bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Matthew 4
Matthew 4
Sidamo
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
1
Hakkunni gedensaanni Sheexaanu jifannosi gede, Qullaawu Ayyaani Yesuusa halalli gobba qole haa're ha'risi.
2
Hakkiicho shoyilloo barranna shoyilloo hashsha itikkinni keeshshe hudi'ri.
3
Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.
4
Yesuusi kayinni, «‹Mannu Maganu afiinni fulanno qaali baalunni ikkinnina, sagale callatenni dihee'ranno› yine borreessinoonni» yee dawarisi.
5
Hakkunni gedensaanni, Sheexaanu Yesuusa Qullaawa Katama Yerusaalame masse Qullaawu Mini guunxo iimira fushshe uurrise,
6
«‹Lekkakki kinchu gane gawajjannohekki gede, angansa woroonni worte irkissahera, Maganu sokkaasinesi hajajannohe› yine borreessinoonnina, hanni ati Maganu Beetto ikkoottoro kawiichinni umokki eela qolte tugi!» yiisi.
7
Yesuusi qole, «‹Mooticha Maganokki jiffooti!› yineno borreessinoonni» yiisi.
8
Sheexaanu lede Yesuusa lowo geeshsha seedu ilaali iimira haa're fushshe, alamete gashshooti ayirrinye baala leellishe,
9
«Anera kumbuulittoero konne baala eemmohe» yiisi.
10
Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.
11
Hakkunni gedensaanni Sheexaanu Yesuusa agure ha'reenna, sokkaasine dagge towattusi.
12
Yesuusi Yohaannisi usuraminota macciishshe,
13
Naaziretete Katama agure, Zaabilooninna Nifitaalemi gobbara Galiilu Wayi mule noo katama Qifirinahoomi ha'ri.
14
Kuni ikkinohu himanaanchu Isayaasi,
15
«Baarunniwa massitanno doogoranna Yordaanoosi Wayira widoonni heedhannori, Zaabilooninna Nifitaalemi gobba, amma'nitinokki daga Galiilunniti,
16
tunsote hee'ranno manni, lowo xawaabba lai. Reyote caali gobbara heedhannorira caabbichu fuli» yee himanino himani wo'manno gedeeti.
17
Hatte yannanni kayise Yesuusi, «Gordu Gashshooti gambisinona, cubbo'ne aagintaabbe!» yaanni rosiisa hanafi.
18
Yesuusi Galiilu Baari muleenni hige sa"anni hee're lame roduuwa Pheexiroosi yiniha Simiooninna rodoosi Indiriyaasi afi. Insa qulxu'me woshshaaxxate woshshaadonsa baaru giddo tugge no.
19
Yesuusino, «Ane hoode amme, ani manna woshshaaddinanni gede asseemmo'nena!» yiinsa.
20
Insano hakkawoyintenni woshshaadonsa agurte isi hoode hadhu.
21
Hakkiinni shiimare sae, lame roduuwa Zebidewoosi ooso Yaiqoobinna Yohaannisi afi. Insa anninsa Zebidewoosi ledo yowolote aana heedhe woshshaadonsa biddi assidhanni noore afe woshshinsa.
22
Insano hakkawoyintenni annansanna yowolo agurte Yesuusi hoode hadhu.
23
Yesuusi Ayihudete xaadi mine rosiisanninna gordu Gashshootiha Dancha Duduwo kulanni, addi addi dhibbinni amadamino manna hursanni Galiilu gobba baala tuqi.
24
Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.
25
Galiilu gobbanninna Tonne Katammanni, Yerusaalametenni, Yihudunninna Yordaanoosi Wayi widiidinni dayinohu lowo manni Yesuusi hoode ha'ri.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28