Colossians 4

Sotho 1951 (BIBELE)

← Chapter 3 Jump to:

1Lena Marena! Bahlanka ba lena ba direleng tše di lokilego le tše di swanetšego; tsebang gobane le lena le na le mong wa lena kua magodimong.

2Tiišang thapelo. Le phakgame mo go yona le leboga.

3Le rena le re rapelele gore Modimo a re bulele mojako wa Lentšu, gore go bolelwe sephiri sa Kriste, se nna ke tlemilwego ka baka la sona,

4gore ke se bonagatše ka mo go ntshwanetšego go bolela.

5Bantle le phedišane nabo ka bohlale, ka go thakanela sebaka.

6Polelo ya lena a e be ya botho ka mehla, e be e nokilwego letswai; le tsebe go fetola mang le mang ka mo go le swanetšego.

7Tša bophelo bja ka le tlo di tsebišwa ka moka ke Tigiko ngwanešomoratwa, mohlankammotegi, molatakanna Moreneng.

8Ke yena yo ke mo rometšego go lena, taba e le gore le tsebe tša maphelo a rena, a homotše dipelo tša lena.

9O na le Onesimo ngwanešommotegi le moratiwa, e lego wa geno. Ba tlo le tsebiša tša mono ka moka.

10Aristareko motlengwakanna, le Mareka moswa wa Baranaba, yo le kwelego malaeledi a re: ge a ka tla go lena le mo amogele, ba le dumedišitse,

11Le Jesu e a bitšwago ka la Justo. Ke bona ba e lego ba lebollo. Ke bona fela ba e lego badirašani baka mmušong wa Modimo; ke rolwa pelo ke bona.

12Le dumedišwa ke Epafora wa geno, ke mohlanka wa Kriste e a le lwelago ka dithapelelo ka mehla, gore le eme le le ba boloka tlalo, le kgodilwemoka ke se e lego thato ya Modimo.

13Gobane nna ke mo hlatsela gore o itapiša gagolo ka baka la lena le ba Loaditsea le ba Hierapoli.

14Le dumedišwa ke Luka ngaka, moratiwa, le Dema.

15Dumedišang bana bešo ba Laoditsea, le Nimfa le phuthego ya ngwakong wa gagwe.

16E re ge lengwalo le le badilwe moo ga geno, le dire gore le balwe le phuthegong ya Laoditsea, mme lena le bale la Laoditsea.

17Botšang Aragipo le re a hlokomele modiro wo a o amogetšego Moreneng; gore a o phethe.

18Tumedišo ye ke ya seatla sa ka, sa nna Paulo. Gopolang ditlemo tša ka. Kgaugelo a e be le lena. Amene.

← Chapter 3 Jump to:

Recommended Reading

Commentary Colossians Commentaries → Devotional Colossians Devotional Guide → Get This Bible BIBELE Study Bible →