1 Peter 1

Sotho 1951 (BIBELE)

Jump to: Chapter 2 →

1Petro Moapostola wa Jesu Kriste, o ngwalela bahlaolwa, bafaladi ba ba gašanego le dinaga tša Ponto, le Galatia, le Kapadotsia, le Asia, le Bithinia,

2Ba go hlaolwa ka mo Modimo a tsebilego pele, le ka go kgethega ka Moya, ya ba ba ba kwago Jesu Kriste, ba fokelwa ka madi a gagwe. Kgaugelo le khutšo a di fele di le tlela ka botlalo.

3A go retwe Modimo Tatago Mong wa rena Jesu Kriste, wa go re tswala gape ka kgaugelo e kgolo ya gagwe, ra tla re ba ba kholofelo ye e phelago ka ge Jesu Kriste a tsogile bahung,

4gore re je bohwa bjo bo sa bolego, bjo bo se nago senyalo, bjo bo sa onalego, bjo le boboleketšwego legodimong,

5lena ba le lotegago ka maatla a Modimo ka tumelo, gore le fihlele phološo ye e lokišeditšwego go tlo utollwa lebakeng la bofelo.

6Ke tšona le di thabelago, le le ba go hlokofatšwa lebakanyana ge go swanetše go ba bjalo, le le melekong ya mehutahuta;

7e le gore go bonale go botega ga tumelo ya lena ya theko ye e fetago ya gauta ye e onalago le ge e lekotšwe ka mollo, gore tumelo ya lena e hwetšwe e ratega, e tumišega, e na le letago mohla wa ponagalo ya Jesu Kriste.

8Ke yena yo le mo ratago le sešo la mmona, yo le mo dumelago le ge le sa mmone bjale, le mo hlalalela ka lethabo le le palago go bolelwa, le le nago le letago.

9Gobane le šetše le swere se tumelo ya lena e lebago sona, phološo ya meoya ya lena.

10Phološo yeo, baporofeta ba e nyakile ba e latiša ka menagano, bona ba ba porofetilego tša kgaugelo ye e tlilego ya diregela bolena.

11Ba latišitše lebaka le Moya wa Kriste o le šupago o le mo go bona ge o ba sebela tša ditlhokofalo le tša letago le le tlogo di latela.

12Ba utolletšwe, gore e be e se go itirela, gore e be e le go direla bolena ge ba bolela tše lena le di tsebišwago ke Ebangedi ka Moyamokgethwa wo o tšwago legodimong o romilwe, ya ba dilo tše Barongwa ba hlolegetšwego go nyarela go tšona.

13Ke gona itlemeng matheka kgopolong ya lena, le phele le phafogile; mme kgaugelo ya mohla wa ponagalo ya Jesu Kriste le e holofele ka kholofelo ye e tletšego,

14le be bana ba ba kwago, le lese go keka le tšela tša kgale tša dikganyogo tša mola le sa le ba go se tsebe.

15Bang ba bakgethwa ka go etša Mokgethwa Eo a le biditšego; le be bakgethwa ditseleng tša lena ka moka.

16Gobane go ngwadilwe gwa thwe: Bang ba bakgethwa, gobane nna ke e Mokgethwa.

17Gomme ge yenaeo Mosebebemotho, e a ahlolago ka go ya ka modiro wa motho, ge le re “Tata wešo” le era yena, gona swarang tsela ya leeto la bophelo bja lena ka go mmoifa,

18le tsebe gore, tseleng yeo ya lena ya lefela, ye le e tšerego go botataweno, ga la ka la hunollwa ka tše di felelago boka gauta le silifera,

19Le hunolotšwe ka madi a theko e kgolo a Kriste, a yena Kwana e se nago senyalo le bosodi.

20Ke yena a bego a tsebja mola lefase le sešo la thewa, a tla a bonala mehleng ya bofelo ka baka la lena,

21Lena ba le dumetšego Modimo ka yena yo Modimo a mo tsošitšego bahung, a mo nea borena gore tumelo ya lena e tle e be go holofela Modimo.

22Tiišang go ratana ka pelotshekegi, ka ge dipelo tša lena di hlatswitšwe ke go kwa therešo ka Moya o išago leratanong le le se nago bomenetša,

23gobane le ba ba tswetšwego gape ka peu e sego yela e senyegago, e le peu ye e sa senyegego ya lentšu la Modimo le le phelago, le le tlogo dula le le gona neng le neng.

24Gobane nama ka moka e bjalo ka bjang, botse bjohle bja yona bo ka letšoba la naga. Bjang bo a omelela, letšoba le a pona.

25Gomme lentšu la Morena le eme neng le eng. Ke lona lentšu le le le boditšwego ka Ebangedi.

Jump to: Chapter 2 →

Recommended Reading

Commentary 1 Peter Commentaries → Devotional 1 Peter Devotional Guide → Get This Bible BIBELE Study Bible →