bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Numbers 22
Numbers 22
Sidamo
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
1
Israeelete manni Moaabi xawo tayise sae ha're Yordaanoosi Wayira soojjaatoonni Iyyaarkora albaanni baxxisi'ri.
2
Hatte yannara Moaabi Moote Sefoori beetti Baalaaqi, Israeele Amooraawoota assitinota macciishshi.
3
Israeelete manni kiiro bati'rino daafira, Moaabi manni lowo geeshsha waajji.
4
Moaabootu Midiyaamootu gashshaanora, «Kuni lowo manni, hayisso mucuqqi asse itanno booti gede, qooxeessinkera noore baala gudanno» yitu. Kunnira, Moaabi Moote Baalaaqi,
5
Efiraaxisi Wayi gama ilaminoha Pitoori Katamira hee'rannoha Bioori beetto Beleaami woshshitannosirira, «Kuneeti baatto wo'mino manni Gibitsetenni fule daye gobba'ya mule baxxisi're no.
6
Kuni manni ninkera wolqankera aleenni ikkinohona, eeggakkiitina dagge rumi. Kunni garinni miteekkine qeelle gobbate aaninni hoo'lineeemmoha ikkannona. Ati maassi'roottohu maassamannota, rumoottohu kayinni rumamannota afoommo» yii.
7
Moaabinna Midiyaami gashshaano Israeele rumeenna baantannisi woxe haadhe Beleaamiwa marte Baalaaqi yiinoreno kultusi.
8
Beleaamino, «Konne hashsha konniicho galtineenna Kaaliiqi yaannoere ga'a soodo kuleemmo'ne» yiinsa. Moaabi gashshaanono hakkiicho keeshshitu.
9
Maganuno Beleaamiwa daye, «Kuri ate ledo noori ayeooti?» yee xa'misi.
10
Beleaamino, «Moaabi moote Baalaaqi anewa soyinoreeti.
11
Insano, ‹Gibitsetenni fulino manni baatto wo'mino. Konne manna dagge rumi. Miteekke hakkunni gedensaanni qase gobba'yanni fushshi'reemmoha ikkannona› yitine kulle yeenna dagginoreeti» yii.
12
Maganu qole Beleaami, «Insa ledo hadhooti. Israeelete manni maassaminohona runtooti» yiisi.
13
Beleaami soodo gute Baalaaqi ledo gashshaanora, «Ledo'ne ha'reemmokki gede Kaaliiqi hoolinoena ki'ne gobba'ne hadhe» yiinsa.
14
Insano galagalte Baalaaqiwa marte, Beleaami ledonsa daa giwinota kultusi.
15
Hakkunni gedensaanni Baalaaqi albirinni roore haammatanna ayirradda ikkitino gashshaano soyi.
16
Insano Beleaamiwa marte, «Baalaaqi mitto coye kullammohera soyinonke. Isino, ‹Anewa daattota hoolannoheri mitturino hee'roonke.
17
Galatakki seekke qoleemmohe; yiittore baala asseemmohe. Kunnira dagge konne manna rumie› yiino» yite kultusi.
18
Beleaami kayinni, «Wole agurranna Baalaaqi birrunna culku wo'minoha mootete mine uyiero nafa, Magani'ya Kaaliiqi hajajo sae mitto coyeno diasseemmo.
19
Hanni ikkirono Kaaliiqi yaannoere afeemmona, ki'neno ku'uri gede techo konniicho galle» yiinsa.
20
Hakko hashshanni Maganu Beleaamiwa daye, «Kuni manni haa're ha'rahera dayinoha ikki woyite, ledonsa ha'ri. Ha'rittorolla kayinni ani yoommore calla assi» yiisi.
21
Beleaami gute kae, harrichosi koodhe Moaabi gashshaano ledo ha'ri.
22
Ikkollana Beleaami ha'ranni hee'reenna Maganu lowo geeshsha hanqi. Beleaami 2 soqqamaasinesi hoodete adhe harrichosi gulufe ha'ranni no. Kaaliiqi sokkaasinchino ittisasira fule doogote uurri.
23
Harricho, Kaaliiqi sokkaasinchi bise amade doogote uurre nooha affe doogote aaninni wirri yite loosu giddora e'u. Beleaami kayinni doogote widira higganno gede ganise.
24
Sokkaasinchuno lamu waatira woyinete kaashsho kayinse kinchu huxxa huxxinoonnitera ruukkado doogora sae uurri.
25
Harricho Kaaliiqi sokkaasincho affe, kinchu huxxiwa gamba yite Beleaami lekka huxxu ledo xaadisse uurritu. Beleaami xaano lede ganise.
26
Kaaliiqi sokkaasinchi alba hige ha're, ka'anna kawa hinganniwa afidhinokkitera ruukkado farora mare uurri.
27
Harrichono Kaaliiqi sokkaasincho affe gadhe gibbu. Beleaami lowo geeshsha hanqe siqqichotenni ganise.
28
Hakkunni gedensaanni Kaaliiqi coyidhanno gede harrichote afoo fanise. Iseno Beleaamira, «Ma"asseennaheeti, togo assite 3 higge ganittoehu?» yitusi.
29
Beleaamino harrichote daware, «Godo'loottae daafiraatiwe! Anga'ya bise heedhoommero dargaho qocci asse agureemmohehu gatino» yiise.
30
Harrichono qolte, «Ani ate harricho di"ikkoomma? Techo geeshsha diati guluffannae noomma? Kunni albaanni togo ikke egennoommani?» yitusi. Isino, «Horonta togo ikkite diegennootta» yiise.
31
Hatte yannara Kaaliiqi Beleaamira ille faneennasi, bise amade doogote uurre noo sokkaasincho afi. Isino umo heeshshi yee alba hige diriiri.
32
Kaaliiqi sokkaasinchino, «Harrichokki togo assite 3 higge mayira ganittose? Hadhanni nootto doogo aneta ikkitinokki daafira ittisammohera dayommo.
33
Harricho ane affe 3 higge shawwu yitino. Hatto ikka hooggoommero ate shee ise calla gatise hoogoommo» yii.
34
Beleaamino Kaaliiqi sokkaasinchira, «Cubbo loosoommo; ane ittisattora doogote uurrite noottota diafoommo; xaano ati ha'reemmota baxoottokkiha ikkiro agure higeemmo» yiisi.
35
Kaaliiqi sokkaasinchi Beleaamira, «Ha'rate woyite ha'ri. Kayinnilla ani kuleemmohere calla coyi'ri» yiisi. Beleaamino Baalaaqi soyino gashshaasine ledo ha'ri.
36
Moote Baalaaqi, Beleaami daanni noota macciishshe haa'rasira gobbasira Moaabi qaccera Arnooni Wayi mule noo Katama Eeri kae mari.
37
Baalaaqi Beleaami, «Umo soqqummo woyite mayira daa giwittoe? Halaalinta galatakki qole afeemmokkiha laweennaheeti?» yiisi.
38
Beleaamino, «Kune xa dayommowe! Ikkollana ani umi'yanni coyi'ra didandeemmo. Kaaliiqi coyi'ri yiinoere calla coyi'reemmo» yee dawarisi.
39
Hakkunni gedensaanni Beleaami Baalaaqi ledo Qiriyaati Hutsooti yinanni katama ha'ri.
40
Baalaaqino hakkiicho lalonna ge'reewo gorre, gama maala Beleaamiranna ledosi gashshaanora uyi.
41
Layinki soodo guto Baalaaqi gamisa Israeelete manna la"anno gede Baleaami haa're Bamooti-Beaali yinanni gaara fushshisi.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36