹Affe egennoottokki daga nafa, baonniha duduwokki macciishshitanno yannara, lowo geeshsha massanno.
10
Ani ate aana asseemmo coyi, lowo daga masise huxisannoha ikkanno; bise'ya milli asseemmo yannara mootoolla waajjite huxidhanno; ati uwatto barra, baalunku uminsa lubbora waajjite qece yitanno› yiino yite kulisi» yiie.
11
Mootichu Kaaliiqi Gibitsete mootera, «Baabilooni moote bala tugahera daanni no.
12
Marartannokki daga mereerinni doorantino gaaddo bisensa fushshidhe, mannakki doddoltanno gede asseemmo. Ati ku'lattohu mannikkinna wolu coyi baalunku ba"anno.
13
Wayi fulannowa noo saada baala, mitteenni gorrantanno gede asseemmo. Hakkunni gedensaanni, waa boo'reessanno manni woy saada horonta diheedhanno.
14
Wayibbakki xalaltanno gede, daaddanno wayibbano qarru nookkiha hadhanno gede asseemmo. Ani Mootichu Kaaliiqi konne coye coyi'roommo.
15
Ani Gibitse mulla darga asseemmo yannaranna, hakko hee'rannore baala huneemmo yannara, ani Kaaliiqa ikkoommota affanno.
16
Kuni qorophishiishshaho; qoleno kiirre wi'linannihe wi'laati. Dagate meenti Gibitsetenna mannise baalaho kiire wi'lanno. Ani Mootichu Kaaliiqi konne coye coyi'roommo» yee kulie.
17
Qafadammummohunni tonaa layinki diro, umi agani eihunni tonaa ontikki barra, Kaaliiqi,
18
«Koo manchi beetto, lowohura Gibitsete mannira wi'li. Wolqaataamma daga ledo jeennaate dirritanno gede yoo yiinsa.
19
Togono yiinsa: Ki'ne wolootunni roore xu'mitinoonniha lawino'ne? Hatto ikkiro nafa jeennaate dirritinanni; hakkiichono Maganiweelootu ledo goxxinanni.
20
«Gibitsete baattora bise qixxaabbinohura, Gibitsete manni ree wolu lowo manni olunni reyinohunni xaadanno.
21
Gibitsootu jeennaate dirritanno yannara, qotinsara uurrite gaarantino ejjeetto ka'e haadhannonsa. Haadhannonsa woyite, ‹Olunniwa shiniri Maganiweelootu kuneeti jeennaate dagginona, konne goxxanno!› yitanno.
22
«Asoorino olantosi baalante ledo hakkiicho no; baalanka shinoonnihu olunniiti.
23
Mooggansano qile bale giddo no; olantonsa baala olunni waxaaxxino. Mooggansano hakkiicho no; ikkollana insa lubbotenni noo yannara mannaho mogga naqqinoreeti.
24
«Elaami gobbano reyitino olantose waamma gaangeessidhe hakkiicho no; baalanka olunni shinoonni. Insano Magano affukkinni heedhenni jeennaate dirritino. Lubbotenni noo yannara, mannaho mogga naqqannoreeti. Xa kayinni saalansa duqqitino gedeenni jeennaateho hee'ranno manni ledo karsantino.
25
Elaami olunni shinoonni manni ledo goxxe no; olantose, moogga baala gaangeessite no. Insa shinoonnihuno olunniiti; baalunku Maganiweelootaho. Lubbotenni noo waro, mogga naqqinoreeti. Xa kayinni, saalansa duqqitino gedeenni, olunni shinoonniri ledo xaaddino.
26
«Mesheekinna Tubaalino olantonsa moogga gaangeessiteennansa hakkiicho no. Insa shinoonnihuno olunniiti; baalunku Maganiweelootaho. Insano lubbotenni noo waro mannaho mogga naqqino.
27
Albi ejjeetto bagadinsa ledo jeennaate dirritanno. Wonqonsa gagasinsara, bisensa umaallonsaanni heedheenna bagadonsa amaxxitino gedeenni madaarantino. Xa reyitannore kayinni, hakkuri gede assine ayirrinyunni dimadaarroonni. Tini ejjeetto lubbotenni noo waro, mannaho mogga naqqinoreeti.
28
«Olunni shinoonni Gibitsooti, Maganiweelootu ledo mitteenni madaarantanno.
29
«Edoomi, mootoollasinna gashshaanosi ledo hakkiicho hee'ranno. Insa kunni albaanni jawaata olantooti. Xa kayinni, olunni shinoonnihu Maganiweelu manni ledo jeennaateho goxxe no.
30
«Aliyye ayirraddinna Sidoonootu hakkiicho heedhanno. Kunni albaanni wolqansanni mogga naqqannoreeti. Xa kayinni, Magano affukkinni jeennaate dirrino manni ledo mitteenni saala duqqite heedhanno.
31
«Kuri baalu olunni reyitinota affanno yannara, Gibitsete mootenna olantosi sheshifattanno. Konne coye coyi'roommohu ani Mootichu Kaaliiqaati.
32
«Ani kunni albaanni Gibitsete moote mannu baalu waajjannosiha assoommo. Xa kayinni, isinna olantosi baala olunni shinoonnihu Maganiweelu manni ledo fooliishshidhanno. Konne coye coyi'roommohu ani Mootichu Kaaliiqaati» yee coyi'rie.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48