bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Zechariah 8
Zechariah 8
Sotho 1951 (BIBELE)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 9 →
1
Lentšu la Morena wa mašaba la ntlela la re:
2
Morena wa mašaba o re: Tsione ke be ke go pelofalela ke go swela pelo; ka go pelofalela wa go galefa gagolo.
3
Morena wa mašaba o re: Ke boela Tsione; ke aga motseng wa Jerusalema. Jerusalema go tlo bitšwa motse wa therešo; thaba ya Morena wa mašaba e tlo bitšwa Thabakgethwa.
4
Morena wa mašaba o re: Mo mekgobeng ya Jerusalema go sa tlo dula bakgalabje le bakgekolo ba swere mahlotlo ka boati bja matšatši.
5
Mo mapatlelong a motse go tlo tlala bašemane le banana, ba bapala mo mapatlelong a wona.
6
Morena wa mašaba o re: Ge mašalela a setšhaba se a ka re: Tše bjalo a di sa tlo kgonega mehleng ya bjalo, a ke gore le nna ke bona di sa kgonege? O realo Morena wa mašaba.
7
Morena wa mašaba o re: Ke nna e, Mophološatšhabasaka nageng ya bohlabela le ya bodikela.
8
Ke tlo ba goroša; ba tlo dula fa Jerusalema; e tlo ba setšhaba sa ka, mme nna ke tlo ba Modimo wa bona ka therešo le ka toko.
9
Morena wa mašaba o re: A diatla tša lena di tie maatla, lena ba le kwago mehleng yeno ditaba di bolelwa ke baporofeta ba mohla wola go sa thewa Ngwako wo wa Morena wa mašaba, gore Ntlokgethwa e agiwe.
10
Ka gobane mehleng e fetilego modiro wa motho o be o sa tšwe selo; le modiro wa seruiwa o be a sa hole selo; e a bego a etšwa le e a bego a boa, o be a sa atlege, go le manaba; ka gobane ke be ke lesitše batho bohle, motho a lwa le wa gabo.
11
Fela bjale mašalela a setšhaba se nka se ke ka a dira tša mehla yela ya kgale. O realo Morena wa mašaba.
12
Go tlo ba le peu ya molao; morara o tlo bea dikenyo; naga e tlo ntšha menono; legodimo le tlo neša phoka ya lona. Tšeo ka moka ke tlo di nea mašalela a setšhaba se, ya ba tša bona.
13
Tše di tlo go ba gona šedi: Bjalo ka ge lena ba moloko wa Juda le wa Isiraele le le ba go rogwa ke ditšhaba, ke tlo le phološa la ba ba go šegofatšwa. Se boifeng! Dirang ka maatla.
14
Gobane Morena wa mašaba o re: Bjalo ka ge nkile ka akanya go le hlokofatša mola botataweno ba mpefetše, ke se thiše.
15
Bjale ke boile; mehleng yeno ke eleletša go ka šetša motse wa Jerusalema le ba moloko wa Juda. Le se boifeng!
16
Tše le swanetšego go di dira šedi: Botšanang therešo, le rereše kahlolong; go dikgorong tša lena go buše therešo le toko le molao.
17
Motho a se ke a gopola wa gabo ka tše mpe; le se ke la rata keno ya maaka; ka gobane ke tšona tše nna ke di hloilego. O realo Morena.
18
Lentšu la Morena wa mašaba la ntlela la re:
19
Morena wa mašaba o re: Tša mola ba moloko wa Juda ba ikona ka kgwedi ya bone le ka ya bohlano le ka ya go šupa le ka ya lesome, di tlo fetoga thabo le tlhalalo le menyanya e mebotse. Ratang, gee, therešo le molao.
20
Morena wa mašaba o re: Go sa tlo tla ditšhaba le baagi ba metse e mentši.
21
Baagi ba motse o mongwe ba tlo ya go baagi ba o mongwe motse, ba re: A re yeng, re yo rapela sefahlogo sa Morena, re nyake Morena wa mašaba; le rena re a ya.
22
Go tlo tla ditšhaba tše ntši, ditšhaba tše maatla, tša nyaka Morena wa mašaba motseng wa Jerusalema, tša rapela sefahlogo sa Morena.
23
Morena wa mašaba o re: Mehleng yeo banna ba lesome ba mebolelo ya mehutahuta ba tlo swara monna wa Mojuda ka kobo, ba re: A nke re ye le lena, ka gobane re kwele gore Modimo o na le lena.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 9 →
All chapters:
1
2
3
4
5
6
7
8
9
10
11
12
13
14