bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sundanese
/
Sundanese Bible (Sunda) - KITAB SUCI (LAISUN) 1991
/
Exodus 36
Exodus 36
Sundanese Bible (Sunda) - KITAB SUCI (LAISUN) 1991
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 37 →
1
Besalel, Oholiab, jeung tukang-tukang anu sejen, anu ku PANGERAN geus dipaparin pangabisa jeung kanyaho, anu ngalarti kana sagala rupa anu tumali jeung kaperluan nyieun Kemah Suci, kudu nyieun eta barang-barang sakumaha timbalan PANGERAN.”
2
Geus kitu Musa nyaur Besalel, Oholiab, jeung tukang-tukang anu sejen, anu ku PANGERAN geus dipaparin pangabisa tur iklas ngabarantu barang gawe, ditimbalan mimiti digarawe.
3
Barang-barang pangbakti ti urang Israil pikeun kaperluan nyieun Kemah Suci tea ku Musa diserenkeun ka maranehna. Tapi unggal isuk urang Israil teh merul keneh bae marawa pangbakti ka Musa.
4
Anu matak tukang-tukang teh
5
arunjukan ka Musa, ”Hatur uninga, derma ti jalmi-jalmi teh parantos seueur teuing, langkung ti anu kedah dianggo ngadamelan barang-barang anu dipiwarang ku PANGERAN.”
6
Ti dinya Musa miwarang ngiderkeun parentah ka pasanggrahan, yen derma pikeun Kemah Suci teh eureunan bae, tong aya anu derma deui. Geus kitu kakara jelema-jelema teh eureun dermana.
7
Ari derma-derma anu geus asup geus leuwih ti cukup pikeun nganggeuskeun sagala rupa barang anu kudu dijieun.
8
Ari Kemah Tepangan PANGERAN dijieunna teh ku tukang-tukang anu pangpinterna. Mimitina nyieun rereganana, tina lenen lemes sapuluh gebar, anu ditinun jeung wol warna, biru, wungu, beureum, tuluy disulam ku sulaman-sulaman anu direka mukarabin.
9
Tiap gebar saukuran, panjang dua welas meter, rubak dua meter.
10
Anu lima gebar diranjingkeun, dijait dijieun sagebar. Pon kitu anu lima gebar deui.
11
Sisi luar gebaran unggal setel ku maranehna diberean kakantet-kakantet tina lawon biru,
12
lima puluh kakantet dina gebaran nu hiji setelan kahiji, dicangreudkeun kana lima puluh kakantet anu aya dina tungtung gebaran setelan anu kadua.
13
Maranehna nyieun lima puluh kakait emas, tuluy anu dua gebaran teh dihijikeun ku eta kakait-kakait.
14
Tuluy nyieun lapis Kemah tina lawon bulu embe sawelas gebar,
15
kabeh saukuran, panjang tilu welas meter, rubak dua meter.
16
Anu lima gebar diranjingkeun dijait dijieun sagebar, pon kitu anu genep gebar deui.
17
Dina sisi gebaran panungtung setelan nu hiji ku maranehna diberean lima puluh kakantet, kitu keneh dina sisi gebaran setelan nu hiji deui lima puluh kakantet.
18
Ti dinya nyieun kakantet-kakantetna tina tambaga, lima puluh siki pikeun ngantetkeun eta anu dua gebar sina ngahiji.
19
Seug nyieun deui lapis, dua gebar, nu hiji tina kulit domba beunang ngabeureuman, nu hiji deui tina kulit lemes, pikeun tutup Kemah beulah luar.
20
Geus kitu nyieun papan-papan anu lalempeng tina kayu pilang, pikeun Kemah.
21
Ukuran masing-masing panjang opat meter, rubak genep puluh genep sentimeter,
22
marake dua pupurus supaya bisa diranjing-ranjingkeun. Unggal papan kabeh make pupurus kitu.
23
Papan pikeun pongpok kidul nyieun dua puluh lembar,
24
katut opat puluh tatapakanana tina perak pikeun nahan dua pupurus handap, sapapanna dua tatapakan.
25
Pikeun kemah pongpok kaler nyieun dua puluh papan,
26
katut tatapakan perakna opat puluh, sapapanna dua tatapakan.
27
Pikeun pongpok Kemah beulah tukang beh kulon nyieun genep papan.
28
Pikeun popojok-popojokna masing-masing dua papan.
29
Papan dina popojok diranjingkeunana tina dasar nepi ka congo luhur. Kitu petana masang papan pojok, sina nyiku.
30
kabehna aya dalapan papan pojok katut genep welas tatapakan perakna, sapapanna dua tatapakan.
31
Ti dinya nyieun papalang-papalangna tina kayu pilang. Pikeun nahan papan-papan pongpok Kemah beulah ditu lima papalang,
32
pikeun nahan papan-papan pongpok beulah dieu lima papalang, pikeun nahan papan-papan pongpok tukang beulah kulon lima papalang.
33
Papalang-papalang anu panengah dipalangkeunana satengahna tina luhurna papan-papan, malang ti tungtung Kemah beulah dieu nepi ka tungtung beulah ditu.
34
Papan-papanna kabeh dilapis ku emas, kabeh marake imah tulak tina emas paragi nyorokkeun papalang-papalang. Papalang-papalangna oge kabeh dilapis ku emas.
35
Ti dinya nyieun deui reregan tina lenen lemes anu ditinun jeung wol warna biru, wungu jeung beureum, sarta disulam ku sulaman-sulaman anu direkakeun mukarabin.
36
Geus kitu nyieun tihang reregan opat tina kayu pilang lapis emas, make kakait-kakait tina emas, jeung opat tatapakanana tina perak.
37
Reregan pikeun lawang kemah lawonna lenen lemes anu ditinun jeung wol warna biru, wungu, jeung beureum, dihias ku sulaman.
38
Pikeun tihang rereganana nyieun lima, make kakait-kakait. Congo-congo tihang jeung papalang-papalangna kabeh dilapis ku emas, katut lima tatapakanana tina tambaga.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40