bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Lamentations 3
Lamentations 3
Sotho 1951 (BIBELE)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Ge e le nna, ke monna wa go bona mahlomola, ka kgati ya mohla o galefile.
2
O nkgogile wa ntshepetša leswiswing, e sego seetšeng.
3
Ke nna yo atla sagwe se bego se mpolela mehla yohle.
4
A gwametša nama ya ka le letlalo la ka, a nthoba mašapo.
5
A nthakelela ka mefolo le ditlaišego,
6
A ntudiša maswiswing boka bahu ba bogologolo.
7
A nkagelela ka merako, ka se kgone go tšwa, a nthweša thobo ya ditlemo,
8
A nyatša dithapelo tša ka, le ge ke goelela ke hlaba mokgoši,
9
A thiba tsela ya ka ka maswika, a ntlhokiša le tselana.
10
Tše a ntirilego tšona ke tša phirimokhukhuni, ke tša taumolaledi;
11
A senya tsela tša ka, a nthuntha a ntira letlawa;
12
A nganga bora bjagwe, a ntira wa maleba ka mesebe,
13
Mme bana bao ba bora a ntlhaba dipshio ka bjona;
14
Ka ba wa go segwa ke bohle ba setšhaba sešo, ka hlwa ke le koša ya bona.
15
O ntešitše tše di galakago, a nnoša lengana.
16
O phuriša meno a ka magakabje, a nkatelela moloreng.
17
O raketše moya wa ka kgole le khutšo, a ntebatša tše dibotse.
18
Ka ba ka re: Ke fedile maatla a lehutšo la go letela Morena.
19
A ko se lebale mahlomola a ka, le go lahlega ga ka, le lengana le, le bohloko bjo.
20
Pelo ya ka e hlwa e gopola tšona e kokobetše ka teng ga ka.
21
Ke tlo di elahloko, ka holofela ke lebane natšo.
22
Ke ka botho bja Morena ge re sa ka ra felela ruri, le ka go se fele ga dikgaugelo tšagwe.
23
Kgaugelo tša gago di tsoga e le tše mpsha mehla yohle, o le wa potego kgolo.
24
Pelo ya ka e re: Nna wa ka ke Morena! Ke ka baka leo ke sa holofetše yena.
25
Morena o setša ba ba mmotilego, le pelo ye e mo nyakago.
26
Ke mo go botse ge motho a hutša a ikhomoletše, a ba a hlakodišwa ke Morena.
27
Ke mo go botse, monna ge a rwala joko e sa le e mofsa.
28
A a dule a nnoši a ikhomolele; o rwešitšwe ke yena.
29
A a iše molomo wagwe leroleng; mohlomong seholofelwa se sa le gona.
30
E a mo tiago a mo sekegele thama, a hore dihlong.
31
Gobane mong wa rena ga a hlale go ya go ile.
32
Le ge a hlokofatša, o a gaugela; tša botho bja gagwe ke tše dintši.
33
Gobane ge a otla bana ba batho, ge a ba hlokofatša, ga a dire di mo kgahla.
34
Ge go gatakwa batlengwa ka moka ba naga.
35
Ge taba ya monna e senywa kahlolong ba le pele ga Yogodimodimo,
36
Ge motho a patwa kgorong, mong a bohle a ga a di bone?
37
Ke mang a ka rego: Go na le se se tlogo direga, ge yena mong wa bohle a sa ka a re se be gona?
38
Tše mpe le tše botse, a ga di tšwe molomong wa Yogodimodimo?
39
Batho ba reng ba tsota maphelo? Monna a a tsote dibe tšagwe.
40
A re šetšeng ditsela tša rena; a re di latišeng; re boele go Morena.
41
Dipelo tsa rena, le diatla tša rena, re di emišetše go Modimo kua magodimong.
42
Go sentše rena re ganne go kwa, mme wa se re lebalele.
43
Wa ba wa itlhama ka kgalefo, mme wa re hlomara, wa bolaya, wa se setše,
44
Wa khuta ka leru; thapelo e se go fihlele;
45
Wa re dira maudi le ditšhila gare ga ditšhaba;
46
Mme manaba ohle a rena a re ahlamela a re sega.
47
Sa rena ke tšhogo le poifo, tšhwalalano le mašegerepe.
48
Mahlo a ka a tšhologa noka tša meetse ka thobego ya ngwanana wa setšhaba sešo.
49
Mahlo a ka ga a kgaotše go tšwa meetse; ga a khutše.
50
Morena kua magodimong o tlo ba a okamela a di bona.
51
Ihlo la ka le mpabiša pelo ka bohle banana ba motse wa gešo.
52
Ba go fo ntlhoya ba hlwa ba nthaka boka nonyana.
53
Phelo bja ka ba bo kateletše moleteng; ba nkgatla ka maswika.
54
Ke farafarwa hlogo ke matlobotlobo, ka ba ka re ke fedile.
55
Ke le tlasetlase moleteng ka bitša leina la gago, Morena.
56
Wa kwa lentšu la ka, wa se ithibe tsebe mola ke fegelwa, ge ke goelela.
57
Wa mpatamela mohla woo ke go bitša, wa re: Se boife!
58
Wene mong a ka wa ntwela, wa namolela phelo bja ka.
59
Morena, o di bone ge ke pateletšwa; hle nkahlolele taba ya ka.
60
O di bone tšohle ge ba ntira ka sehlogo, le tšohle tše ba ntakanego tšona.
61
Morena, o ba kwele ge ba nthoga, le tšohle tše ba ntakanego tšona,
62
Le melomo ya ba ntsogelago maatla, ba dutše ba ntheile mehla yohle.
63
O ko ba bone, ge ba dula, ge ba tsoga, koša ya bona ke nna.
64
Morena, o tlo ba lefetša ka tše lekanego tiro tša bona.
65
O tlo ba thatafiša pelo, wa ba hlolela kotsi.
66
O tlo ba hlomara o befetšwe, ba se hlwe ba eba gona mono tlase ga leratadima la Morena.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5