bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezra 10
Ezra 10
Sukuma 2019
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
1
Ū Ezila aho alīlomba na kūtambūūla, kūnū akūlīlaga na kwiponanja hasī ū kū būtongi bo numba ya ng'wa Mulungu, ibità itaale lya Baisilaeli līkibilinga aho walī, bagosha na bakīma na baana; nabo būyūlīla mu kūsaatwa kūtaale.
2
Kwimanīla Shekania ng'witūnja o ng'wa Yehieli, ūmò wa banhū ba shibyalīlwe sha ng'wa Elamu ūng'wīla ū Ezila, “Twang'hūbile ū Mulungu wise kūlwa nguno twatoolile bakīma ba kūfuma mu mahanga ga banhū ba mu sī īyī; alīyo nahene kūtaalī kūlīho ū kwisagīlwa ū kū Baisilaeli, nūūlū īkī yajile gīko.
3
Alilūūlū, tūtūūlagi ilagane a ha gatī yise nū Mulungu wise, tūbaleke a bakīma benaba pye a bose, na a baana babo, gīt'ūmo ūlītūganikīla baba; ūmo bahayīlile na a bangī abo baalī na logohano kū shilagīlo sha ng'wa Mulungu wise, nīyo ī lilagane lyenīlo lītūūlwe gīt'ūmo shihayīlile ī shilagīlo.
4
Būkaga baba, ū mhayo gwenūyū gūlī mu nkono gwako; gwītage, na a bise tūlī hamò nang'ho kūkūguzuhya.”
5
Hūna ū Ezila ūbūka, ūbilahīja a bagabīji a batongeeji na a Balawī, na a Baisileli a bose, gīkī bakwīta īyo yahayiagwa; nabo ng'hana bilahīla.
6
A henaho lūūlū ū Ezila hū wīnga ū kū būtongi bo numba ya ng'wa Mulungu, ūja mu chumba sha ng'wa Yohanani, ng'witūnja o ng'wa Eliyashibu ūūkakeyula ng'wenūmo, atalile nūūlū kūng'wa yaya; nguno walī ataalī ūlīla kūlwa nguno ya banhū abo baalī bafuma kū būsaamiwa, abo bakalemeelwa ū kūbiza bishigwa.
7
Hūna gūhelwa gwa kwibilinga pye a banhū abo baalī bashoka kūfuma kū būsaamiwa, hūna būkumūkījiwa hose pyī ū mu Būyudaya nī Yelusalemu, gīkī bize kwibilingīla Yelusalemu.
8
Shūtūūlwa shilagīlo gīkī ose ose ūyo alaleke kūshika aho shikū idatū jitaalī kūshila, a basugi na a banamhala badūgije kūlagīla ataajiwe pyī ī shikolo shakwe, hama ū wei ng'wenekīlī asūngūlwe ū ng'wibità lya bashoki ba kūfuma kū būsaamiwa.
9
Na ng'hana pye a bagosha ba mu Būyudaya nī Benjamini bibilinga ī Yelusalemu aho jitaalī ū kūshila ī shikū īj'idatū. Lwalī lūshikū lwa makūmi abīlī ng'weji gwa kenda; a ha būtongi bo numba ya ng'wa Mulungu lyalīho ibbaala igalī, pye a banhū bigasha henaho hasī, bakūdetemaga kūlwa nguno yago ū mhayo gwenūyo, na kūlwa nguno yatūlaga mbula nhaale.
10
Hūna ū ngabīji Ezila wīmīīla ūbawīla, “Ng'wahūbile nguno ng'watoolile bakīma ba kūfuma mu mahanga, ng'ūbongeleleja ū būbi wa Baisilaeli.
11
Alilūūlū, ī haha ntambūūlīlagi ū SEEBA Mulungu wa bakūlūgenji bing'we, ng'wīte īyo ayīhayile. Mulekane nabo a banhū abo mukwikalaga hamò nabo, na a bake bing'we a ba kūfuma mu banhū ba mahanga.”
12
Pye a banhū būhaya n'ilaka lya higūlya, “H'ūmo īlī; shitwigelile twīte gīt'ūmo ūlīhayīla.
13
Gwike ī haha balī bingī no a banhū, hama nīyo īlītūla na mbula; tūtūdūla ū kwikala twīmīīlaga hanze aha. Na hangī nīyo ū nīmo gwenūyū gūtī gwa kwītwa lūshikū lūmò dūhū nūūlū ibīlī, nguno twahūbile no ū mu mhayo gwenūyū.
14
A batongeeji bise ni bīmīīla a ha ng'wanya gw'ibità lya banhū. Hūna pye abo balī mu mizengo yise abo batoolile bakīma ba kūfuma mu mahanga, bahelelwe makanza gigelile, bayiza hamò na a balamuji na a banamhala ba mu mizengo, kūshisha būtwīngīle ū būpelanu bo ng'wa Mulungu wise ū mu mhayo gwenūyū.”
