bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Numbers 3
Numbers 3
Sidamo
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
Kaaliiqi Muse Siina Ilaalira hasaawisi waro, Aaroonitinna Muse ilama kunninni aante noote:
2
Aaroonira 4 labballi ooso noosi. Bayiru Naadaabiiti; isinni aantinori Abihuuti, Aliaazaariitinna Itaamaariiti.
3
Insa baalanka qeesimmate soqqanshora bande buurri.
4
Naadaabinna Abihu kayinni Siina Halallittera qullaawa ikkitinokki giiranni Kaaliiqira kakkalo shiqishshino daafira qoomantino; oosono di"iltino. Kunnira, Aarooni lubbotenni noo geeshsha Aliaazaarinna Itaamaari callu qeesimmatenni soqqantanni heedhu.
5
Kaaliiqino Musera,
6
«Aarooni kaa'litanno gede Leewi ga're abbite albasiinni uurrisi.
7
Qullaawu Dukkani giddo isiranna mannaho hasiisanno looso baalanka loossona.
8
Qullaawu Dukkani giddo loonsanni loosonna Israeelete mannira assate hasiisanno coye baalanka assitanni Dukkana agartona.
9
Leewaawoota Aarooniranna oososira soqqantanno gede Israeelete manniwiinni badde isira uyi.
10
Qeesimmate soqqanshora Aarooninna oososi wori; insa agurranna Dukkanunniwa shiqqi yaannohu reyo» yii.
11
Kaaliiqi lede Musera,
12
«Umo ilamannohu labbaahu baalu darga Israeelete giddonni Leewaawoota adhoommo; kunni daafira Leewaawootu anereeti.
13
Gibitsenniha umo ilaminohanna umo qalaminoha baala shuummo waro, Israeelete gobbara umo ilamannohanna umo qalamannoha baala umi'yara baxxoommo. Xa kayinni hakkuri darga Leewaawoota doodhoommo; insano anere ikkito. Ani Kaaliiqaati» yiisi.
14
Kaaliiqi Musera halallitte gobbara Siina,
15
«Leewaawoota mini mininsanna boosaalli boosaallinsa garinni mittu aganirenna hakkuyi alire labballo baala kiiri» yiisi.
16
Museno Kaaliiqi hajajinosi garinni kunninni aante noore kiiri.
17
Leewira 3 labballi ooso noosi. Insano: Gershooni, Qehaatiitinna Meraariiti.
18
Gershooni ilama Libinanna Shimi"i yinanni.
19
Qehaati ilama Amiraami, Yitsihaari, Kebirooniitinna Uzieeliiti.
20
Meraari ilama Mahiliitinna Muushiiti. Insano su'mi su'minsa garinni Leewaawootaho boosaallu boosaallu annuwate.
21
Libinanna Shimi"i boosaalli Gershooni ilamaati.
22
Gershooni ilamanni kiirroonniri mittu aganirinna hakkuyi ali labballi mitteenni 7,500 mannaati.
23
Kuni boosaalli Dukkanaho badheenni galchimi ragaanni dukka'ne hee'ranno.
24
Insa roorrichi Laeeli beetti Eeliyaasaafiiti.
25
Insa Qullaawa Dukkana, Dukkanu aanaanni dimbanniha, Dukkanu waalchira noo dukko,
26
Dukkanunna kakkalote uduunni gaangaawira noo dukkuwa, e'nanni waalchi dukkonna siibba baala agartanno.
27
Amiraami, Yitsihaari, Kebirooninna Uzieeli ilama Qehaati boosaallooti.
28
Tenne ilama giddonni kiirroonniri mittu aganirinna hakkuyi ali labballi mitteenni 8,600 mannaati. Insa Qullaawa Dukkana agartannoreeti.
29
Qehaati ilama Dukkanaho wodiidi ragaanni dukka'nite heedhanno.
30
Qehaati ilamara sooreessu Uzieeli beetti Elitsaafaaniiti.
31
Insa Taaboota, xarapheezza, caabbicho worranni uduunnicho, kakkalote uduunne, Qullaawu Dukkani uduunne baala, Qullaawu Holgi waalchi dukkonna ledo noo uduunne baala agartanno.
32
Leewaawootu roorrichi qeesichu Aarooni beetti Aliaazaariiti. Isi Qullaawa Mine agartannore hajajanno.
33
Mahilinna Muushi boosaalli Meraari ilamaati.
34
Tenne ilamanni kiirroonniri mittu aganirinna hakkuyi ali labballi baalu 6,200 mannaati.
35
Meraari ilama sooreessi Abieeli beetti Tsurieeliiti. Insa Qullaawu Dukkani mule aliyye ragaanni dukka'nite heedhanno.
36
Qullaawu Dukkani xiyyo, waawanna, dereersuwa, tuuqqa lekkuwansa ledo, uduunne baala agartanno.
37
Qolteno huxxu gaangaawira noo tuuqqa lekkuwansa ledo, ciffanna siibba agartanno.
38
Muse, Aarooninna oososi soojjaati ragaanni Qullaawu Dukkanira albaanni heedhanno. Insa Qullaawa Darga Israeelete manni daafira assinanni coye baala towattanno. Insa agurranna, hakkiira shiqqi yaannohu wolu manni kayinni reyanno.
39
Kaaliiqi hajajino garinni, Musenna Aarooni boosaalli boosaallinsa garinni kiirtinori mittu aganinna hakkuyi ali labballi mitteenni 22,000 mannaati.
40
Kaaliiqi Musera, «Umo ilantinore Israeelennita labballi ooso mittu aganirenna hakkuyi alire su'mi su'minsa garinni kiirte borreessi.
41
Insa darga Leewaawoota doodhoommo; qoleno umo qalantino saada Israeelennite darga Leewaawootu saada doodhoommo. Ani Kaaliiqaati» yii.
42
Museno Kaaliiqi hajajinonte gede Israeelenniha bayira bayira beetto kiiri.
43
Kiirroonniri mitto agananna hakkuyira aleenni ikkinonsari umo ilantino labballi baalu 22,273 mannaati.
44
Kaaliiqi Muse,
45
«Umo ilantanno ooso Israeelennite darga, Leewaawoota anera badie. Saadansano umo qalantanno saada Israeelennite darga anera badie. Leewaawootu anereeti. Ani Kaaliiqaati.
46
Umo ilantinori Israeelenniti labballi ooso Leewaawootuwiinni 273 kiironni roortanno daafira, gattinore woxunni wodi.
47
Mittu mittunkura Qullaawu Mini keenaasinchi garinni onte onte kinchu birra baati.
48
Woxeno Aarooniranna oososira uyi» yiisi.
49
Museno Leewaawootunni wonde gatinsoonniri 273 manniwiinni gamba assinoonni woxe haa'ri.
50
Wodote haa'noonni woxi mitteenni 1,365 kinchu birraati.
51
Kaaliiqi hajajino garinni Muse wodote birra Aarooniranna oososira uyi.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36