15
Yonasani ng'witūnja o ng'wa Asaheli, na Yahizeya ng'witūnja o ng'wa Tikiva; a babīlī benabo būlema ū kwizunīlīja nago ū mhayo gwenūyū, būgunījiwa na Balawī ba Meshulamu na Shabetai.
16
Na ng'hana a banhū abo baalī bashoka kūfuma kū būsaamiwa bīīta gīt'ūmo gūkahelelwa. Ū Ezila ū ngabīji ūsolanhya banhū, abo baalī bataale ba kaya ja bakūlūgenji babo, munhū ūmò būlī kaya ya bakūlūgenji, pye a bose bandīkwa a mina gabo. Mu lūshikū lwa kwandya mu ng'weji gw'ikūmi bigasha kūgūlola ū mhayo gwenūyo.
17
Aho lwashika lūshikū lwa kwandya mu ng'weji gwa kwandya, būmala ū kwīlola ī mihayo ya bagosha abo baalī batoola bakīma ba kūfuma mu banhū ba mahanga.
18
Ū mu ba shibyalīlwe sha bagabīji, a banhū aba hū baalī batoola bakīma ba mahanga gangī: A ba kūfuma mu shibyalīlwe sha ng'wa Yeshua ng'witūnja o ng'wa Yosadaki na baana ba ng'wawe baalī, Maaseya, Eliezeli, Yalibu na Gadalia.
19
(A benaba bakazunya ū kūlekana na a bake babo, ī shakwinha shabo ī sha kūfunya kūlwa kwihīga yūbiza ng'ondi ya ng'holo kūfuma ng'widaale.)
20
A ba kūfuma mu shibyalīlwe sha ng'wa Imeeli baalī, Hanaani na Zebadia.
21
A ba kūfuma mu shibyalīlwe sha ng'wa Halimu baalī, Maaseya, Eliya, Shemaya, Yehieli, na Uzia.
22
A ba shibyalīlwe sha ng'wa Pashuli baalī, Elioenai, Maaseya, Ishimaeli, Nesaneli, Yozabadi, na Elasa.
23
Abo baalī ba shibyalīlwe sha Balawī baalī, Yozabadi, Shimei, Kelaiya (hū kūhaya Kelita), Petahiya, Yuda na Eliezeli.
24
Ū kūfuma mu bīmbi, Eliashibu. A ba kūfuma mu balang'hani ba ha milyango baalī, Shalumu, Telemu, na Uli.
25
Aba bene ba kūfuma mu Baisilaeli a bangī. Ū mu shibyalīlwe sha ng'wa Paloshi baalīho ba, Lamia, Izia, Malikīya, Miyamini, Eleazali, Malikīya, na Benaya.
26
Ū kūfuma mu shibyalīlwe sha ng'wa Elamu, Matania, Zakalia, Yehieli, Abudi, Yelemosi, na Eliya.
27
Ū kūfuma mu shibyalīlwe sha ng'wa Zatu, Elioenai, Eliyashibu, Matania, Yelemoti, Zabadi, na Aziza.
28
Ū kūfuma mu shibyalīlwe sha ng'wa Bebai, Yehohanani, Hanania, Zabai, na Asilai.
29
Ū kūfuma mu shibyalīlwe sha ng'wa Bani, Meshulamu, Maluchi, Adaya, Yashubu, Sheali, na Yelemoti.
30
Ū kūfuma mu shibyalīlwe sha ng'wa Pahati-moabu, Adina, Kelali, Benaya, Maaseya, Matania, Bezaleli, Binui, na Manase.
31
Ū kūfuma mu shibyalīlwe sha ng'wa Halimu, Eliezeli, Ishiya, Malikīya, Shemaya, Shimeoni,
32
Benjamini, Maluchi, na Shemalia.
33
Ū kūfuma mu shibyalīlwe sha ng'wa Hashumu, Matenai, Matata, Zabadi, Elifeleti, Yelemai, Manase na Shimei.
34
Ū kūfuma mu shibyalīlwe sha ng'wa Bani, Maadai, Amulamu, na Ueli,
35
Benaya, Bedeya, Keluhi,
36
Vania, Melemoti, Eliyashibu,
37
Matania, Matenai, Yaasu.
38
Ū kūfuma mu shibyalīlwe sha ng'wa Binui, Shimei,
39
Shelemia, Nasani, Adaya,
40
Makinadebai, Shashai, Salai,
41
Azaleli, Shelemia, Shemalia,
42
Shalumu, Amalia, na Yosefu.
43
Ū kūfuma mu shibyalīlwe sha ng'wa Nebo, Yeieli, Matisia, Zabada, Zebina Yadai, Yoeli, na Benaya.
44
Pye a benaba baalī baatoola bakīma ba kūfuma mu mahanga, nīyo bamò babo baalī babyala nabo baana.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
All chapters:
1
2
3
4
5
6
7
8
9
10